1198 Acta Apostolicae Sedis - Commentarium Officiale

II

Venerabili Servo Dei Flaviano Michaëli (in saeculo: Iacobo) Melki Beatorum honores decernuntur.

FRANCISCUS PP.

Ad perpetuam rei memoriam. - « Sed venit hora, ut omnis, qui interfìcit

vos, arbitretur obsequium sepraestare Deo » ( Io 16, 2).

Verba haec Evangelii Venerabilis Servus Dei Flavianus Michaël Melki

cumulate expertus est, qui non modo verum christianae sanctitatis eximium

fuit exemplar virtutibus coruscans, sed et martyrio pro fide coronatum.

Anno MDCCCLVIII in loco vulgo Kalat'ül Mara nuncupato, parvo vico pro-

pe Mardinium in finibus Turciae, e iacobitarum natus est familia, quae ad

Ecclesiam Syro-Orthodoxam pertinebat. Decem annos natus, puer ad studia

colenda in monasterium loci vulgo dicti Zaafarane missus est, qui sedes

erat Patriarchae orthodoxi. Iuvenis viginti annorum diaconus ordinatus est

atque munus deinde bibliothecarii monasterii exercuit, quod eidem conces-

sit Patrum Ecclesiae pertractare sapientiam et catholicae fidei adhaerendi

paulatim decernere consilium. Praeteritis monachorum obicibus ac fami-

liae reluctatione, Servus Dei Libanum petivit et Patriarchatum Catholicum

loci vulgo Charfé adiit, ut studia prosequeretur et presbyter demum fieret.

Adhuc Seminarii alumnus, Fraternitati Sancti Ephrem a Patriarcha Geor-

gio V Chelhot pro iacobitis in Ecclesia catholica redintegrandis fundatae

libere accedere voluit. Anno MDCCCLXXXIII presbyteratu auctus, Servus Dei

magister apud Seminarium Mardinense nominatus est et missionarius apud

vicos iacobitarum syro-orthodoxorum et Russicorum, ut familiis catholicis,

quae his in locis degebant, provideret ac subveniret et simul reconciliatio-

nem inter Ecclesias foveret. Deinde Vicarius patriarchalis nominatus est

ac denique Episcopus Iazirensis in Syria ad Iraquiae et Turciae limites.

Navus eius apostolatus sacerdotibus instituendis innisus est, necnon multis

dirutis ecclesiis reficiendis novisque exstruendis atque catholicorum com-

munitatibus sustentandis, quae vero illarum terrarum populi valde minor

erant pars summisque discriminibus vexata. Totam vitam Venerabilis Servus

Dei Flavianus egenorum persecutioni repugnavit atque evangelicarum vir-