Acta Francisci Pp. 1197

Sanctorum facultatem dedit ut Decretum super virtutibus promulgaret. Pro

Beatificatione, praebita est deinde asserta quaedam aquae multiplicatio,

quam Consultores Technici eiusdem Congregationis in Sessione die XXXI

mensis Octobris anno MMXIII iudicaverunt sub luce scientiae inexplicabilem.

Consultores Theologi in Congressu peculiari aquae multiplicationem inter-

cessioni Venerabilis Servae Dei adscripserunt; eiusmodi sententiam etiam

Patres Cardinales et Episcopi in Sessione ordinaria die XX mensis Maii

anno MMXIV edixerunt. Nosmet Ipsi Congregationi de Causis Sanctorum fa-

cultatem fecimus ut die XII mensis Iunii anno MMXIV Decretum super miro

promulgaret. Decrevimus etiam ut Beatificationis ritus die XXIII mensis Maii

anno MMXV Nyeriensi in urbe, in Kenia, perageretur.

Hodie igitur eadem in urbe de mandato Nostro Venerabilis Frater Noster

Policarpus S.R.E. Cardinalis Pengo, Archiepiscopus Metropolita Daressa-

laamensis, textum Litterarum Apostolicarum legit, quibus Nos Venerabilem

Servam Dei Irenam Stefani in Beatorum numerum adscribimus:

Nos, vota Fratris Nostri Petri J. Kairo, Archiepiscopi Metropolitae Nyeriensis,

necnon plurimorum aliorum Fratrum in Episcopatu multorumque christifidelium

explentes, de Congregationis de Causis Sanctorum consulto, auctoritate Nostra

Apostolica facultatem facimus ut Venerabilis Serva Dei Irena Stefani (in saeculo

Aurelia Iacoba Maria a Mercede), religiosa professa Instituti Sororum Missiona-

riarum a Consolata, quae haud viribus parcens Evangelio diffundendo se dedit,

divinam caritatem attestans atque salvifìcam baptismi virtutem, Beatae nomine in

posterum appelletur, eiusque festum die tricesima prima Octobris, qua in caelum

orta est, in locis et modis iure statutis quotannis celebrari possit In nomine Patris

et Filii et Spiritus Sancti.

Quae autem his Litteris decrevimus, nunc et in posterum rata et firma

esse volumus, contrariis quibuslibet rebus minime obstantibus.

Datum Romae, apud Sanctum Petrum, sub anulo Piscatoris, die XXIII

mensis Maii, anno Domini MMXV, Pontificatus Nostri tertio.

De mandato Summi Pontificis

Petrus Card. Parolin Secretarius Status

Loco G Plumbi

In Secret. Status tab., n. 82.451