Acta Francisci Pp. 439

LITTERAE APOSTOLICAE

Servo Dei Iosepho Girotti Beatorum honores decernuntur.

FRANCISCUS PP.

Ad perpetuam rei memoriam. - « Hoc est praeceptum meum, ut diligatis

invicem, sicut dilexi vos; maiorem hac dilectionem nemo habet, ut animam suam

quis ponat pro amicis suis » ( Io 15, 12-13).

Fuit reapse amor sine limite, heroicum videlicet fidei viventis testi-

monium, qui incitavit Iosephum Girotti, Ordinis Fratrum Praedicatorum

sacerdotem, ad sese sine haesitatione donandum fratribus egentissimis in

quibus vultum Christi pauperis, esurientis et adflicti contemplatus est. Suo

enim in caritatis ministerio numquam iudicavit homines secundum stirpem,

religionem vel conditionem socialem.

Hic verus Christi apostolus modica in opificum natus est familia Albae Pom-

peiae in Pedemontio die XIX mensis Iulii anno MCMV. A puero signa vocationis

sacerdotalis demonstravit. In Ordinem Fratrum Praedicatorum ingressus, vota

sollemnia religiosa Viterbii nuncupavit die XV mensis Octobris anno MCMXXIII.

Sacerdos deinde ordinatus est Carrei die III mensis Augusti anno MCMXXX. Studia

explevit Romae et Hierosolymis ubi et Sacram Scripturam studuit. Deinde stu-

diose deditus est muneri docendi Augustae Taurinorum, ubi quoque pauperes

et senes curabat. Altero bello pancosmio exorto, haec curatio amplificata est,

cum multi desiderarent adiumentum eius ut supervivere possent.

Indutiis quidem die VIII mensis Septembris anno MCMXLIII inter Statum

Italicum et Nationes Sociatas factis, opera caritatis eius dilata sunt ad He-

braeos, quos Nazistae-fascistae crudeliter persequebantur. Die XXIX mensis

Augusti anno MCMXLIV rogatum est ab eo ut alicui laeso succurreret, sed hoc

rogatum laqueus re vera fuit ne operas suas continuaret. Comprehensus est

et ductus ad carcerem primum Augustae Taurinorum et deinde Mediolani et

Bauzani et Dachani in Bavaria. Tametsi multa turpia et violentiam corpo-

ralem ac spiritalem necnon labores coactos subivit, haec omnia tranquillo

animo mirabiliter sustinuit invenitque opes spiritales ut fide viveret aliisque

cum captivis in carcere eandem fidem condivideret. Infirma vero valetudine

utebatur propter crudelitatem inhumanam in carcere et supremum diem

vitae suae brevi appropinquavit. Eucharistia corroboratus, Kalendis Apri-