1200 Acta Apostolicae Sedis - Commentarium Officiale

Hodie igitur eadem in urbe de mandato Nostro Venerabilis Frater Nos-

ter Angelus S.R.E. Cardinalis Amato, S.D.B., Praefectus Congregationis de

Causis Sanctorum, textum Litterarum Apostolicarum legit, quibus Nos Ve-

nerabilem Servum Dei Flavianum Michaëlem Melki in Beatorum numerum

adscribimus:

Nos, vota Fratris Nostri Suae Beatitudinis Ignatii Iosephi III, Patriarchae

Antiocheni Syrorum, necnon plurimorum aliorum Fratrum in Episcopatu mul-

torumque christifidelium explentes, de Congregationis de Causis Sanctorum

consulto, auctoritate Nostra Apostolica facultatem facimus, ut Venerabilis

Servus Dei Flavianus Michaël Melki, Episcopus Iazirensis Syrorum et mar-

tyr, pastor secundum cor Christi, exemplar mitis fortitudinis pro christianis

qui persecutionem patiuntur, testis heroicus Evangelii una simul cum multis

sacerdotibus et fidelibus laicis, Beati nomine in posterum appelletur eiusque

festum die undetricesima mensis Augusti, qua in caelum natus est, in locis

et modis iure statutis quotannis celebrari possit. In nomine Patris et Filii

et Spiritus Sancti.

Clarus hic martyr, vir sanctus qui amavit Christum in vita sua eum-

que imitatus est in morte coronam ideo triumphalem merens, in quo Deus

crucis mysterium mirabiliter illustravit ut, ex eius sacrificio roborati, nos-

metipsi Christo fideliter haereremus atque in Ecclesia ad salutem omnium

operaremur, sicuti fortis in eiusdem confessione vixit, ita et fidei nostrae

praebeat firma incrementa virtutum et multiplici suffragio apud Dominum

intercedat. Praestet ergo Dominus, ut, cuius passionem amodo devotione

recolimus, etiam fidei constantiam subsequi valeamus.

Quae autem his Litteris decrevimus, nunc et in posterum rata et firma

esse volumus, contrariis quibuslibet rebus minime obstantibus.

Datum Romae, apud Sanctum Petrum, sub anulo Piscatoris, die XXIX

mensis Augusti, in Passione Sancti Ioannis Baptistae, anno Domini bismil-

lesimo decimo quinto, Pontificatus Nostri tertio.

De mandato Summi Pontificis

Petrus Card. Parolin Secretarius Status

Loco G Plumbi

In Secret. Status tab., n. 68.564