56. De sancta Dorothea.

In 1. Vesperis.
Antiphonae.

1. Ave, gemma virtuosa,
Dorothea, vernans rosa,
Mundae vitae patens glosa,
Sis pro nobis, speciosa,
Interventrix gratiosa.

2. Paradisi de viridario
Rosas mittis notario,
Quem tali cum solario
Coeli jungis sacrario ;
Rogamus ut a vario
Nos liberes contrario.

3. Sancta virgo Dorothea,
Peccatorum de morphea
Tua prece nos emunda
Et compunctionis unda
Poenitentes nos adsperge,
Cunctas cordis labes terge.

4. Omni laude virgo digna,
Tua prece nos consigna,
Ne vorago Stygis laedat
Nec antiquus hostis caedat,
Sed In coelesti gloria
Tua locet victoria.

5, Dorothea Christo grata,
Afflictorum advocata
Et adjutrix, sis rogata,
Ut defectus et peccata
Nostra per te sint ablata.

Ad Magnificat.
A. O castitate fallerata,
Humilitate coronata,
Patientia ornata,
Virtutum floribus fulcita,
Temperantia polita,
O pretiosa margarita,
Sancta virgo Dorothea,
Cor In nobis mundum crea.

Ad Matutinum.
Invitatorium.

In hoc Dorotheae festo
Voce pura, corde praesto

Ad psallendum Christo rite
Mentis jubilo venite.

In 1. Nocturno.

Antiphonae.

1. Nomen tuum laudabile
Deus et admirabile,
Dum ex ore virgineo
Laudari vis In populo.

2. Enarrant coeli gloriam
Dei propter victoriam
Dorotheae martyris,
Laudes pangat vox celebris.

8. Cordis cum puritate
Promissi veritate
Manuum Innocentia
Cum summa sapientia
Castique cordis jubilo
Haec placuit altissimo.

Responsoria.

1. Laetare, Caesarea,

Civitas beata,

Illustrat te martyrio

Dorothea nata,

Quae de clara nascitur

Stirpe senatoria,

Omni laude pascitur

Felix ejus memoria
V. Praedecora facie

Fulges et venusta,

Procuratrix gratiae,

Caste, mitis, justa.

2. Populus In tenebris
Ambulans Ingentem
Lucem vidit splendidis
Radiis fulgentem,
Castitatis lilio
Fidei decore
Virginem sub gladio
Vincentem cum thriumpho

V. Mox ut sentit credulus
Veritatis lucem,
Imitatur sedulus
Haesisantem ducem.

3. Inclinare Dorotheam
Praeses studet Idolis,
Tunc germanis mittit eam
Novellis apostatis,
Spondet Illis condonare
Gazae multitudinem,
Dolens eam jugulare
Propter pulchritudinem.

V. Sed perversae convertuntur,
Crucem tollunt et sequuntur
Christum, pro quo moriuntur.

In 2. Nocturno.
Antiphonae.

1. Justitiam dilexisti,
Iniquitatem odisti,
Ideo prae tuis consortibus
Unxit te rex altissimus.

2. Venite et videte
Victoriam athletae,
Quae vicit antiquum
Castitatis Inimicum,
Phlegetontis serpentem
Contra justos saevientem.

3. Dicta sunt de te gloriosa,
Dorothea gratiosa,
In te manet benignitas,
Tu puritatis civitas.

Respcmsoria.

1. Dum Dorothea generosa
Christiana cernitur,
Propter Christum furiosa
Mortis poena sternitur,

V. Dum clamat: cuncti confundan-
tur,
In Idolis qui gloriantur.

2. Sub mense Februario
Rosas mittit orario
Cum frondibus notario,
Clamat In bivio plateae:
Fortis est Deus Dorotheae,
En dona dat angelica,
Cum rosis mala coelica;

V. Omnes gentes, properate,
Jesum Christum adorate.

3. O flos amoenitatis,
Jubar serenitatis,
Rosa claritatis,
Solutos a peccatis
Junge tuis consortibus
Cunctis coelorum civibus.

V. O benigna pacis cella,
Dorothea, flagrans stella,
Pro tuis servis Interpella.

In 8. Nocturno.
Antiphonae.

1. Nil territa supplicio
Sic loquitur Fabricio:
Tua ficta sculptilia
Sunt barathri daemonia;
Coelos fecit solus Deus,
Qui est rex et sponsus meus.

2. Lux orta est In Cappadocia,
Dum angelorum socia
Dorothea generatur,
Rectis corde laetitia datur.

3. Carmen novum decantare,
Deo nostro jubilate,
Nam fecit mirabilia
Cum vera Sion filia
In conspectu gentium
Idolis credentium,
Revelans prodigia
Ducens hos ad fidei vestigia.

Responsorio.
1. Multi credunt paganorum,
Cultum linquunt Idolorum,
Quando regem angelorum
Praedicat Theophilus;
Christum qui persequebatur,
Lupus In agnum mutatur,
Dorotheam comitatur
In fide neophytus.
V. Hoc factum est laudabile

A Deo et mirabile.
2. Dum sub ense praestolatur
Mortis Ictum, deprecatur
Pro his, a quibus veneratur
Suae necis memoria,

Ut abundent temporalibus,
Solvantur a mortalibus
Culpis et criminalibus,

Post hoc vivant In gloria.
V. Expleta tnnc oratione
Exauditur In agone
Domini promissione.
3. Contristatus est praefectus,
Regni scriba dum electus

Factus est catholicus ;
Neque mundum neque Deum
Timet, morte necat eum

Homo diabolicus.
V. Et livore justi tactus
Caritatis odit actus.

A d Laudes.
Antiphonae.

1. Virgo prudens et formosa,
Dorothea generosa,
Totius fraudis Inscia,
Cappadociae provincia
Imbuta fide Christiana
Idola contempsit vana.

2. Illis In temporibus
Regnavit Fabricius,
Cui ducitur captiva,
Quia Christum voce viva
Constanter profitetur,
Poenas nihil veretur.

3. Ad tribunal vinculata
Virgo ducta fit sacrata
Reddens ad Interrogata:
Dorothea sum vocata,
Jesu Christo desponsata.

4. Clamant omnes: Blasphemavit,
Deos nostros dum negavit
Et se Christo desponsavit,
Quem Judaea morte stravit.

5. Quem coeli terrae maria
Adorant, de Caesarea
Elegit Christus vernulam
Sanctissimam Dorotheam.

Ad Benedictus.
A. O praeclara sponsa Christi,
Tres tyrannos quae vicisti,
Nos ut Ipsos superemus,
Tibi quoque conregnemus,
Tua prece tu dignare
Clemens nobis Impetrare.

In 2. Vesperis.
Ad Magnificat.
A. Ave candens margarita
In corona regis sita,
Quae In aula nuptiali,
In conventu virginali
Locum tenes praeparatum,
Sponsum nobis fac placatum.