LUBLINEN. SEU VARSAVIEN. 7

si coniuges aut medici veritati vim intulerunt in iis quae inquisitionis obiectum principale constituebant, credere non debemus eos veritati obsecutos, dum de inconsummatione matrimonii loquuntur, qua de re tum quaerebatur solum per accidens.

Huc accedit, prosequitur sacramenti assertor, quod ipsae obstetrices, quae Mariae corpus recognoverant, inter se e diametro pugnent.

Quapropter, inquit orator, intelligitur studium partium, quo medici cognitores abripiunt, dum venditant impotentiam relativam propter disproportionem in dimensione genitalium. Ii enim arripiunt obstetricis Teophilae Szatowska verba: « Muliebria Mariae sunt débiliter evoluta », ac taciti prae- tereunt clara aliarum obstetricum verba : « Maria confor- mata est bene, imo etiam valide... pelvis est lata ».

Insuper obstetrices commemorant quandam Mariae irrita- bilitatem, medici autem statim appingunt Mariae vaginismum. Frustra affirmant obstetrices : « Instabilitas genitalium in actrice, ut omnino apud virgines, notabilis, non tamen mor- bosa »; « Sensibilitas eiusmodi in ostio vaginae est magna, qualis fere occurrit in virginibus ».

Dolet praeterea ligaminis propugnatori, quod ad exa- men adducti non sint testes domestici, praesertim famulae, quae in huiusmodi iudiciis locupletissimae sunt.

Neque dici in praesenti potest, concludit defensor, con- iugibus fidem praestandam esse, quia ita credunt testes ab ipsis inducti. Nam, praeterquam quod experientia docet, parum fidendum esse in septimae manus testibus, praesto est Felix Ceren, qui ad quaestionem : « Existimasne, Ma- riam esse personam honestam, religiosam, mendacii et per- iurii committendi incapacem ? » reponit : « De moribus actri- cis nihil statuere possum, praeterquamquod in loquendo plus aequo indulgebat procacitati ».

Quibus praenotatis, propositum fuit diluendum