8. De sancto Avito.

In 1. Vesperis.

Ad Magnificat.

Laude digna Deo digni

Aviti praeconia

Recolimus creatori

referentes gratias,

Quo auctore mundi pompa

funditus postposita

Triumphator ad superna

sublimatur gaudia.

In 1. Nocturno.

Antiphonae.

1. Sanctus igitur Avitus

optima prosapia

Oriundus in tellure

fertur Aquitanica.

2. Sed futurus qualis foret

actu et eloquio,

Praemonstratur ejus plane

ortus in articulo.

3. Splendor ejus ingens omne

collustravit thalamum

Nocte, qua enixa fuit

gaudens mater puerum.

Responsoria.

1. Gloriosi confessoris

Aviti praeconia

Haec ad summi laudem regis

attollat ecclesia

V. Virtutesque, quas per illum

gessit, et miracula.

2. Sed quia nobilitatur

plurimum nativitas,

Sancti viri digeratur

et genus et patria,

V. Quo narrandi inde fides

facilis proveniat.

3. Sanctus igitur Avitus

optima prosapia

Oriundus in tellure

fertur Aquitanica,

V. Pugnaturus contra hostis

antiqui versutias.

In 2. Nocturno.

Anfiphonae.

1. Qui renatus sancto fonte

tenerrime colitur

Studiisque literarum

sacrae legis traditur.

2. Hic adultus resistendo

mundi petulantiae

Sese totum mancipabat

caelebs castfmoniae.

3. Jamque sacris exornatus

undique virtutibus

Militare satagebat

Christo solitarius.

Responsoria.

1. Splendor ingens circumquaque

collustravit thalamum

Nocte, mater qua enixa

fuit Dei famulum,

V. Prae fulgore prosternuntur

plures circumstantium.

2. Hic futurus qualis foret

actu et eloquio,

Praemonstravit ejus plane

ortus in articulo,

7. Quo sanctorum dignabatur

futurus collegio.

3. Dum quidam sanctum

per noctem mutus Avitum

Nutibus et crebro

mugito deposceret ignem,

Cum rutilo planam

retulit facis igne loquelam.

V. Collaetare, viro

provecta Neustria tanto,

Cujus ab eloquio

geminato munere pastor

Cum rutilo planam

retulit facis igne loquelam.

In 3. Nocturno.

Antiphonae.

1. Tonsus ergo comam more

clericali habitum

Saeculi calcato luxu

suscepit monasticum.

2. Spiritalis obedire

patris jussis [sedulus]

Nitebatur et divinae

legis jussionibus.

3. Singularis debellare

hostem nefandissimum

Cupiens ad concupitum

convolavit eremum.

Responsoria.

1. Decedente Maximino

patre ab hoc saeculo

In ejusdem subrogatur

Avitus coenobio,

V. Quamvis tali vehementer

obstaret negotio.

2. Erat quidam in eodem

monachus coenobio,

Qui Avitus vocabatur

nomine ex proprio,

V. Quem adsdvit sancto sanctum

Carlileffus socium.

In Laudibus.

Antiphonae.

1. Exornatus tot virtutum

signis et prodigiis

Sanctus vehi ad coetorum

regna jam promeruit.

2. Ejus autem in conspectu

coetos gaudens penetrat,

Cui devotus deservivit

semper in laetitia.

3. Hunc coelestis retributor

vigilantem reperit

Braviumque repromissum

sanctis ei contulit.

4. Unde nostra supernorum

vocibus vox civium

Juncta mundi conditorem

benedicat Dominum.

5. Laus praeclara decoraque

Deo nostro resonet,

Hunc patronum qui tot signis

corruscantem exhibet.

Ad Benedictus.

A. O virum ineffabilem,

Per omnia laudabilem,

Per quem tanta insignia

Miracula rutilant ;

Hic ut nos coeli civibus

Suis adjungat precibus,

Proni rogemus supplices

Regem, qui cuncta possidet.