Acta Apostolicae Sedis - Commentarium Officiale868

LITTERAE APOSTOLICAE

I

Venerabili Dei Servo Stephano Nehmé Beatorum honores decernuntur.

BENEDICTUS PP. XVI

Ad perpetuam rei memoriam. - «Venite ad me, omnes, qui laboratis et

onerati estis, et ego reficiam vos. Tollite iugum meum super vos et discite a

me, quia mitis sum et humilis corde, et invenietis requiem animabus vestris.

Iugum enim meum suave et onus meum leve est » (Mt 11, 28-30).

Hac consolatoria et severa Domini Iesu invitatione spiritualis comprehen-

di potest Venerabilis Servi Dei Stephani Nehmé figura, qui veluti humilis

monachus vixit atque ex oratione suam cotidianam constituit vitalitatem.

Stephanus Nehmé Bu Heikal, in saeculo: Iosephus, anno MDCCCLXXXIX

in parvo vico Libanensi vulgo Lehfed, regionis Jbeil (Caza) est ortus. Ab

infantia altiorem in dies quaerebat cum Deo necessitudinem. Iam anno MCMV

monasterium Ordinis Libanensis Maronitarum ingredi decrevit atque anno

MCMVII sicut monachus conversus perpetua nuncupavit vota. Transiit postea

ad alia monasteria, perfecte moderatoribus oboediens. Apud monasterium

Sanctae Mariae in Maifuq ab anno MCMVIII ad annum MCMXII moratus est;

apud monasterium sancti Antonii in Hub atque apud illud sancti Artemii

in Kattara ab anno MCMXXV ad annum MCMXXVIII. Tandem in monasterium

missus est Beatae Mariae Virginis a Succursu in Gebeil, antiquitus videlicet

Byblos, ubi annis MCMXXX-MCMXXXVIII permansit. Hoc anno in Kfifan re-

versus est, ibique die XXX mensis Augusti anno MCMXXXVIII, pie in Domino

obdormivit. Non obstante varietate monasteriorum, tota eius vita in humili

manuali opere acta est, in strictissima observantia monastica, quae nos ad

origines religionis christianae conducit, ad periodum Patrum Ecclesiae et

monachalis vitae orientalis fundatorum. In Ordine laboravit uti frater in

officiis lignarii et coementarii; atque diligenter agris colendis incubuit. Eius

dimensio monastica signata est altissima ratione christologica atque impensa

votorum observantia ita ut, ad exemplum Christi, exinanitionem assequere-

tur. Totam vitam monastico Maronitarum more duxit, in quo precatio cordis,

simul cum manuum opere et Divina Liturgia, divinam imaginem in nobis