5. De sancto Apro.

In 2. Nocturno.

Responsoria.

1. Sanctus Aper jejunando,
In vigiliis orando,
Laboribus insudando

Gratiam obtinuit,
Quique fidem praedicando,
Caritatem amplexando
Et virtutes operando
Et in bis perseverando

Gloriam promeruit
V. Et mala sustinuit

quam plurima, mortificando

Carnem, quam animae
vult subjici vigilando.

2. Sanctus Aper, vitae via,
Elegit mundi dulcia,
Ut confunderet fortia,
Mundum, carnem, daemonia

Vicit, sicut legitur,
Non sine continentia
Nec sine patientia
Atque perseverantia,
Tam perfecta victoria

Esse facta creditur,

V. Sicut in historia

Sanctae vitae reperitur
Ejus in ecclesia

Rurali, qua sepelitur.
3. Aper, unus viatorum
De numero confessorum
In medio peccatorum

Obiit feliciter,
Sequens vitam perfectorum,
Qui per manus angelorum
Elevatus supra chorum
Ecclesiae supernorum
Per saecula saeculorum

Gaudet aeternaliter.

V. Secutus iter sanctorum

Patronus catholicorum

Nos faciat pariter
Sedes intrare polorum.

In Laudibus.
Antiphonae.

1. Justum deduxit Dominus

Per vias rectas fidei
Et ei nihilominus

Apparuit regnum Dei.
2. Amavit Dominus eum

Plenum divinae gratiae
Et, quia dilexit Deum,

Induit stola gloriae.
3. Justus non saturabitur

Sequendo Dominum suum,

Ideo coronabitur

Et vivet in perpetuum.

4. Beatus servus patiens
Redargui non poterit,
Quem Dominus adveniens
Vigilantem invenerit.
5. Iste confessor Domini
Amavit poenitentiam,
Qui gratiam dat homini
Et paradisi gloriam.

Ad Benedictus.

A. Servus bonus et fidelis
Supra multa constitui
Promeruit et in caelis
Gaudium Domini sui
Et ipsius conspectui
Adsistere cum angelis
Et cum sanctis archangelis
Dei visione frui.

In 2. Vesperis.

Ad Magnificat.

A. Sacerdos et non pontifex,
Pastor bonus in populo,
Miraculorum artifex

Migravit ab hoc saeculo,
Ut in mortis articulo
Succurrat nobis opifex,
Ne peccatorum carnifex
Nos ruat in piaculo.