7. De sancto Auspicio.

In 1. Vesp eris.

Ad Magnificat.

A. O Christe, salus omnium
Et certa spes credentium,
Qui cum fideles visitas,
Operibus mirificas
Et das in te sperantibus,
Ut regnent in coelestibus,
Concede cum Auspicio,

Pontifice clarissimo,
Nos perfrui consortio.

Ad Matutinum.
Invitatorium.

Adoremus Christum regem,
Angelorum dominum,

Qui coronat in excelsis
praesulem Auspicium.

In 1. Nocturno.

Antiphonae.

1. Beatus vir Auspiciis
Manens in Dei legibus
Dedit fructum justitiae.
Vivens in suo tempore.

2. Primaevo cultu temporis
Imbuitur literulis,
Electus in ecclesia
Praeccpia Dei praedicat.

3. Inde sacratur gradibus
In divinas ordinibus,
Praencitur in populo,
Salus et benedictio.

Responsoria.

1. Hodierna die festum

venerandum populo
Celebremus recolentes

sancto cum Auspicio,
Quem meiirmus habere

primum datvm praesulem,
Ideoque hunc precamur

nos omnes in invicem,
Ut pro nobis intercessor

Christum det placabilem.
V. Ecce primus pastor noster

atque martyr inclitus,
Quem pro fide coronatum

Christo junctum credimus.

2. nic primaevo datus flore

juvenili robore,
Satis clara satus stirpe

Romanae prosapiae,
Decoratus venustate

suo est in tempore,
Quem Nereus educavit

Achilleo comite
Et uterque dat renasci

in sacro baptismate.
V. His instructus eunuchis

sacris est in literis
Procul pulsis confidenter

Romanorum studiis.

3. Erat Romae papa clarus

Clemens et sanctissimis
Eruditus in doctrina,

vir sapientissimus,
Ad quem ultro est adductus

hic noster Auspicius,
Ut ab eo sublimetur

in sacris ordinibus;
V. Illum Clemens, ut agnovit

prudentem et providum,
Adoptavit sublimandum

velut pater filium.

In 2. Nocturno.

Antiphonae.

1. Signatus Dei lumine,
Sancto sacratur ordine,
Ut solvat sacrificium
Pro populo ad Dominum.

2. Intravit domum Domini
Juxta praeceptum debiti,
Scuto protectus fidei
Coronam regni meruit.

3. Paulominus ab angelis
Effectus est mirabilis,
Palma datur et laurea,
Locatur super omnia.

Responsoria.

1. Infantulum papa Clemens

tradidit altaribus
Et monendo confirmatum

destinavit gentibus,
Quibus suadet doctrinam

reuovandis fontibus,
Ut agnoscant Christum passum

in cruce pro ovibus ;
V. Hoc praecepto rudis pastor

et Christi clientulus
Ordinavit se committi

paucis cum sodalibus.

2. Hic profectus non cessabat

praedicare populum,

Quem videbat pervagari

per arva erroneum

Et monstrabat viam vitae

euntem ad Dominum,
Sic pervenit destinatus

ad cives Aptcnsium;
V. Ubi coepit praedicare

nomen Christi civibus,
Circumquaque crediderunt

plurimi de gentibus.

3. Introgressus civitatem

vir Dei Auspicius
Coepit fidem trinitatis

demonstrare gentibus,
Deum patrem, Deum Christum,

Deum sanctum spiritum
Et, in his tribus personis

unum esse Dominum,
Et non posse separari

in usia solidum ;
V. Unum Deum, unam fidem

in uno baptismate,
Unctionem percepturi

sacrosancto chrismate,
Praedicamus, quod tenemus,

et vos ita credite.

In 3. Nocturno.

Antiphonae.

1. Ingressus sine macula
In Christi tabernacula
Gaudens semper lactabitur
Et jam non commovebitur.

2. Tuum praevenit, Domine,
Positio dulcedinis
Auspicium pontificem
Unguento sacri ordinis,
Cui vitam das perpetem,
Tu dona nobis requiem.

3. Auspici, sacer, innocens,
In Dei regno praepotens,
Qui regnas cum martyribus,
Vicisti cum victoribus,
Succurre nobis omnibus
Et da quieta tempora,
Qui tenes ampla saecula.

Responsoria.

1. Crescit fides, credunt gentes

praedicante praesule,
Destruuntur infideles

cultus idolatviae,
Et ut Dominum adorent,

fundantur ecclesiae;
V. Populus fidelis factus

lactatur in Domino,
Et gaudent credentes Christum

docente Auspicio,

2. Nuntiatur hoc iniquis

Romanis principibus,
Quod virtutes operatur

pontifex Auspicius,
Mittunt quosdam saevientes

cum nequam lictoribus,
Ut adorent cives deos

repletos daemonibus,
Sin plectatur primum pastor

cum suis sequacibus;
V. Hac de causa pius praesul

captus in concilio
Jussus est, ut det libamen

nefas sacrificio,
Quod persolvunt summi reges

Romano palatio.

3. O athleta, Christi miles,

bellator fortissime,
O Auspici, agonista

et martyr egregie,
Qui graves inter pressuras

dimicasti fortiter
Et vicisti per triumphum

hostes mirabiliter,
Tu exora Christum regem

pro nostra miseria
Et conjunge tibi servos

in coelesti gloria;
V. Jam securus de te ipso

in coelesti curia,
Esto sollers de conservis

positus in gloria,
Quos adhuc contristat mundus

per damna communia.

In Laudibus.
Antiphonae.

1. Post laudandum vitae cursum

praesulis Auspicii
Et agonem jam perfectum

martyris egregii
A Christo, cui servivit,

concessa victoria
Coronatur vir beatus

in coelesli gloria.
2. Laude data matutina

nostro cum Auspicio
Jubilemus omnes simul

Christo regi Domino,
Qui beatum sublimavit

in aeterno solio.
3. Ecce, martir, quae dilexit,

solvens exercitia,
Gloriatur supra coelos

percepturus praemia,
Deum nostrum deprecetur

per sua suffragia,
Ut det nobis, quae meretur,

gratis beneficia.
4. Hymnum cantemus Domino
Beato cum Auspicio,
Quem cecinerunt pueri
Fornacis in incendio
Et vincunt regem pessimum
Benedicentes Domino.

5. Perfecta laus angelica
Virtute datur coelica,
Hanc angelorum concio
Ac justorum devotio
Persolvit cum Auspicio
Regi sanctorum domino,
Hic conjungatur populus
Fidelis sanctis omnibus.

Ad Benedictus.

A. Venerantes praesens festum

beati pontificis
Persolvanius laudes Christo

cum devotis populis
Et precemur supplicantes

praesulem Auspicium,
Ut pro nobis preces fundens

deprecetur Dominum,
Quatenus jungi possimus

illi in perpetuum.

In 2. Vesperis.

Ad Magnificat.

A. Jam, pastor noster, hodie,
Auspici, praesul melite,
Festum colentes refove,
Pro nobis omni tempore
Ora, ut Christus Dominus
Factus nobis propitius
Tuis orationibus
Jungat suis fidelibus.