726 Acta Apostolicae Sedis - Commentarium Officiale

Holocaustum beati martyris Mauri Palazuelos eiusque XVII Sociorum,

Benedictinorum Monasterii Dominae Nostrae de El Pueyo Barbastri, oblatio

reapse fuit totius communitatis, scilicet XVIII monachorum qui coenobialem

vocationem usque ad finem sunt obsecuti; quorum solummodo tres aliis in

locis sunt comprehensi aliisque a fratribus separati, qui tamen non minus

atrociter occisi sunt suam propter fidem suumque statum religiosum.

Prior communitatis, pater Maurus Palazuelo Maruri, O.S.B., trucidatus

suis cum XIV fratribus, numquam ferventius vel intimius antea inchoavit

cantum Salve Regina quam ipso die martyrii; quo die illum cantum Maria-

lem cecinerunt utpote novissimum actum venerationis ac postremam vale-

dictionem Matri de El Pueyo dum se ipsius Beatissimae Mariae tenerrimis

amplexibus in caelo committebant.

Hi universi monachi praeclarum reliquerunt plenae fidelitatis exemplum,

quod totam vitam, dono Domino oblatam, coronavit. Enimvero parati fuerunt

ad martyrium suscipiendum post XXXVI dies in carcere peractos. Magnum

quidem exemplum praebuerunt fidei ac spei, nullo modo dubitantes se,

tutela Mariae Sanctissimae munitos, manibus Dei concredere.

Monachi qui occisi sunt intra muros coemeterii in oppido Barbastro

regionis Oscensis die XXVIII mensis Augusti anno MCMXXXVI sunt:

1. Maurus Palazuelos Maruri (Abel Angelus), O.S.B., sacerdos, natus in

Peñacastillo, Cantabriae, die XXVI mensis Octobris anno MCMIII.

2. Honoratus Suárez Riu (Antonius), O.S.B., sacerdos, natus in Torres del

Obispo, Oscae, die V mensis Februarii anno MCMII.

3. Leander Cuesta Andrés (Ioannes), O.S.B., sacerdos, natus in Rupelo,

in regione Burgensi, die XXXI mensis Maii anno MDCCCLXX.

4. Raimundus Lladós Salud (Antonius), O.S.B., sacerdos, natus in

Lluçars, Illerdae, die XV mensis Decembris anno MDCCCLXXXI.

5. Laurentius Sobrevía Cañardo (Turibius), O.S.B., sacerdos, natus

Oscae, die XVI mensis Aprilis anno MDCCCLXXIV.

6. Iacobus Pardo López, O.S.B., sacerdos, natus in Palacios de Benaver,

in regione Burgensi, die XXV mensis Iulii anno MDCCCLXXXI.

7. Ferdinandus Salinas Romeo, O.S.B., sacerdos, natus in Pozán de Vero,

Oscae, die XXXI mensis Maii anno MDCCCLXXXIII.