Acta Benedicti Pp. XVI 725

dam in tempus quo peculiaris instruatur meditatio et fides iterum detegatur.

Haud primum fit ut Ecclesia ad Annum fidei celebrandum vocetur. Anno

MCMLXVII Veneratus Decessor Noster, Dei Servus Paulus VI similem annum

indixit, ut martyrium Apostolorum Petri et Pauli commemoraretur, XIX sae-

culo eorum supremae testificationis vertente. Id cogitavit veluti sollemne

quiddam, ut universa Ecclesia « eandem fidem vere et sincere » profiteretur;

ipse porro voluit ut ea confirmaretur « singularis et publica, libera et conscia,

interior et exterior, humilis et prompta ».5 Ipse enim sentiebat Ecclesiam

universam hoc modo acturam esse « ad plenam et rectam adipiscendam

conscientiam fidei suae, ad eandemque excitandam, renovandam, confirman-

dam, profitendam ».6 Magnae immutationes illius anni, clariorem huius cele-

brationis necessitatem reddiderunt. Quam celebrationem ad finem adduxit

sollemnis professio fidei Plebis Dei,7 ut significaretur quantopere essentialia

principia, quae ex saeculis omnium credentium constituunt patrimonium,

confirmatione, intellectione et pervestigatione, ratione usque renovata, indi-

geant, ad congruam testificationem reddendam in historicis condicionibus,

quae aliae sunt ac superiorum temporum.

5. Quibusdam sub aspectibus Veneratus Decessor Noster hunc Annum

quandam « consecutionem et necessitatem postconciliarem » 8 respexit,

prorsus sibi illius temporis gravium difficultatum conscius, praesertim quod

ad veram fidem profitendam eandemque recte interpretandam attinent.

Censuimus Annum fidei incohari, quinquagesimo anno transacto a Concilio

Vaticano II incepto, opportunam dare occasionem, ut intellegatur scripta,

hereditate a Patribus accepta, ad beati Ioannis Pauli II verba, «pretium non

amittere nec fulgorem. Necesse est ut congruenter legantur et noscantur

et approprientur uti textus idonei et directorii Magisterii, in ambitu Ec-

clesiasticae Traditionis ... ut quam maxime assumimus officium ostendendi

Concilium uti summam gratiam qua Ecclesia saeculo XX est ditata: in eo nobis

tutissimus offertur index ad iter hoc ineunte saeculo detegendum ».9

Nos quoque magnopere id confirmare volumus quod de Concilio paucis post

5 Paulus VI, Adhort. ap. Petrum et Paulum Apostolos, saeculo XIX expleto postquam

Sancti Apostoli Petrus et Paulus martyrium subierunt (22 Februarii 1967): AAS 59 (1967), 196. 6 Ibid., 198. 7 Paulus VI, Sollemnis professio fidei pronuntiata ante Basilicam Petrianam die XXX

mensis Iunii anno MCMLXVIII, anno a fide vocato, et saec. XIX a martyrio SS. Petri et Pauli

App. expletis (30 Iunii 1968): AAS 60 (1968) 433-445. 8 Id., Audientia Generalis (14 Iunii 1967): Insegnamenti V (1967), 801. 9 Ep. ap. Novo millennio ineunte (6 Ianuarii 2001), 57: AAS 93 (2001), 308.