Acta Francisci Pp. 1201

III

Venerabilibus Servis Dei Pio Heredia et XVII Sociis Beatorum honores de- cernuntur.

FRANCISCUS PP.

Ad perpetuam rei memoriam. - « Aquae multae non potuerunt exstin-

guere caritatem » ( Ct 8, 7).

Eorum martyrii ratione, Cantici Canticorum enuntiatio, quam diu Servi

et Servae Dei asseclae Sancti Bernardi meditati erant, omnino pro ipsis ad

verbum accipi debet: duodecim etenim ex eis in Santanderiensi sinu Maris

Cantabrici tumultuosis fluctibus obruti sunt; reliqui sex, manuballista pe-

rempti, et ipsi plurimas transierunt cruciatus aquae, quae tamen in eorum

cordibus nullatenus amorem Christi eiusque Ecclesiae exstinguere valuere,

martyrio siquidem prorsus consentientes.

Tres sunt coetus martyrum:

A) Duodecim Servi Dei ex Ordine Cisterciensium Strictioris Observan-

tiae, e monasterio Sanctae Mariae de Viaceli in vico vulgo Cóbreces in His-

pania, qui in carcerem coniecti sunt et in urbe Santanderiensi interempti. In

festo sancti Bernardi, die xx mensis Augusti anno mcmxxxvi, illis in terris

Hispaniae renuntiato decreto quo catholicus cultus sublatus est, monachi

privatim abditique liturgiam coacti sunt celebrare. Die xxiv eiusdem men-

sis omnia vasa sacra confiscata sunt. Insequenti mense Septembri maior

pars religiosorum in urbem Santanderiensem translata est apud Institutum

Salesianum in carcerem immutatum, ubi, a Priore Servo Dei Pio Heredia

corroborati, vitam orationis colere perseverarunt et aequitatem ac fortitu-

dinem animi, multas licet inter vexationes atque iniurias, retinuerunt. In-

tervenientibus amicis, inter dies xiii et xvi mensis Septembris liberati sunt

et, tribus in coetibus distracti, apud propinquos et amicos perfugerunt, ut

vocationem suam vivere prosequerentur. Ineunte mense Decembri, monachi

primorum duorum coetuum denuo arrepti interfectique sunt; e tertio autem

coetu, post necem Servi Dei Pii Heredia resoluto, die xxxi mensis Decembris

anno mcmxxxvi Servus Dei Leander Gómez trucidatus est. Monachi primi