Acta Apostolicae Sedis - Commentarium Officiale348

Quae perstans lataque fama inter Dei Populum effecit ut Marianus S.R.E.

Cardinalis Jaworski, Archiepiscopus Leopolitanus Latinorum, beatificationis

Causam anno MCMXCVII incoharet. Theologi Consultores in peculiari congressu

diei XI mensis Maii anno MMIV necnon Patres Cardinales et Episcopi in ordi-

naria sessione diei V mensis Octobris anno MMIV favens suum suffragium

tulerunt. Veneratus Decessor Noster Ioannes Paulus II Decretum de virtu-

tibus heroum in modum exercitis die XX mensis Decembris anno MMIV foras

emisit. Deinde die VI mensis Iulii anno MMVII Decretum super miraculo pro-

diit. Statuimus igitur ut beatificationis ritus Leopolitana in urbe, in Ucraina,

die XXIV mensis Maii anno MMVIII celebraretur.

Hodie igitur de mandato Nostro Venerabilis Frater Noster Tharsicius

S.R.E. Cardinalis Bertone, Secretarius Status et Camerarius Sanctae Roma-

nae Ecclesiae, textum Litterarum Apostolicarum legit, quibus Nos in Beato-

rum Album Venerabilem Dei Servam Martham Wiecka adscribimus:

Nos, vota Fratris Nostri Mariani S.R.E. Cardinalis Jaworski, Archiepis-

copi Leopolitani Latinorum, necnon plurimorum aliorum Fratrum in Episco-

patu multorumque christifidelium explentes, de Congregationis de Causis

Sanctorum consulto, auctoritate Nostra Apostolica facultatem facimus ut

Venerabilis Serva Dei Martha Wiecka virgo, ex Societate Filiarum a Caritate

S. Vincentii de Paul, quae pauperibus aegrotisque assidendis vitam suam

devovit, Beatae nomine in posterum appelletur, eiusque festum die tricesima

mensis Maii, qua in caelum nata est, in locis et modis iure statutis quotannis

celebrari possit. In nomine Patris et Filii et Spiritus Sancti.

Haec vero quae hodie statuimus firma usquequaque esse volumus ac

valida fore iubemus, contrariis quibuslibet rebus minime obstantibus.

Datum Romae, apud Sanctum Petrum, sub anulo Piscatoris, die XXIV

mensis Maii, anno MMVIII, Pontificatus Nostri quarto.

De mandato Summi Pontificis

e Tharsicius card. Bertone

Secretarius Status

Loco e Plumbi In Secret. Status tab., n. 76513