6. De sancto Arigio.

In 1. Vesperis.

Ad Magnificat.

A. O Argi,

gemma pontificum,
Clemens preces
exaudi supplicum,

Redde nobis

Christum propitium,
Omne nostrum

deterge vitium,
Posce nobis

vitae subsidia
Et post finem

coeli palatia.

Ad Matutinum.

Invitatorium.

Exsultantes jubilemus
Atque Christum adoremus,
Qui Arigium consecravit
Et in coelis coronavit.

In 1. Nocturno.

Antiphonae.

1. Concelebrat ecclesia
Arigii solemnia,
Cujus beata merita
Deo probantur placita.

2. Iste sub annis teneris
Docendus datus literis
Vas aptum Dei gratiae
Rivos haurit primitiae.

3. Bonae spei puerulus,
Ad omne bonum sedulus,
Crucis sequens supplicia
Contempsit mundi gaudia.

Responsoria.

1. Cantibus hymnidicis

festum celebrate, fideles,
Quo pater Arigius

victor migravit ad arces
V. ''Haer est dica, quam fecit
Dominus, exsultemus A Iacte-
mur in ca.''

2. Jam puerile decus

transcendens molibus annos,
Pectore cujus inest

placido deitas habitatrix.
V. O magnum puerum

senioribus anteferendum !

3. Dum vir beatus pluribus

Coruscaret virtutibus,

Ex divino imperio

Donatur pontificio,
V. Offerre Deo incensum dignum

in odorem suavitatis.

In 2 Nocturno.
Antiphonne.

1. Nivernis bis temporibus
Vanis ancillans cultibus
Crucis Christi mysteria
Ridebat veri nescia.

2. Contra hujus perfidiam
Sanctus gerens militiam,
Ut signa Christi protulit,
Ritus profanos expulit.

3. O mira Dei gratia,
O laudanda potentia,
Qui per fidelem famulum
Tantum convertit populum.

Responsoria.

1. Dum praedicat Arigius,
Cedit rebellis Vernius
Et, quos anna nequiverant
Domare, verba superant.
V. Cunctis putet catholicis
Virtus sancti pontificis.
2. Ut bene confligat,

sanctus sua membra fatigat
Orando, flendo,

jejunia longa trahendo,
V. Nocte vigil tota

solvens Domino pia vota.
3. Vir illustris Arigius
Non cessabat attentius
Verbi divini pabulum
Erogare per populum,
V. Prudens servus callens dare
Cibum conservis congrue.

In 3. Nocturno.
Antiphonae.

1. Antistes pauper opibus
Spargens dabat pauperibus,
Quidquid habere poterat,
Sicut Christus praeceperat.

2. Complens mandatum Domini
Opem negabat nemini,
Exemplum dabat moribus
Omnia factus omnibus.

3. Virtutum fretus tegmine
Sub trinitatis nomine
Fugabat hostes penitus
Ut miles imperterritus.

Responsoria.

1. Tuis, pater, precatibus
Adjuva nos in omnibus,
Ut laeti sorte prospera
Transeamus ad aethera,

V. Emunda nos a sordibus
Adornando virtutibus.

2. Miles Dei dimicans
Indefessis viribus
Venerat ad bravium
Positum certantibus,
Cum victorem, qui tam ferox
Hostes superaverat,
Palma vitae decorare
Rex coelestis properat.

V. ''Justus Dominus et justitias
dilexit, aequitatem vidit vultus
ejus.''

In Laudibus.

Antiphonae.

1. Ubi fessus est vir sanctus
vetustatis senio,

Jubet eum revocari
Christus ab exsilio.
2. Christi confessor illico
Sacro sumpto viatico
Laetus exspectat exitum
Christo commendans spiritum.
3. Angelici proceres

cum laudibus advenientes
Suscipiunt animam

sancti tibi, Christe, feren-
dam.

4. Tibi sane, Dicetia,
Dei refulsit gratia
Ditato longo tempore
Beati viri corpore.

5. Arigium laudet,

qui Christi nomine gaudet,
Laudet Nivernis,

per quem sociata supernis.

Ad Benedictus.

A. Alme pater, petimus,

fer opem nobis miseratus,
Nam Christo junctus

palmaque coeli decoratus
Servorum potis es

cunctos abolere reatus
Et dare felices

animis super astra volatus.