Acta Francisci Pp. 339

LITTERAE APOSTOLICAE

I

Venerabili Servae Dei Mariae Christinae a Sabaudia Beatorum honores de- cernuntur.

FRANCISCUS PP.

Ad perpetuam rei memoriam. - « Credo in Deum, spero in Deum, di- ligo Deum ».

Hac sollemni fidei professione, compendio videlicet suae brevis sed

evangelicae vitae, Venerabilis Serva Dei Maria Christina a Sabaudia, Reg-

ni Utriusque Siciliae regina, terrestrem vitam concludit atque domui regis

mirantique populo christianae perfectionis certam viam ostendit.

In urbe Calari die XIV mensis Novembris anno MDCCCXII nata est tamquam

ultima filia Victorii Emmanuelis I a Sabaudia et Mariae Teresiae Habsbur-

gensis. Sapienter a matre educata et spiritualiter temperata a patre Olive-

tano Ioanne Baptista Terzi, infantiam et iuventutem vixit in palatio regio

Taurinensi ac post patris mortem Genuae. Eius venustas, cultura atque dotes

morales et spirituales effecerunt, ut illius temporis principes eam uxorem

ducere cuperent. Post longas orationes ad Dei voluntatem discernendam,

die XXI mensis Novembris anno MDCCCXXXII in sanctuario Dominae Nostrae

de Aquasancta in loco Voltri (Genuae) coniugium iniit cum Ferdinando de

Borbone, Regni Utriusque Siciliae rege. Die XXX eiusdem mensis pervenit

Neapolim, novam patriam, ubi maximo cum gaudio est accepta. Christi

amore capta, persuasum habens se in alto positam esse, ut bonum facilius

operaretur, nobilitatem census in gratiae nobilitatem commutare novit, vera

caritatis regina facta.

Opem suam talentum effecit in regno caelorum collocandum. Regalis

eius dignitas non fuit impedimentum, sed gradus ut iuvenili cum festinatio-

ne usque ad culmen evangelicae perfectionis scalae ascenderet. In socialis

auctoritatis apice heroice christianas vixit virtutes fidei, spei et caritatis,

hanc dotem suam spiritualem in fontem mutans pro familia sua et po-

pulo. Amabilis et prudens regis, sponsi sui, fuit consiliaria. In aula regia