4. De sancto Eustachio.

In 1. Vesperis.
Antiphonae.

1. O laudanda bonitas

Nostri redemptoris,
O miranda novitas,

Veri signum amoris,
Quod vocavit Placidum

Sibi complacendum,
Dans opus sibi validum

Fortiter agendum.
2. Lumen adhuc nesciens

Lumine processit,
Egenis largus largiens

Futurum iam expressit.

3. Militis strenuitas
In se non obfecit,
Per quam Christi caritas
Fideliter perfecit.
i. Venando cervum capitur
Hic Domino venante,
Hunc dum vox alloquitur
Cruce coruscante:
5. Cur me fugas, Placide?
Ego, quem ignoras,
Sum Christus, cui splendide
Res tuas dividebas.
R. Ivit venatum

Placidus sibi prendere gra-
tum,
Conspicit elatum

cervum cruce significatum,
Cornibus innixum

simul aspexit crucifixum;
V. Insequitur cervum,

nullum socians sibi servum.

Ad Magnificat.

A. Magnificemus Dominum

Et laudemus eum ob gloriosam
Martyrum victoriam,
In quorum gaudet numero
Eustachius cum suo collegio,
Qui pro nobis in caelis
Oret degentibus in terris.

Ad Matutinum.
Invitatorium.

Venite, rite vigilemus,
Deum nostrum et laudemus
Eustachii memoria
Sollemnique victoria.

In 1. Nocturno.
Antiphonae.

1. Beatus vir cum coniuge
Placidus elegit
Viam veram, quam sobrie
Riteque peregit.
2. Quare frement pericula?
Quia Christi miles
Vitae suscepit piacula
Cultus spernendo viles.

3. Cum invocaret Dominum,
Ipsura sic adfatur:
Te fore decet alterum
Iob, hoc adtestatur.

Responsoria.

1. O felix promissio
Omnipotentis Dei,

Te decet haec tentatio
Roburque spondens ei,
V. Morbus primum asseclas,
Dein animalia
Interfecit omnia.
2. Auferuntur omnia

De domo per praedones,
Plena sic penuria
Ditantur tirones,
V. Hi plene sic liberi

Pergunt extra patriam
Christi sequentes latriam.
3. Navigantes pariter
Naulum postulatur,
Aufertur flebiliter
Uxor, vir tristatur;
V. Sumens tandem filios
Maritus exsulatur,
Cor diu eius turbatur.

In 2. Nocturno.
Antiphonae.

1. Verba mea personent
Tanti viri stuporem,
Dum mira dira renovent
Ipsius sic dolorem.
2. Domine, Dominus noster,
Quam admiranda facis,
Cum tuus sic minister
Privatur suis caris.
3. Domine, quis habitabit
In tuo tabernaculo ''t
''Quem tua sic probavit
Virtus tanto miraculo.

Responsoria.

1. In ripa natum posuit
Unum transportandum,
Quem mox lupus rapuit,
Ipsum ad iuvandum

V. Dum redit, leo vorax
Alterum in praedam
Tulit currens ad silvam.

2. O miranda probatio
Istius agonistae,

Natorum dam perditio
Amborum fit, o Christe,

V. Tua clemens potentia
Ipsum sublevavit,
Ne se tunc necavit.

3. Dum sic iret eiulans
Omnibus nudatus,
Deus natos congregans,
Nam lupus inclamatus

V. Et leo linquit liberos
Astantes per pastores
Simul et aratores.

In 3. Nocturno.

Antiphonae.

1. Conserva, Deus, humilem
Hanc dispositionem,
Ut facias laudabilem
Tandem congressionem.
2. Domini est terra,

Qui servat suos famulos
Vivos sine guerra

Inter binos tirunculos.
3. O beati, quorum

Vita sic probatur,
Ut custos hic agrorum
Cordis agro servatur.

Responsoria.

1. Rex memor sui Placidi

Hostibus gravatus
Mittit suos, ut validi

Quaerant, ut perscrutatus
V. Placidus adducatur

Proelia pugnandum,

Honoribus ditandum.
2. Duo de suis Placidum

In rure reppererunt,
Cicatricis per surculum

Tandem cognoverunt;
V. O felix huius humilitas,

Dum suis famulatur.

Christum imitatur.
3. O beata reductio

Eustachii, ad honores

Romanorum consilio

Rediit ad priores;
Milites sic congregat

Hostes ad vincendam,
Regna terrae peragrat

Rebelles ad domandum.
V. Peractis sic laboribus

In vico quiescebat
Gum suis militibus,

Uxor ubi manebat.

In Laudibus.

Antiphonae.

1. Dominus regnavit,
Dum pie congregavit.
Uxorem et virum,
Ostendens per hoc mirum.

2. Iubilate Deo,

Uxor fatur cum eo:
Ubi sunt nostri nati?
A bestiis, ait, devorati.

3. Deus, Deus meus,
Quam dulcis amor tuus,
A bestiis ablati
Nam sunt nostri nati.

4. Haec ait: benedicant
Facta Dei et dicant,
Quod Christus nos probavit
Et natos demonstravit.

5. Laudate Dominum de caelis
Corde, factis et melis,
Nam pater, mater, nati
Sunt tandem congregati.

Ad Benedictus.

A. Benedictus Dominus,

Qui suos coronavit
Martyrio, sed comminus

Sibi sociavit,
Huius mundi miseria

Prorsus liberati
Gaudent caelesti curia

Beatis adunati;
Pro nobis orent iugiter,

Ut ipsos contingamus,
Viventes hic feliciter

Caelum ascendamus.

In 2. Vesperis.

Ad Magnificat.

A. Adest dies victoriae,
Quo adit regem gloriae
Eustachius et suus comitatus,
Per bovem aeneum probatus,
Qui pro nobis intercedat,
Ne nos draco Stygis laedat,
Sed post hoc exsilium
Contemplemur Dei filium.