Quinquagena II.

51. O causalissima

Veraque bonitas,
Erupit optima

Qua universitas,
Amore concrema

Servorum animas,
Quas gravat pesssima

Cordis frigiditas.

52. O sapientia

Te ipsa sapiens,
Intelligentia

Devotos instruens,
Sis me scientia,

Te precor, imbuens,
Qui ignorantia

Oberro nesciens.

53. Amor paracliti

Inexplicabilis,
Patris et filii

Nexus amabilis,
Resiste perditi

Hostis iam iaculis
Fraude praecipiti

Immissis credulis.

54. O triumphantium

Merces primaria,
Dulce solacium,

Quo gaudet anima,
Mihi consilium,

Te peto, intima
Turbato hostium

ex fraude plurima.

55. Mundanae machinae

Bella nunc pellere
Digneris propere,

o dulcis Domine,
Litis ex turbine

Dissitos flectere,
Pacis dulcedine

Ipsos coniungere.

56. O vita, omnibus

Quae praestas vivere,
Intelligentibus

Das intelligere,
Da mihi largius

Divina sapere,
Ut queam promptius

Te semper colere.

57. Indeceptibilis

Scrutator cordium,
Tuos a maculis

Expurgans mentium,
Obsiste spiculis

Nos persequentium,
In laudum titulis

Impedientium.

58. Pax, quam desiderant
Mundi confinia,
Quae multa titubant
Per adversantia,

Nunc ad te clamitant
Pro pacis gratia,

Ne his praevaleant
Hostium iurgia.

59. O lux, quae congregas

Dispersa viliter
Sed et illuminas

Mentes utiliter,
Depelle tenebras

Misericorditer
Culpas per varias

Congestas turpiter.

60. Largum principium

Divini luminis,
Munimen stantium

Vi tui numinis,
Metro laudantium

Te huius carminis,
Da participium

Beatitudinis.

61. O monas, omnia

Universaliter,
Sed creans entia

Particulariter,
Solare tristia

Corda hilariter
Pressa per vitia

Miserabiliter.

62. O vita, genetrix

Vitarum omnium,
His velut obstetrix

Dans necessarium,
Mens mea meretrix

Facta per vitium
Petit, ? ?lit?

A ???? m.

63. Ens su ?ntifieum

Omuis essentiae,
Per evangelium

Dans legem gratiae,
Praesta remedium

Meae miseriae,
Qui vi turbantium

Vexor cotidie.

64. O sancte spiritus

Amor mirabilis,
Semper divinitus

Flagrans in angelis,
Absolve penitus

Nos a piaculis
Iungens caelestibus

Nos habitaculis.

65. O incessabilis

Divaque largitas,
Quae tuis famulis

Bona communicas,
En, me culpabilis

depressit pravitas,
Tollat amabilis

quam tua pietas.

66. O triplicabilis

Personis deitas,
Inenarrabilis

Quam simplat unitas,
Solvat a vinculis

Nos tua bonitas,
Culpae decipulis

Quos struxit satanas.

67. Forma formificans

Omne formabile,
Sapientificans

Pectus capabile,
Meum pacificans

Sis indomabile,
Tibi obtemperans

ut sit amabile.

GB. Virtus multipotens

Producens omnia
Cunctisqu rovidens

Benevon.
In finem dir?

Sis vacillant
Et esto amovens

Nos perturbantia.

69 . Candor irradians

A summo lumine,
Obscura penetrans
Tuo micamine,

Tuae sis adiuvans
Matris precamine

Me, qui sum clamitans
Pro adiuvamine

70. Ens praestans omnibus,

Quae sunt, substantiam,
Tibi adhaerentibus

Per concordantiam,
Tuis supplicibus

Da patientiam
Pressis ab hostibus

Per insolentiam.

71. O fons largissime

Bonorum omnium
Supernae gratiae

Dans stillicidium,
Dones laetitiae

Nobis praesidium
Pellens maestitiae

Causas ac taedium.

72. O bonum omnibus

Concupiscibile
In existentibus

Vere mirabile,
Nobis credentibus

Semper amabile,
Desiderantibus

Es delectabile.

73. O rex regnantium

In mundi machina,
Sanctorum omnium

Quem laudant agmina,
Te deprecantium

Audi precamina,
Saeva quos hostium

Premunt molimina.

74. O ineffabilis

Bonorum summitas,
Cuius a saeculis

Claret benignitas,
Inaestimabilis

Condonet pietas
Tua nunc famulis

Culpas praeteritas.

75. Lumen cum lumine

Regnans in gloria,
Cum sancto flamine

Colendus latria,
Corda solamine

Reple et gratia
Nobis amamine

Participantia.

76. Vitae angelicae

Causa vivifica,
Qui potentifice

Gubernas omnia,
Ecclesiasticae

Plebis confinia
Placa mitifice

Pellens contraria.

77. O panis oriens

Invisibiliter,
Devotos nutriens

Delectabiliter,
Sis me reficiens

Spiritualiter,
Sic ne esuriens

Sim aeternaliter.

78. Sanctorum omnium

Excellentissime
Et existentium

Provisor optime,
Nos persequentium

Conatus reprime
Nec non propitium

Te nobis exhibe.

79. O summa sanctitas

Cuncta sanctificans,
Per leges optimas

Ad bonum ordinans,
Nostras sis animas

Labe purificans,
Quas fecit sordidas

Ferus exterminans.

80. O suavifica

Mentis cibatio,
Iungat deifica
Participatio

Me et angelica

Cooperatio
In aula caelica

Tuo consortio,

81. Pater ingenite,

Creator omnium,
Et unigenite,

Salus credentium,
Et tu, paraclite,

Solator tristium,
Tres unus credite,

Da caeli gaudium.

82. Fontalis deitas

Patri tribuitur,
Sed filialitas

Nato, qui gignitur,
Flumini caritas

Recte ascribitur,
Quo amabilitas

Omnis egreditur.

83. Tu forma procreans

Omne formabile,
Sapientificans

Spiritum facile,
Cor meum recreans

Esto culpabile,
Illud babituans

Per donum stabile.

84. Divina veritas

Lucens perenniter
Et summa claritas

Accendens dulciter,
Meas nequitias,

Quis foedor turpiter,
Absolvat pietas

Tua benigniter.

85. Donum deificum

Ex Deo veniens,
Semper beneficum

Te nobis exhibens,
Nostrum paraclitum

Te credo profitens,
Sis me pauperculum

Douis reficiens.

86. Fundator omnium

Tua potentia,
Vita viventium

Atque essentia,
Reginae virginum

Per sancta merita
Te collaudantium

Relaxa debita.

87. Causa vivifica

Rerum viventium,
In tota fabrica

Mundi degentium,
Motus mortifica

Nostrarum mentium
Per carnis lubrica

Vane currentium,

88. O cor altissimi

Eructans optimum
Verbum, quod animi

Depellit taedium,
Mei pauperrimi

Esto remedium,
Amoris intimi

Praestans incendium.

89. Lumen o splendidum,

Non exstinguibile,
Amoris fervidum

Dans incessabile,
Cor meum luridum

Ob scelus flebile
Fac tibi placitum

Et habitabile.

90. Amplexus deice

Indissolubilis
Et amor unice

Et incessabilis,
Maerorem disice

Servi plorabilis
Ortum ab hosticae

Fraudis tendiculis.

91. O bonum solidum
Cunctis optabile
Et per quadrifidum
Orbem laudabile,

Cor meum stolidum
Ac detestabile

Ad bonum fervidum
Fac et flexibile.

92. O princeps deice

In cunctis dominans
Ac potentifice

Subiecta ordinans,
Esto mitifice

Super nos virgilans
Quos premit hostice

Bellua insidians.

93. Insuperabilis

Dei potentia,
Ineloquibilis

Mundi facundia,
In tuis famulis

Sana debilia,
Quae causat flebilis

Culpae malitia.

94. O anatomica

Virtus paracliti,
Consors in gloria

Patris et filii,
Praesta donaria

Tui consilii,
Ut vitem noxia

Huius exsilii.

95. O lux fulgoribus

Micans mirificis,
Inferioribus

Lucens et caelicis,
Praesta cantoribus

His hymnis melicis
Iungi sonoribus

Choris angelicis.

96. Unum mirificum

Creata uniens
Per esse unicum

Omnibus praeminens,
Ens substantificum

Cunctis imperdens
Statum angelicum

Post te constituens;

97. O Iesu inclite,

Qui a principio
Natus mirifice

Es ab initio,
Tuae dulcissimae

Matris precatio
Nostrae miseriae

Sit abolitio.

98. Causa fortissima

Omnis causabilis,
Ex tota anima

Mihi amabilis,
Voce promptissima

Es praedicabilis,
Mente purissima

Cunctis laudabilis.

99. Lumen deificum

Inaccessibile,
Per cultum sedulum

Cunctis laudabile,
Cor meum stolidum

Et indomabile
Fac tibi placitum

Et bonis habile.
100. O sancte spiritus

Patris et filii
Fonsque mellifluus

Nostri remedii,
Nostri perpetuus

Sis dux exilii
Ac dator inclitus

Aeterni praemii.