Quinquagena III.

1 01, Ens verbo faciens

Cuncta subsistere,
Cuncta prospiciens

Hic et in aethere,
Me sis respiciens

Divino munere,
Modo deficiens

Qui sum prae scelere.
102. Gluten vivificum,

Cuius conexio
Coniangit unicum

Suo principio,
Te sanctam spiritum

Pandit processio,
Nostrum paraclitum

Vera confessio.

103. O verbum Domini

Et sapientia,
Ipsi ac pneumati

Par existentia,
Succurras homini

Tua clementia
Dato discrimini

Ob sua vitia.

104. Pater qui diceris
Misericordiae,
Tuis de superis

Dans rorem gratiae,

A nobis miseris

Pondus miseriae
Aufer a sceleris

Emundans scabie.
105. Causa substituens

Creata omnia,
Cuncta coambiens

Omnipotentia,
Sis nos instituens

Ad spiritalia,
Quos hostis saeviens

Trahit ad vitia.
106. Ens o gignificum

Ineffabiliter
Verbum mirificum,

Sed naturaliter,
Amorem deicum

Spirantes pariter,
Qui statum caelicum

Det nobis pleniter.
107. Intelligibilis

Divaque veritas,
Splendet in angelis

Cuius profunditas,
A tuis famulis

Pellatur falsitas
Et cum periculis

Omnis impietas.

108. O individua

Summaque trinitas,
Laude continua

Quam universitas
Laudat, praecipua

Tua benignitas
Praestet proficua

Nobis et gratias.

109. Pulchrum formificum

Cuncta pulchrificans,
Natura unicum

Filium generans,
Esto terrificum

Hostem exterminans
Lumenque caelicum

Super nos radians.

110. Dulce spiraculum

Patris et filii
Forteque vinculum

Amoris mutui,
Per adminiculum

Tui consilii
Aufer periculum

Ignis perpetui.

111. O sol iustitiae

Refulgens mentibus
Fulgore gratiae

Te requirentibus,
Manu potentiae

Resiste hostibus
Natos ecclesiae

Iam persequentibus.

112. Ens inneffabile,

Qui res, essentias
Verbum mirabile

Ex teque generas,
Cum quo amabile

Donum his conferas,
Qui canunt sedule

Has laudes inditas.

113. O lux illuminans
Cuncta causalia,
In unum congregans
Rationalia,

Nostra exterminans
Sis criminalia

Ad bona revocans
Nos aeternalia.

114. Vita viventium,

Vigor et gratia,
Sed et substantium

Fortis substantia,
Menti colentium

Te des solamina,
Pressae per hostium

Dira molimina.

115. O lumen mentium

Intelligibile
In te credentium

Et praeamabile,
Cor meum vitium

Premit damnabile,
Quod hoc servitium

Pellat laudabile.

116. O simplicissima

Trinaque deitas,
Cuius in omnia

Redundat bonitas,
Velut peripsima

Te mea parvitas
Laudat pro gratia

Reddendo gratias.

117. O bonum optimum

Cunctis amabile
Nunc et in saeculum

Superlaudabile,
Cor meum squalidum

Ac detestabile
Tibi fac placidum

Et habitabile.

118. O perfectissime,

Qui nunquam deficis
Et potentissime

Creata perficis,
Doctrinis imbue

Me evangelicis
Et post hoc imprime

Choris angelicis.

119. Exemplar optimum

Amoris mutui,
Quo vivunt plurimum

Peccatis mortui,
Nostrorum hostium

Resistas astui,
Qui quaerunt iurgium

Quasi continuum.

120. O rex regnantium

In mundi partibus,
Pacis praesidium

Dans te colentibus,
Praesta auxilium

Mariae precibus
Nobis exsilium

Durum ferentibus.

121. Pax es pacificis

Atque concordia,
Ut claret credulis

Per evangelia,
Amore afficis

Et discordantia,
In unam colligis

Divisibilia.

122. O factor luminum

Cuncta prospiciens,
O verbum inclitum

Ab ipso prodiens,
O amor cordium

Ab his progrediens,
Sis desiderium

Meum perficiens.

123. O ineffabilis

Vita humanitus,
A sanctis angelis

Laudata eaelitus,
Nos a piaculis

Absolve penitus,
Quos taeter vinculis

Constrinxit spiritus.

124. O princeps principum,
In terrae partibus
Per te regnantium
Sub tuis legibus,

Da pacis animum
credentum regibus,

Vanum per iurgium
Iam litigantibus.

125. Desiderabilis

Et superoptime,
Vere amabilis

Devotae animae,
Sis exorabilis,

Te precor intime,
Hostis tendiculis

Gravato pessime.

126. O sapientia

Domum aedificans,
Illam per varia

Dona consolidans,
Sis providentia

Me huic applicans,
In qua laetitia

Sim semper iubilans.

127. Virtus vivifica

Dei potentiae
Et causa unica

Omnis scientiae,
Nobis communica

Vel stillas gratiae
Et beatifica

Nos dono gloriae.

128. Vita laudabilis

Rerum viventium
A primis saeculis

Vitam habentium,
Resistas aemulis

Tibi credentium,
Te laudum titulis

Pie quaerentium.

129. Lux invisibilis

Tu Deus diceris,
Mire in angelis

Lucens et ceteris,
Solutos vinculis

Et rerum tenebris
Iunge christicolis

In regno aetheris.

130. Optima veritas

Et infallibilis,
Fugatur falsitas

Qua despicabilis,
En, me iniquitas

Premit damnabilis,
Quem tua pietas

Solvit a vinculis.

131. Lumen vivificum

Tuis dans vivere,
Quos iubes caelicum

Regnum appetere,
Da nobis lubricum

Mundum contemnere
Atque seraphicum

Amorem quaerere.

132. Virtus unifica

A se distantium
Et causa unica

Vere amantium,
Corda pacifica

Iam discordantium
Nunc sub catholica

Lege regnantium.

133. O simplex deitas

Carens initio,
Tibi sit claritas

Et benedictio,
Confortet animas

Tua dilectio,
Quas premit pravitas

Atque defectio.

134. Ens potens opifex

Omnis essentiae,
Causa et artifex

Et subsistentiae,
Peto, ne uti faex

Tradar miseriae,
Quem premit multiplex

Culpa lasciviae.

135. Ens inscrutabile

Esse dans omnibus,
Vere amabile
Te cognoscentibus,

Desiderabile

Te degustantibus
Et praedicabile

In cunctis gentibus.

136. O flumen olei

Caeli laetitiae
Ac torrens ignei

Vigoris gratiac,
Virtute fidei

Et sapientiae
Da nobis provehi

Ad lumen gloriae.

137. O substantifica

Cunctorum ratio,
Cuius mirifica

Est dominatio,
Iuvet angelica

Nos consolatio,
Quos diabolica

Turbat vexatio.

138. O decor caelice,

Deus mirabilis,
Quem laudant melice

psalmorum titulis
Plebes angelicae

Cum sanctis angelis,
Solve mitifice

Nos a piaculis.

139. O tranquillissimi

Amoris bonitas,
Pacans maestissimi

Cordis molestias,
Ne sinas opprimi

Tuorum animas
Hostis nequissimi

Pellens versutias.

140. Virtus deifica,

A devotariis
Odis per cantica

Laudanda variis,
Servos tutifica

Ab adversariis,
Gente daemonica

Ac duplicariis.

141. O forma deica

Infigurabilis
Neque angelica

Mente capabilis,
Virgo theotoca

Succurrat credulis,
Quos gens paganica

molestat scandalis.

142. Bonorum omnium

Genus describens
Generalissimum,

Dans esse ceteris,
Nobis auxilium

Largire miseris,
Quos onus nimium

Gravat facinoris.

143. lnaccessibilis

Lux atque claritas,
Hostis terribilis

Propellens tenebras,
Me premit flcbilis

Culpae obscuritas,
Pellat amabilis

Quam tua pietas,

144. Ens es omnipotens

Omnipotentia
Cuncta stabiliens

In subsistentia,
Virtute continens

Creata omnia,
Semper communiens

Cum providentia.

145. O lux mirifica

Illucens mentibus,
In laude deica

Se exercentibus,
Synaxi psalmica

Hac te laudantibus,
A culpa lubrica

Munda clementius.

146. Cunctis amabilis

Es te noscentibus,
Desiderabilis

Sic te amantibus,
Vere laudabilis

Peregrinantibus
Ac venerabilis

Pervenientibus.

147. Incomparabilis

Et summa trinitas,
Inaestimabilis

Cuius immensitas,
Te mea fragilis

Collaudat parvitas,
Petens ut humilis

Caeli delicias.

148. Sapientifica

Altaque trinitas,
Caeli hierarchica

Quam laudat dignitas,
Nobis benefica

Largire deitas
Post mundi lubrica

Vitae divitias.

149. O honorifica

Sanctaque trinitas,
Ecclesiastica

Quam colit pietas,
Sed et angelica

Laudat sublimitas
Mundique fabrica

Seu universitas.

150. Vitae principium

Atque essentiae,
Laudat collegium

Quod nunc ecclesiae,
Per patrocinium

Matris clementiae
Duc nos in gaudium

Caelestis patriae.