8. De Christo Domino.

1. Agnus et leo, mitis et terribilis
Aquila, vermis, excelsus et humilis.
R . Salvator mundi, Christus, Dei filius,
Nobis ut fiat, precamur propitius.

2. Bonus magister, magnus pastor ovium,
Botrus in ligno portatus in eremum.

3. Coelestis Adam, fons vitae et ostium,
Custos Israel, vigil in perpetuum.

4. Deus et homo, primus et novissimus,
Dilectus Dei patris primogenitus.

5. Emanuelis nuncupatus nomine,
Erectum cornu David sancto semine.

6. Filius Dei, factus ex muliere,

Pactus sub lege praesignato tempore.

7. Gaudium magnum ortum omni populo,
Gentium vitae sola exspectatio.

8. Haeres parentis, per quem fecit saecula,
Hostia sancta, medicus justitiae.

9. In majestate venturus cum angelis
Judicaturus de vivis et mortuis.

10. Kaput corporis totius ecclesiae,
Kaptivitatis redemptor de carcere.

11. Lapis electus, sanctum semen Abrahae,
Lux mundi, magna salus, sol justitiae.

12. Mons domus Dei in vertice montium,
Manus excelsa, dextera et brachium.

13. Natus pro nobis fructus ventris virginis,
Nuntius magni consilii et foederis.

14. Ortus ex alto, visitator hominum,

Ovis in modum ductus ad patibulum.
15. Panis coelestis, sacerdos et victima,

Petra percussa, verbum, sapientia.
16. Qui crucifixus surrexit a mortuis,

Qui interpellat pro nobis in caelis.
17. Rex magnus regum, dominus dominantium,

Regnans in domo Jacob in perpetuum
18. Spiritus vultus nostri, Christus Dominus,

Sub cujus umbra vivimus in gentibus.
19. Thronis et cunctis caelorum virtutibus,

Tribubus, linguis praesides et plebibus.
20. Unigenitus paternae substantiae,

Unctus a patre oleo laetitiae.
21. Xristus, pax nostra, una summa sanctitas,

Xilon aeternae vitae, virtus, veritas.
22. Ymnistae vili vita, resurrectio,

Dominus judex parcat in judicio.
23. Zoes ut claro ditatum denario

Zoton in sancto collocet consortio.