1202 Acta Apostolicae Sedis - Commentarium Officiale

coetus caesi sunt nocte inter dies II et III mensis Decembris anno mcmxxxvi

et qui ad secundum coetum pertinebant nocte consequenti. Caedes tacite

perpetratae sunt atque corpora Servorum Dei e scopulis litoris Santande-

riensis in mare proiecta.

B) Quinque Servi Dei ex Ordine Cisterciensium Strictioris Observantiae

eiusdem abbatiae, qui autem tempore capturae supra dictorum Servorum Dei

subacti sunt, ut intra moenia monasterii immorarentur. Ex his duo adstricti

sunt milites quosdam e manipulo armatorum de agendi atque administrandi

ratione officinae caseariae, quae illico inerat, instit

uere. Seditiosi milites moliti sunt in duobus religiosis expeditis promissis

persuadendis, ut in eorum partes transgrederentur, sed monachi firmiter

obstiterunt nec illis umquam annuerunt. Cum armati itaque omnia quae ad

eorum commodum pertinebant ex illis didicissent, die xx vel xxi mensis

Septembris anno mcmxxxvi utrumque religiosum super vehiculum imposue-

runt dicentes se eos in urbem Santanderiensem advecturos, sed in itinere

prope vicum vulgo Rumoroso eos interfecerunt.

C) Duae Servae Dei demum e Congregatone Cisterciensium Sancti

Bernardi.

Singuli martyres sunt:

1. Pius (in saeculo Iulianus) Heredia Zubía. In loco vulgo Larrea in Hispania

die XVI mensis Februarii anno MDCCCLXXV natus est. Monasterium Cister-

ciensium Strictioris Observantiae Vallis Sancti Iosephi in urbe Xetafensi

ingressus, novitiatum ibi explevit; die XVIII mensis Martii anno MDCCCXCIX

presbyteratu auctus est. Deinde ad monasterium Sanctae Mariae de Via-

celi destinatus est, ubi novitiorum Magistri et Superioris munus exercuit.

Pro communitate indefesse enisus est, ab omnibus vir oratione eximius et

alta erga Beatam Mariam Virginem praeditus pietate habitus.

2. Amadeus García Rodríguez. In loco vulgo Villaviciosa de Perros die XIV

mensis Septembris anno MCMV natus, monasterium Cisterciensium Sanc-

tae Mariae de Viaceli ingressus est et anno MCMXXIX presbyteratu auctus.

3. Valerius Rodríguez García. In loco vulgo Villaviciosa de Perros die X men-

sis Iunii anno MCMVI natus, monasterium Cisterciensium Sanctae Mariae

de Viaceli ingressus est et anno MCMXXX presbyter ordinatus.