Acta Apostolicae Sedis - Commentarium Officiale726

mensibus a Nostra ad Petri Successoris munus electione diximus: « Si id le-

gimus ac recta hermeneutica percipimus, ipsum esse fierique magis ac magis

potest magna vis ad Ecclesiam renovandam, quod est semper necessarium ».10

6. Ecclesiae renovatio etiam per vitae credentium testificationes fit: nam

suam per exsistentiam in mundo christiani ad veritatis Verbum collustran-

dum vocantur, quod Dominus Iesus nobis reliquit. Ipsum Concilium in

Constitutione dogmatica de Ecclesia Lumen gentium asseruit: « Dum vero

Christus, "sanctus, innocens, impollutus" (Heb 7, 26) peccatum non novit

(2 Cor 5, 21), sed sola delicta populi repropitiare venit (cfr Heb 2, 17),

Ecclesia in proprio sinu peccatores complectens, sancta simul semper purifi-

canda, paenitentiam et renovationem continuo prosequitur. "Inter persecu-

tiones mundi et consolationes Dei peregrinando procurrit" Ecclesia, crucem

et mortem Domini annuntians, donec veniat (cfr 1 Cor 11, 26). Virtute autem

Domini resuscitati roboratur, ut afflictiones et difficultates suas, internas

pariter et extrinsecas, patientia et caritate devincat, et mysterium Eius, licet

sub umbris, fideliter tamen in mundo revelet, donec in fine lumine pleno

manifestabitur ».11

Hoc in rerum prospectu Annus fidei ad veram renovatamque conversio-

nem in Dominum invitat, unum mundi Salvatorem. In eius mortis resurrec-

tionisque mysterio Deus Amoris plenitudinem revelavit, qui salvat et homi-

nes per remissionem peccatorum ad vitae conversionem vocat (cfr Act 5, 31).

Ad Pauli Apostoli mentem hic Amor ad vitam novam hominem perducit:

« Consepulti ergo sumus cum illo per baptismum in mortem, ut quemadmo-

dum suscitatus est Christus a mortuis per gloriam Patris, ita et nos in novi-

tate vitae ambulemus » (Rom 6, 4). Per fidem vita haec nova totam hominis

exsistentiam radicitus ex resurrectionis novitate fingit. Secundum eius

liberam facultatem, cogitationes et affectus, mens et mores hominis pede-

temptim purificantur et transformantur in iter quoddam, quod numquam

hac in vita completur. « Fides, quae per caritatem operatur » (Gal 5, 6) nova

fit intellectus actionisque regula, quae totam hominis vitam commutat

(cfr Rom 12, 2; Col 3, 9-10; Eph 4, 20-29; 2 Cor 5, 17).

7. «Caritas Christi urget nos » (2 Cor 5, 14): est Christi amor qui corda

nostra implet ac nos ad evangelizandum impellit. Ipse, hodie sicut illo tem-

10 Allocutio ad Romanam Curiam (22 Decembris 2005): AAS 98 (2006), 52. 11 Conc. Oecum. Vat. II, Const. dogm. de Ecclesia Lumen gentium, n. 8.