Sermo V.

Sermo fratris Bonaventurae Parisius coram Universitate studentium, in domo Praedicatorum, tempore Adventus Dominica prima.

Venite, et ascendamus ad montem Domini et ad domum Dei Iacob, et docebit nos vias suas, et ambulabimus in semitis eius, Isaiae secundo .

Volenti verbum Dei proponere vel audire cum fructu animarum, secundum quod dicit beatus Dionysius in libro de Ecclesiastica Hierarchia et in libro de Mystica Theologia, tria sunt necessaria: humilitas intellectus, pietas affectus et voluntas effectus sive aviditas actus. Divinus enim radius non relucet nisi spiritualibus, non expanditur nisi humilibus, non requiescit nisi super devotis, sicut dicit idem beatus Dionysius in eisdem libris. Eapropter invocamus Dominum Iesum Christum in principio, qui est origo omnis verae illuminationis ad scientiam, qui est origo omnis rectae informationis ad gratiam, qui est origo omnis fructuosae locutionis ad doctrinam, ut ipse, qui est divinissima virtus et divinissimus animus, qui solus cor humanum ut superessentialiter suave olens delectatione complet secundum eundem in Ecclesiastica Hierarchia, ipse det mihi aliquid dicere et vobis audire etc.

Venite, et ascendamus ad montem Dei et ad domum Dei Iacob, et docebit nos vias suas etc.

Secundum Philosophum decimo Ethicorum felicitas hominis consistit in cognitione maximorum intelligibilium, et secundum quod dicit beatus Augustinus in libro Soliloquiorum: " Summum bonum in homine est sapere: optimum enim in homine est sapientia": ideo non immerito sacer Isaias sancto Spiritus afflamine pro tempore isto devoto Adventus invitat veritatis amatores et sapientiae verae zelatores, omnem litteratum et clericum ac Religiosum ad tria , scilicet ad culmina supernaturalium virtutum, ibi: Venite et ascendamus ad montem Domini: ad solatia supercaelestium iucunditatum, ibi: et ad domum Dei Jacob; ad lumina spiritualium virtutum, ibi: et docebit nos vias suas; ad specula regularium sanctitatum, ibi: et ambulabimus in semitis eius.

I. Quantum ad primam partem nota, quod mons supermentalium sive spiritualium virtutum est sancta Ecclesia, vel Religio, vel devota conscientia sive anima, vel ipsa sancta Scriptura, quia in omnibus his et singulis eorum, sicut in monte vero, sublimi et sacro, sunt ad similitudinem montis materialis fulgidissimae speculationes aeternalium splendorum, et de hoc Apocalypsis vigesimo primo: Sustulit me in spiritu in montem magnum et altum, et vidi Ierusalem habentem claritatem Dei: Exodi vigesimo quarto : Ascenderuntque Moyses et Aaron etc.; et Numerorum vigesimo septimo : Ascende in montem istum Abarim et contemplare indi terram etc. Feroidissimae irradiationes sublimium desideriorum, et de hoc primi Machabaeorum sexto : Refulsit sol in clypeos aureos et aereos, resplenduerunt montes ab eis: ex eis flamma accensa est etc. ; ad Hebraeos duodecimo: Accessistis ad Sion montem et civitatem Dei viventis, Ierusalem caelestem etc. -Securissimae mansiones tendentium mentium, et de hoc Isaiae secundo : Erit praeparatus mons domus Domini in vertice montium et elevabitur super colles, et fluent ad eum omnes gentes: Exodi decimo quinto : Introduces eos et plantabis in monte hereditatis tuae, firmissimo habitaculo tuo, quod operatus es, Domine: sanctuarium tuum, Domine, quod firmaverunt manus tuae: Psalmus: Fundamenta eius in montibus sanctis.

Redolenlissimae pullulationes aedificantium actionum, et de hoc Canticorum ultimo : Fuge, dilecte mi, et assimilare capreae hinnuloque cervorum super montes aromatum: Ezechielis trigesimo quarto: In pascuis uberrimis pascam eas, et in montibus excelsis Israel erunt pascua earum; ibi requiescent in herbis virentibus et in pascuis pinguibus pascentur super montes Israel.

Frequentissimae irrorationes supervenientium gratiarum; Psalmus : Rigans montes de superioribus suis, de fructu operum tuorum satiabitur terra.

Amoenissimae recreationes deiformium affectionum ; Iob trigesimo nono : Circumspicit montes pascuae suae et virentia quaeque perquirit.

Ad hunc montem ascendendum est per contemptum vanitatis mundanae: Psalmus : Quis ascendet in montem Domini, aut quis stabit in loco sancto eius? Innocens manibus et mundo corde etc.

Per habitum honestatis praeclarae: primi Machabaeorum quarto : Ascendamus nunc mundare sancta et renovare.

Per studium pietatis ecclesiasticae; primi Regum decimo quarto : Ascendit autem Jonathas, manibus et pedibus reptans, et armiger eius post eum.

Per zelum veritatis internae: Isaiae quadragesimo : Super montem excelsum ascende tu, qui evangelizas Sion.

II. Quantum ad secundam partem nota, quod si, ut dixit, ascendimus in montem Domini, per culmina sublimium virtutum, venimus procul dubio ad domum Dei Iacob, id est ad aeternam vitam et Ierusalem supernam ; quae quidem domus aeterna nobis est summe desiderantia et per sacra merita requirenda, quia est domus magnifice praeparata secundum munificentiae regalis celsitudinem: unde dicitur Baruch tertio : O Israel, quam magna est domus Dei et ingens locus possessionis eius! Magnus est et non habet finem, excelsus et immensus.

Mirifice ordinata secundum mirabilis dispositionis sapientiam: unde Ioannis decimo quarto :

Indomo Patris mei mansiones multae su nt

Suavifice cibativa secundum benevolentiam liberalis praemiationis; unde Psalmus : Inebriabuntur ab ubertate domus tuae, et torrente voluptatis tuae potabis eos; et quarto Esdrae .

Sempiterne mansiva secundum condescendentiam sempiternalis imperatoris; unde Psalmus : Beati, qui habitant in domo tua, Domine, insaecula saeculorum laudabunt te.

III. Quantum ad tertiam partem nota, quod disponentem se discipulum docet Christus, magister aeternus, vias suas, quae sunt hae: via puritatis et sanctimoniae angelicae, de qua in Psalmo : Ambulans in via immaculata,, hic mihi ministrabat.

viaveritatis et sapienti ae supercaelicae, de qua Proverbiorum quarto: Viam sapientiae monstrabo tibi, ducam te per semitas aequilatis; et in Psalmo: viam veritatis el egi etc.

viasanctitatis et vitae apostolic ae, de qua Iob vigesimo tertio : Viam eius custodivi et non declinavi ex ea.

Via pacis et concordiae fraternae, de qua Lucae primo : Ortus est Christus ad dirigendos pedes nostros in viam pacis.