Acta Benedicti Pp. XVI 59

evehimus, propriis cum iuribus et obligationibus, decernentes dicionis eius

fines eisdem limitibus circumscribi quibus antiqua Eparchia Prešoviensis

circumscribebatur. Eodem tempore stabilem Metropolitae sedem in ipsa urbe

Prešoviensi constituimus. Haec omnia reliquaque secundum normas Codicis

Canonum Ecclesiarum Orientalium temperentur. Insuper de eodem absoluto

negotio sueta documenta exarentur et ad memoratam Congregationem mit-

tantur.

Quod autem hac Apostolica Constitutione fieri censuimus, perpetuo cus-

todiri iubemus, contrariis quibuslibet causis haudquaquam obstantibus. Fu-

turum certe interea esse arbitramur ut haec Nostra sententia novaque rerum

ordinatio plurimos pariat salutares fructus posteris annis in apostolatu coti-

diano et in totius gregis illius flore conspicuo.

Datum Romae, apud S. Petrum, die tricesimo mensis Ianuarii, anno Do-

mini bismillesimo octavo, Pontificatus Nostri tertio.

Tharsicius card. Bertone

Secretarius Status

Brennus Chestle, Protonot. Apost.

Emmanuel Fernandez, Protonot. Apost.

Loco e Plumbi

In Secret. Status tab., n. 85.021

III

BRATISLAVIENSIS

Nova Eparchia in Slovachia constituitur Bratislaviensis appellanda.

BENEDICTUS EPISCOPUS

servus servorum dei

ad perpetuam rei memoriam

Complures saeculorum decursu in Ecclesia communitates exstiterunt

quae multiplices variasque prae se exhibuerunt formas, quas legitimas Nos

tueri volumus, ut floridiorem statum per proprium ritum illae consequantur.

Nunc de fidelibus ritus Byzantini in Slovachia commorantibus cogitamus.