ACTA BENEDICTI PP. XVI

LITTERAE DECRETALES

De peracta Canonizatione aequipollente Hildegardis Bingensis.

BENEDICTUS EPISCOPUS

servus servorum dei

ad perpetuam rei memoriam

« Spiritum Sanctum usque invocemus, ut in Ecclesia sanctae animosaeque

mulieres exstent, sicut sancta Hildegardis Bingensis, quae per dona a Deo

recepta spiritali incremento nostrarum communitatum et Ecclesiae nostrae

aetatis efficacem peculiaremque dent operam ».

Haec verba quibus Nostrae catechesi, die VIII mensis Septembris anno

MMX, finis impositus est, mirum vinculum constituunt inter illius mulieris

vices, quae media aetate vixit, et iter ad quod perficiendum Dei Populus

continenter sua in historia vocatur. Etenim vita, spiritalitas et cultus Hilde-

gardis Bingensis omnino congruenterque absolutum perenneque bonum

testantur altae cum Deo communionis, quae efficit ut omnes creaturae, veluti

Creatoris opera, inter se conveniantur. Coram Domino ipsa continenter fuit,

ut confestim eius voluntatem reciperet.

«Hildegardis anno MLXXXIX in oppido Bermersheim prope Alzeiam a

nobilibus ditissimisque parentibus orta est. Octo annos nata in sororum

coenobium prope abbatiam Benedictinam Montis Sancti Disibodi est

recepta, ubi anno MCXV vota religiosa nuncupavit. Mortua Iutta de

Sponheim anno fere MCXXXVI, Hildegardis in eius locum ut magistra

An. et vol. CIV 2 Novembris 2012 N. 11

ACTA APOSTOLICAE SEDIS

COMMENTARIUM OFF IC IALE

Directio: Palazzo Apostolico - Città del Vaticano - Administratio: Libreria Editrice Vaticana