3. In festo Corporis Christi.

In 1. Vesperis.

Antiphonae.
1. Jesum lauda, ecclesia,
Pro torrente nectaris,
Fluentis a clementia

Corporis, quo cibaris,
Qui factus est hostia
Mundi salutaris.
2. In via poenitentiae

Est corpus Jesu praesidium,
Delens culpam sol gratiae,
Spes et solamen tristium.
3. Ave dulce poculum
Animae sitientis,
Sanguis Christi, fons exsulum,
Venia delinquentis.

4. Se Ipsum timentibus

Dat clemens miserator,
Qui solis puris mentibus
Fit dulcis vegetator,
5. O testamentum nobile,

Quod In coena Christus fecit
Est cunctis memorabile,
Quos dignanter se refecit.

Ad Magnificat.
A. O Jesu, salus omnium,
O dulcedo medicinalis,
Et animarum languentium
O panis suavis et vitalis,

Te corde esurientium
Cibus pascuae perennalis,

Ovium pastor et ostium,
Erue nos a cunctis malis,

Sanctorum merces et gloria.

Ad Completorium.
Super Psalmos.

A. O panis vitae, Jesu, rex optime,
Nos ciba clementer cibo gratiae,
Nos tecum suscipe, hostes re-
prime,
Et nos perduc ad regnum gloriae.

Ad Nunc dimittis.

A. O Jesu clementissime,
Sana palatum animae.
Ut tui sacri corporis
Dulcedinem sentiamus
Et Igne tui amoris
Succensi In te vivamus.

Ad Matutinum.
Invitatoriurn.

Sub sacramento Christum Jesum
Exsultantes adoremus,

Qui se nobis dat vitae esum,
Jubilantes collaudemus.

In 1. Nocturno.
Antiphonae.

1. Jesus, In cujus anima

Digne sumptus habitat,
Fugat mala, dat optima,
Virtutibus nobilitat.

2. Laudetur dei clementia,
Qui regnat potenter
In coelis sub corporali praesentia,
Nobiscum manet hic cle-
menter.
3. Carnis Christi sacramentum
Est vitae nostrae alimentum,
Contra hostes firmamentum
Dans virtutum Incrementum.

Eesponsoria.

1. Omnes fideles, agite
Diem piae memoriae,
In qua nobis auctor vitae

Se dedit sub panis specie
In cibum omnis gratiae.
V. Grates Deo et laudes reddite

Et corde hunc toto diligite.
2. Christus panem accipiens:
Hoc est, ait, corpus meum ;
Calicem dedit Inquiens:
Bibite sanguinem meum.
V. Haec vitam dant aniinae,
Quam satiant suavissime.

3. O benedicta dextera
Benigni salvatoris,
Qmae nobis confert munera

Suavissimi saporis,
Haec pandunt justis aethera
Et dant praemia honoris.
V. Carnis Christi et corporis
Dona sunt magni honoris.

In 2. Nocturno.
Antiphonae.

1. O benedicta dextera

Christi, de qua profluxerunt
Mundo divina munera.

Quae nobis vitam contulerunt.

2. Haec dona melliflua

Morbos curant animae,
Sunt salus perpetua
Et vigor pacis intimae.
3. Accedens homo ad sumendum
CorpusChristiabsterge prava,
Omne nefas est pellendum,
Sordes cordis lacrimis lava.

Responsoria.

1. In plures partes si frangatur
Hostia sub panis specie,
Qualibet Christus datur

In multis locis quotidie,
Non frangitur nec dividitur
Sed Integer accipitur.
V. Nec plus In multis locis datur,
Quam si minima pars sumatur.
2. Venerandum sacramentum
Divinae eucbaristiae
Est justorum nutrimentum,
Pax et salus ecclesiae,
Debilium firmamentum
Et donum indulgentiae.
v. Contra hostes munimentum
Est et sanitatis augmentum.

3. Vultu tuae clementiae
Nos jugiter aspice,
Rex Christe, sol justitiae,

Scelera nostra abjice
Et pleno omnis gratiae
Nos te pane vitae refice.
V. Te esurientes satia.
O sacra eucharistia.

In 3. Nocturno.
Antiphonae.

1. Cum tremore et amore,
Homo fidelis, accede,
Discumbens cum creatore
Cibum divinum commede.
2. Sint procul cuncta vitia,
Sit munda conscientia,
Sumentis sit fides vera,
Adsint virtutis opera.

3. Sit fides, spes et caritas,
Sit In corde et puritas,
Tunc Christi corpus sumatur
Et sanguis ejus bibatur.

Responsoria.

1. Felix tellus virginalis,

Quae mundo fructum protulit,
Panem vitae Immortalis,

Qui mortem nostram abstulit
Atque nobis perennalis
Gaudia vitae contulit.
V. Panis vive, nos vivifica
Et transfer ad regna coelica.

2. Sacramentum hoc vitale
In cunctis mundi finibus
Christus In memoriale
Dedit suis fidelibus,
Est aegris medicinale
Et solamen migrantibus;
V. Est spiritale gaudium
Et electorum praemium.

3. O Jesu, nostra gloria,

Te rogamus suppliciter,
Ut sancta sacrificia

Semper sumamus salubriter ;
Sint peccatorum venia,

Sint nostra salus jugiter,
Sint a malis custodia.
V. Sint In via nos salvans gratia,
Sint vitae aeterna In patria.

Ad Laudes.

Antiphonae.

1. O quantam sanctitatem
Decet cordis hospitium,
Quod In se Deum et hominem
Suscipit regem omnium.

2. Caro cibus, sanguis potus
Sunt dona veri medici,
Quibus curatur aegrotus,
Si digne studet refici.

3. Medicina salutaris

In Interitum utitur,
Si non a puris et claris
Cordibus Christus sumitur.

4. Fovet, nutrit et roborat

Corpus Christi gloriosum,
Bonos sibi Incorporat;
Opus facit fructuosum.

5. Adjutor In periculis,

Jesu, muni nos In extremis,
Nos tuae carnis epulis
Jungas civibus supremis.

Ad Benedictus.

A. Pax summa et recta via,

Jesu, lapsis manum porrige,
Tua veritas et gratia

Errantes pie corrige,
O vita regens omnia,

A morte reos erige
Et gressus ad coelestia

Nostros clementer dirige.

In 2. Vesperis.
Ad Magnificat.

A. Sol aeterna et lux mundi,

Mentes nostras Illumina,
Jesu, fons dulcis sitibundi,

Dans charismatum flumina ;
Fac, ut corde simus mundi,

Delens nostra crimina
Da tui vultus jucundi

Nobis aeterna solamina.