3. De sancto Eustachio.

In 1. Vesperis.

Ad Magnificat.

A. Sion, plaude, mater alma
Triumphantis super palma
Eustachii beati,
Quem coniunx et duo nati
Gloriosa passione
Comitantur in agone;
Adest inde Roma testis,
Cedat horum prece pestis,
Quem reatus vitiorum
Et fraus infert malignorum.

Ad Matutinum.

Invitatorium.

Invitatur plebs fidelis
Ad sanctorum gaudia,

Iubilantes rex in caelis
Collocet cum gloria.

In 1. Nocturno.
Antiphonae.

1. Altitonantis regia
Suscepit cum laetitia
Beatos, qui consiliis
Non consenserunt impiis.

2. Bonitatis non immemor
Christus in caelis habitans
His sibi servientibus
Dedit sui notitiam.

3. Cultu sub idolatriae
Iam vanitati subditos
Mirificavit Dominus
In eis mira faciens.

Responsoria.

1. In diebus Traiani Caesaris
Erat Romae miles praenobilis

Placidus nomine,
Sub cultu idolatriae
Opus agens misericordiae.

V. ''Populus, quem non cognovi
servivit milii, dicit Dominus,
in auditu auris oboedivit mihi.''

2. Illustris Eustachius
Imitatus Cornelium,
Priusquam Christum nosceret,
Servire illi studuit.

V. ''Ego diligam eum, dicit Do-
minus, et manifestabo illi
mc ipsum.''

In 2. Nocturno.
Antiphonae.

1. Dator misericordiae
Scuto texit iustitiae
Beatum Eustachium
Dando coronae praemium.

2. Elevatur eximia
Dei misericordia
Ex angelorum laudibus
Pro conversis peccantibus.

3. Fraudis commenta respuens
Insignis Eustachius
In Dei tabernaculo
Cum suis manet iugiter.

Responsoria.

1. Vir Dei Eustachius
Amissis rebus omnibus
Uxorem amisit et filios,
Uxorem tulit barbarus,
A feris nati capti sunt.
V. ''Beati, qui persecutionem pa-
tiuntur propter iustitiam.''

In 3. Nocturno.

Antiphonae.

1. Genus electum, cuius est
Ipse Deus hereditas,

Per potionem calicis
Hereditatem reparat.

2. Haec pia generatio,
Quia quaesivit Dominum,
Eius videre faciem
Miro modo promeruit.

3. Intellectu prudentiae
Ditavit auctor gloriae
Sanctos ad plenum instruens
Et ab adversis eruens.

Responsoria.

1. Redeunte magistro militum
Exsultat aula regia,
Urbs et senatus curia
Nec non omnis regio.
V. ''Annuntiaverunt caeli iustitiam
illius, et benedixerunt omnes
populi gloriam eius.''

2. Iam acceptis honoribus
Et dignitate pristina
Barbarorum provinciam
Debellandam aggreditur,
Ubi natos cum coniuge
Divino nutu reperit.
V. ''Qui percussit gentes multas
et occidit reges fortes.''

In Laudibus.

Antiphonae.
1. Mira Dei pietas

virtutibus atque decore
Multiplici sanctos
induit atque fide.

2. Laudibus ac iubilo

Deus est venerandus ubique,
Qui portas vitae
pandit et astra suis.

3. Mentes sanctorum

lustrans Deus hic benedicat
Illuminetque pius
nos et ubique Deus.

4. Nunc bene cum sanctis

chorus hic Domino benedixit,
Luxuriae flammas
insuperare coepit.

5. Regna superna Deum

collaudant et venerantur,
Quem quoque cum sanctis
cuncta creata canunt.