LUBLINEN. SEU VARSAVIEN. 5

attribuo debilitati mariti, me autem ipsam habilem reputo ad officium uxoris, prout hoc determinaverunt medici ; sed matrimonio functa non sum ». Quamvis diversimode eam explicans, suam tamen cum uxore virilem insufficientiam fassus est ipse Iulianus; nam ait : « Impotentiam coeundi attribuo peculiari affectioni erga uxorem; nam ante conta- ctum membrum meum erigebatur, et eiecto semine langue- scebat, vel non erigebatur sufficienter. Reputo me habilem ad officium mariti ».

Quae coniugum impotentia, observant oratores, nonnullis quoque testibus nota erat.

Sed, prosequuntur actricis defensores, quum quaestio agi- tetur de physica impotentia, medici sunt veri iudices. Iam- vero trium medicorum qui corpora coniugum eorumdem inspexerunt, una est mens, matrimonium inter eos incon- summatum permansisse, neque in posterum consummari posse ob genitalium asymetriam atque ob nimiam irritabi- litatem, imo vaginismum quo, praesertim post iteratos inu- tiliter conatus copulae perficiendae, mulier laborat.

Nec, substinent patroni, peritorum scientia destruitur, eo quod sponsi alias matrimonii inconsummationis causas indigitaverint, nam ipsi artis medicae ignari poterunt se decipere.

Si autem, concludunt Mariae defensores, aliquis adhuc dubius haereret circa coniugum impotentiam, certe relatae medicorum conclusiones saltem positivum de impotentia du- bium ingerunt, quod unanimiter a doctoribus honesta ratio et iustitiae consona habetur, ut Apostolica concedatur Dis- pensatio.

Aliam dispensationis causam patroni facile inveniunt in coniugum aversione absque reconciliationis spe.

Oratores denique pro ultima dispensationis causa, grave periculum incontinentiae actricis memorant, ut ipse Archie- piscopus Varsaviensis ad Pontificem scribit: « Actri- cem commendo quae, quum in flore aetatis incontinentiae periculis exponatur, in novis opportunis contrahendis nuptiis