12. De Stigmatibus s. Francisci.
13. De Stigmatibus s. Francisci.
29. In Translatione s. Hedwigis.
51. In Decollatione s. Iohannis B.
53. De s. Iohanne ante Portam Latinam.
54. De sancto Iohanne ante Portam Latinam.
55. De Reversione s. Iohannis.
56. De s. Iohanne Chrysostomo.
57. De s. Iohanne Clusoniensi.
58. De s. Iohanne Eleemosynario.
75. De s. Katharina de Suecia.
In 1. Vesperis.
Ad Magnificat.
A. Ave, flos patriarcharum,
Ioachim,
Cuius est Maria
et Christus gloria,
Nos hic [mala]
turbant multiplicia,
Accelera
nobis remedia,
Ut sint accepta nostrarum
laudum cantica.
Ad Matutinum.
Invitatorium.
Christo iesu iubilemus
Et psallamus pariter,
Cuius avo laudem demus
Ioachim hilariter.
In 1. Nocturno.
Antiphonae.
1. Patriarcha Ioachim
Merito beatus,
Qui in via Domini
Stetit sublimatus.
2. Praesul bona Ioachim
Spernit et deridet,
Sed, qui caelis praesidet,
Sanctam mentem videt.
3. Voce magna Dominum
Invocans auditur,
Ad salutem omnium
Voto stabilitur.
Responsoria.
1. Lux est orta
verae laetitiae,
Sit mens laeta
expers maestitiae,
Hunc Ioachim
colamus hodie,
V. Ex quo natus
flos innocentiae,
Vitae salus
arrhaque gloriae.
2. Concelebret
haec nostra contio
Festum Ioa-
chim cum tripudio,
Cuius salvet
mundum cognatio,
V. Nam genera-
vit nostro saeculo
Dei matrem
sine piaculo.
3. O Ioachim,
electe caelitus,
Ex te ad vitam
est nobis reditus,
Unde caeli
gaudet exercitus.
V. Nobis, saevis
dum hic ab hostibus
Impugnamur
et carnis aestibus,
Da, resiste-
mus castis actibus.
In 2. Nocturno.
Antiphonae.
1. Invocavit Dominum
Ioachim cum luctu,
Cui fuit postmodum
Gaudium de fructu.
2. Gloriatur plurimum
Ioachim fidelis,
Qui per Christum Domiuum
Triumphat in caelis.
3. Perfecisti, Domine,
Sterilis decorem,
Quae divino munere
Mundo dedit florem.
Responsoria.
1. O reorum
dulce refugiam,
Pater sancte,
confer auxilium
His, quos triste
gravat exsilium,
V. Ut laudemus
illius filium,
Cui astant
milia milium,
Ut impendat
[his] patrocinium.
2. Pater alme,
digne memoria,
Mundum levans
post fata tristia,
Cuius proles
reparat omnia.
V. Datur cunctis
salus et gratia,
Quam producis,
ex dulci filia.
3. Firma fide crede,
ne sis ultra dubius,
Annae uxoris tuae
intumescet uterus,
Non dolebis, sed gaudebis
immunis opprobrii;
V. Saram, Rachelem recole,
Fidenter de montibus descende.
In 3. Nocturno.
Antiphonae.
1. Iste sine maculis
Iugiter incessit,
Nunc in tabernaculis
Sanctis requiescit.
2. Praevenisti, Domine,
Ioachim et Annam
Gratiae dulcedine,
Gignentes Mariam.
3. Omnes ergo celebrent
Te patrem felicem,
Qui dedisti perditis
Dei genetricem.
Responsoria.
2. Ave, pater,
nunc in sublimibus
Natae iunctus,
tuis fac precibus,
Ne serpentis
laedamur morsibus,
Quo fraus primis
venit parentibus.
V. Tu nunc sanctis
praesidens omnibus,
Da post mortem
iungi caelestibus.
In Laudibus.
Antiphonae.
1. Ioachim praenobilis
Induit decorem,
Administrans singulis
Gratiae splendorem.
2. Per eum reducitur
Annus iubilaeus
Cuius ex progenie
Venit homo Deus.
3. Columba revertitur
Ramum dans olivae,
Ioachim dum nascitur,
Flos virtutis divae.
4. Lignum vitae attulit
Labenti naturae,
Cuius fructum concinunt
Omnes creaturae.
5. Laus et honor Domino
In excelsis detur,
Qui per germen Ioachim
Perditis medetur.
Ad Benedictus.
A. Benedictus Dominus
Visitans nos comminus
Sua miti gratia,
Ioachim qui precibus
Et sanctis nos actibus
Collocet in patria.
In 2. Vesperis.
Ad Magnificat.
A. Magnificamus, Ioachim,
Te avum iesu Christi,
Apostolos duodecim
Tempore praeiisti,
Tu radix es plantaria
Palmitum nobilium,
Tu cella es vinaria
Paterque floris virginum,
Ora pro nobis Dominum.