244 Acta Apostolicae Sedis - Commentarium Officiale

II

Nova Eparchia Bahir Dar-Dessie in Aethiopia constituitur.

FRANCISCUS EPISCOPUS

ServuS Servorum Dei aD perpetuam rei memoriam

Quae maiori Christifidelium bono proficiunt, ea, pro gravissimo Nostro

munere Pastoris totius gregis Dominici sedula navitate nitimur praestare.

Qua re, cum sit visum ut Archieparchia Metropolitana Neanthopolitana in

Aethiopia utpote nimis ampla ad curam animarum aptius exercendam divi-

deretur, Nos, Successor beati Petri et Universalis Pater atque sollicitudine

pastorali ducti, audito consilio Venerabilis Fratris Nostri S.R.E. Cardinalis

Praefecti Congregationis pro Ecclesiis Orientalibus, Apostolica Nostra usi

potestate sequentia decernimus. Detracto quodam territorio ab Archiepar-

chia Neanthopolitana novam Eparchiam in urbe Bahir Dar constituimus

Bahir Dar-Dessie appellandam, omnibus factis iuribus et officiis, quae ad

normam Codicis Canonum Ecclesiarum Orientalium eidem Eparchiae com-

petunt. Quam Ecclesiam suffraganeam facimus Archieparchiae Metropoli-

tanae Neanthopolitanae atque templum Deo Patri sermone loci « Egziabher

Ab » in eadem urbe exstans dicatum ad dignitatem ecclesiae Cathedralis

evehimus atque ipsius Eparchiae eligimus sanctum Patronum Frumentium,

Kesate Berhan. Quae quidem Eparchia Bahir Dar-Dessie suos fines habet

in Aethiopia, comprehendens tres regiones (Beneshangul Gumuz, Amhara,

Afar) in territoria quae sequuntur divisas: Metekel, North Gonder, South

Gonder, East Gojjam, West Gojjam, Agew Awi, et insuper Wagh Hemra,

North Wello, South Wello, Oromiya, necnon territoria 1, 4 ac 5 regionis

Afar. Quae vero iussimus ad effectum rite adducantur deque absolute negotio

sueta documenta exarentur et ad memoratam Congregationem mittantur.

Hanc denique Apostolicam Nostram Constitutionem nunc et in posterum