6 LUBLINEN. SEU VARSAVIEN.

congruum saluti animae consulendi remedium reperire pot- erit, si praesentis connubii dissolutionem impetraverit ».

A N I M A D V E R S I O N E S D E F E N S O R I S S . V I N C U L I . Vinculi defensor e converso observat inquisitionem peractam fuisse, non sub respectu inconsummationis matrimonii ostendendae, sed üt iudicare tur de valore vel nullitate coniugii. At methodus ista utendi inquisitione ad alium finem multis periculis ac fraudibus obnoxia est. Nec a praesenti causa collusionis suspicio abest.

Etenim Maria assertam coeundi impotentiam ita in iu- dicio definivit : « Fueritne veretrum mariti sufficienter ere- ctum nescio; certe intra corpus meum non penetravit, dolorem nullum sensi. Defluxerit semen mariti nescio. De impotentia consummandae copulae perfectae loquebar marito, qui se debilitatum esse ¡perhibebat ». Et Gregorius ait : « Matri- monium non consummavi propter insufficientem erectionem penis, qui non intravit in partes pudendas uxoris. Impo- tentiam coeundi attribuo peculiari affectioni erga uxorem: nam ante contactum, membrum meum erigebatur, et, eiecto semine, languescebat, vel non erigebatur sufficienter ».

Cum iis autem pugnant quae habent medici cognitores. Gustavus Dolinski, quaerenti iudici « Potestne Gregorius consummare matrimonium cum uxore sua? reponit : Cum uxore ille inhabilis est ad coitum propter disproportioném in dimensione genitalium ». Item respondit medicus Mauritius Cieconski : « Cum uxore matrimonium consummare non valet propter asymetriam genitalium, cum enim ipse praeditus sit robustis pudendis, muliebria uxoris sunt infra iustam ac le- gitimam dimensionem, in mulieribus solitam, unde oritur disproportio physica quae est origo impotentiae relativae ». Quibus consonat archiater Ioseph Ulanowki.

Nec dicatur, ait orator, nil referre, si medici et coniu- ges in iis dissentiant, quae impotentiam relativam respi- ciunt, cum in casu agatur solummodo de matrimonii incon- summatione; nam inquisitio non de matrimonii inconsum- matione facta est, sed de impotentia coniugum. Quapropter,