8. De corona spinea.

In 1. Vesperis.

Ad Magnificat.

A. Ave rex dulcissime,

Jesu Nazarene,

Pro nobis amarissimae

Datus mortis poenae,

Ut simus digni colere

Sacrae festa coronae,

Dignare cor cumpungere

Felice passione.

Ad Matutinum.

Invitatorum.

Adoremus Dominum

Spinis coronatum,

Pro peccatis hominum

Clavis perforatum.

In 1. Nocturno.

Antiphonae.

1. Jugis meditatio

Sacrae passionis,

Felix occupatio

Cogitationis.

2. Puncturae dumi vulnerant

Caput generosum,

Vultum sanguis Irrigat

Christi speciosum.

3. Oculi deducite

Rivos lacrimarum,

Cruentum adspicite

Lumen animarum.

4. Speciosum verticem

Penetrant dum spinae,

Nostrae mentis apicem

Curant medicinae.

5. Quae caput tuum perforat

Spinarum fixura,

Bone rex, emolliat

Corda nostra dura.

6. Sacer sanguis, arida

Cuncta qui fecundat,

Peccatoris Intima

Fletibus Infundat.

Eesponsoria.

1. Salvatorem nominum

Praeses apprehendit,

Diris terrae Dominum

Flagellis offendit,

V. Plange cruentatum

flagris de virgine natum.

2. Terram flore vestiens

Ut scurro denudatur,

Nodos mortis destruens

Columnae alligatur;

V. Quas Sathan Involvit,

animarum vincla resolvit.

3. Vis amoris vulnerat

Viscera Mariae,

Fletus unda maculat

Cenas tota die;

V. Vastat corda dolor,

quae magis ussit amor.

4. Virga cutis scinditur

Manante cruore,

Judaeus nec compungitur

Nec cessat a furore ;

V. Vulnera, livores

pro te gerit atque cruores.

In 2. Nocturno.

Antiphonae.

1. In aerumua vertitur

Cor contritionis,

Dum spina configitur

Sacrae passionis.

2. O spina mirabilis,

O pretiosum sertum,

Quo regis Invincibilis

Caput est refertum.

3. Spineta nobilitat

Haec praeclara spina,

Ligna cuncta superat

Virtute cedrina.

4. Haec cum cruce colitur

Condigno honore,

Agni quae perungitur

Roseo cruore.

5. Judex cum advenerit

In sua majestate,

Fulgere mira creditur

Cum crucis claritate.

6. Lignum nullum coaequatur

Germine nec flore

Huic, quod Christi fecundatur

Nobili cruore.

Respimsoria.

1. Urbis totam concitant

Milites cohortem,

Regis sui videant

Ridiculosam sortem;

V. Cingunt coccinea

vesteque purpurea.

2. Coronam acutissimis

Sentibus texentes

Capiti sacrilegis

Palmis imprimentes,

V. Opprobriis lassant,

caput ejus arundine quassant.

3. O Dei et hominis

Fili, Jesu bone,

Quid fecisti criminis

Dignum confusione?

V. Cur caput offensum

spinarum cuspide densum?

4. Peccator ego perditus

Tibi, mitis agne,

Fui causa penitus

Confusionis magnae;

V. Tu persolvisti

pro me, quae non rapuisti.

In 3. Nocturno.

Ad Cantica.

A. Regis egredimini,

Sponsae delicatae,

Dilectum Intuemini

Amore vulneratae,

Rubrum diademate,

Quo mater intidelis

Hunc affixit capite

Synagoga crudelis.

Responderia.

1. Lancea sanctitur,

lateris dum fons aperitur,

Nectar et hauritur,

si pura mente venitur ;

V. Corda facit munda

sanguis, qui currit, et unda.

2. Ecce redemptoris

dolor est medicina doloris,

Quem rubei roris

rubricat unda foris ;

V. Nostros languores

curat portatque dolores.

3. Illitus est spinis,

clavis penetratur acutis,

Sanguineis guttis

est maculata cutis ;

V. Milleque puncturis

vertes rubet undique duris.

4. Sputa, flagella, minae,

crux, clavi, lancea, spinae

Felici tine

nostrae sint meta ruinae,

V. Rex pie, sentinae

ne tradamur barathrinae.

Ad Laudes.

Super Psalmos.

A. Sumpto diademate

Dominus regnavit,

Quem spinarum schemate

Judaea coronavit.

Ad Benedictus.

A. Cornu salutiferae

Crucis rex erexit.

Umbraculo spiniferae

Coronae caput texit,

Illius, quem desidero,

Sub umbra repausabo,

Devotius ut potero,

in ipso respirabo.

Ad Horas.

Ad Primam.

A. Ecce rex mitissimus

Incedit coronatus,

Corona sed durissimus

Est illi cruciatus.

Ad Tertiam.

A. Regum rex Induitur

Purpura regali,

Cultu sed despicitur,

Non honoratur tali

Ad Sextam.

A. Sceptrum arundineum

Manibus gestabat,

Tortor quo virgineum

Caput vulnerabat.

Ad Nonam.

A. In terram flexis genibus

Ut regem adorant,

Colaphizant manibus,

Sputis exhonorant.

In 2. Vesperis.

Ad Magnificat.

A. Tuae rex, Insignia

sacrae passionis ;

Instrumenta dulcia

sint redemptionis.

Crucem, coronam, spineam

devoti veneramur,

Immersam cordi lanceam

cum clavis osculamur ;

Tuae fac participes

Glorificationis,

Quos praestas esse memores

Crucifixionis.