Acta Francisci Pp. 433

Beatae Elisabeth Hesselblad intercessionem, cuius parvam reliquiam iuxta

corpus infirmi apposuerunt, in consociata precatione cum Episcopo Sanctae

Clarae in Cuba. Die XVIII mensis Iulii anno MMV, statim fere sub appropinqua-

ta reliquia, signa restitutionis puer ostendere coepit, qui numquam postea

recidit in morbum, et paucos intra dies facultates neurologicas, nutritionis

et mentis magna cum medicorum, qui eidem assederant, admiratione om-

nino redintegravit.

De hac mira habita sanatione apud Curiam Episcopalem Sanctae Clarae

a die III usque ad diem XXV mensis Februarii anno MMXIV Inquisitio dioe-

cesana celebrata est, cuius auctoritas et vis iuridica a Congregatione de

Causis Sanctorum decreto diei XX mensis Iunii eodem anno probatae sunt.

In Sessione inde die XVI mensis Aprilis anno MMXV habita Dicasterii Me-

dicorum Collegium sanationem rapidam, completam et duraturam, necnon

inexplicabilem secundum hodiernam scientiam medicam fuisse affirmavit.

Die XVIII mensis Iunii anno MMXV Congressus Peculiaris Consultorum Theo-

logorum prospero cum exitu factus est ac die XXVII mensis Octobris eodem

anno Sessio Ordinaria Patrum Cardinalium et Episcoporum et in utroque

coetu, posito dubio an de vero miraculo divinitus patrato constaret, res-

ponsum affirmativum prolatum est.

Demum, Nosmet Ipsi concessimus, ut Congregatio de Causis Sanctorum

Decretum super miraculo die XIV mensis Decembris eodem anno promulgaret

atque in Concistorio diei XV mensis Aprilis anno MMXVI statuimus, ut ritus

canonizationis die V mensis Iunii eodem anno in Basilica Papali Sancti Petri

in Urbe celebraretur.

Hodie igitur infra Missarum sollemnia hanc pronuntiavimus formulam:

Ad honorem Sanctae et Individuae Trinitatis, ad exaltationem fidei ca-

tholicae et vitae christianae incrementum, auctoritate Domini nostri Iesu

Christi, beatorum Apostolorum Petri et Pauli ac Nostra, matura deliberatio-

ne praehabita et divina ove saepius implorata, ac de plurimorum Fratrum

Nostrorum consilio, Beatos Stanislaum a Iesu Maria Papezyński et Mariam Elisabeth Hesselblad Sanctos esse decernimus et defìnimus ac Sanctorum

Catalogo adscribimus, statuentes eos in universa Ecclesia inter Sanctos pia

devotione recoli debere. In nomine Patris et Filii et Spiritus Sancti.

Quae autem his Litteris decrevimus, nunc et in posterum rata et firma

esse volumus, contrariis quibuslibet rebus minime obstantibus.