1204 Acta Apostolicae Sedis - Commentarium Officiale

10. Ezechiel Álvaro De La Fuente. In loco vulgo Espinosa de Cerrato die XXI

mensis Maii anno MCMXVII natus, monasterium Sanctae Mariae de Viaceli

uti oblatus ingressus est. Anno MCMXXXIII habitum induit novitii et biduo

post vota temporaria emisit.

11. Eulogius Álvarez López. In vico vulgo Quintana de Fuseros die XXVIII men-

sis Iulii anno MCMXVI natus, monasterium Sanctae Mariae de Viaceli anno

MCMXXX ingressus est. Vota temporaria mense Aprili anno MCMXXXV pro-

fessus est.

12. Benvenutus Mata Ubierna. In loco vulgo Celadilla Sotobrín die XXIV men-

sis Maii anno MCMVIII natus, monasterium Sanctae Mariae de Viaceli in-

gressus est. Vix post novitiatum inceptum interemptus est.

13. Eugenius García Pampliega. In loco vulgo Villagonzalo Pedernales die

XXIII mensis Novembris anno MCMII natus, adulescens tredecim annorum

scholam monasterii Sanctae Mariae de Viaceli ingressus est et, in abba-

tia permanens, mense Aprili anno MCMXXVII presbyteratu est auctus.

14. Vincentius Pastor Garrido. Valentiae in Hispania die XVI mensis Februa-

rii anno MCMV natus, monasterium Sanctae Mariae de Viaceli ingressus

est et mense Martio anno MCMXXIX presbyteratu auctus.

15. Leander Gómez Santamaria. In loco vulgo Ontomín die XIII mensis Martii

anno MCMXV natus, monasterium Sanctae Mariae de Viaceli ingressus est.

Vota temporanea anno MCMXXXV emisit. Apud domicilium privatum Ser-

vus Dei confugit, e quibus latebris erutus, se religiosum esse confessus

est. Quapropter efferate obtusus est ac dein inter dies XXX et XXXI mensis

Decembris anno MCMXXXVI a manipulo armatorum seditiosorum super ve-

hiculum vi impositus ac demum dire trucidatus est.

16. Iosephus Camí Camí. In vico loco Aytona die V mensis Septembris anno

MCMVII natus, sacerdos dioecesanus ordinatus est, sed paulo post, progre-

diente vocatione, petiit, ut monasterium Sanctae Mariae de Viaceli ingre-

di posset, quod vero rei publicae perturbatione flagrante fieri non valuit.

Nocte inter dies XXVII et XXVIII mensis Iulii anno MCMXXXVI interemptus est.

17. Maria Michaëla Baldoví Trull. In oppido vulgo Algemesí die mensis Apri-

lis anno MDCCCLXIX nata, ad monasterium Gratiae Dei La Zaidía prope

Valentiam in Hispania admissa est. Emissa professione religiosa, dein