Acta Francisci Pp. 713

apud Deum. Haec omnia excitaverunt desiderium auctoritatum ecclesias-

ticarum populique Dei ut a Romano Pontifice mature beati Iosephi Vaz

canonizatio perficeretur. Inter plurimas petitiones recordamur illam anno

MMXIII a Consilio Episcopali Indiarum Occidentalium missam. Insequenti

anno Episcopi Srilankenses similem Nobis miserunt petitionem, asseren-

tes exemplum et intercessionem beati Iosephi Vaz Ecclesiae Catholicae in

suis dioecesibus progressioni valde favisse. Ipsi insuper exhibuerunt Nobis

magni esse momenti pastoralis et ecclesialis christianam testificationem

Apostoli Sri Lankae diffusamque ac beneficam esse eius famam sanctitatis

signorumque qua Beatus variis in orbis partibus est circumfusus. His cunctis

prae oculis habitis iussimus Congregationi de Causis Sanctorum ut beati

Iosephi Vaz canonizationis positionem proponeret et examinaret. Die XVI

mensis Septembris anno MMXIV Patres Cardinales et Episcopi, in Sessione

Ordinaria congregati, votum favens dederunt, itaque Nos Ipsi in consis-

torio die XX mensis Octobris eiusdem anni, audita sententia Cardinalium,

de canonizatione peragenda beati Iosephi Vaz decrevimus. Idcirco hodie,

occasione data Nostri pastoralis itineris in Sri Lankam, inter Missarum

sollemnia, adstantibus multis Fratribus in Episcopatu, presbyteris, religiosis

et christifidelibus, beatum Iosephum Vaz in Sanctorum catalogum intulimus,

hanc pronuntiantes formulam:

For the honour of the Blessed Trinity, the exaltation of the Catholic faith

and the increase of the Christian life, by the authority of our Lord Jesus

Christ, and of the Holy Apostles Peter and Paul, and our own, after due

deliberation and frequent prayer for divine assistance, and having sought

the counsel of many of our brother Bishops, we declare and define Blessed

Joseph Vaz to be a Saint and we enroll him among the Saints, decreeing

that he is to be venerated as such by the whole Church. In the name of

the Father, and of the Son, and of the Holy Spirit.

Volumus tandem ut haec Nostra deliberatio firma sit, immutabilis et

irrevocabilis, atque exoptamus item ut laetanter ab Ecclesiae pastoribus

et a fidelibus recipiatur, qui, lumen contemplantes quod ex virtutibus ac

spiritali sapientia sancti Iosephi Vaz manat, in Christum Crucifixum, Fi-

lium Dei hominisque Redemptorem amore magis ac magis flagrent ipsique,

mirabilia sanctitatis eius exempla imitantes, in communione cum sanctis

Apostolis Petro et Paulo omnibusque aliis caeli incolis alacriter in sancti-

tudinis semita procedere possint.