9. De corona spinea.

In 1. Vesperis.

Antiphonae.

1. Adest nova solemnitas,

Det Deo laudes debitas

Fidelium devotio,

Ut, qui choro psallentium

Dat pro corona gaudium,

Coronam det pro gaudio.

2. Christe, caput ecclesiae,

Qui transfers ad nos hodie

Tui coronam capitis,

Sic exaudi nos, Domine,

Ut In arcto discrimine

Coronemur pro meritis.

3. Judaei, viri, sanguinum

Spinis coronant Dominum,

Aeterni regis aemuli,

Pro nobis Dei filius

Fit hircus emissarius

Ferens peccata populi.

4. Gestat coronam spineam

Vestem habens purpuream

Rex In derisum traditus,

Veneremur opprobrium,

Per quod est salus gentium,

Per quod coelorum aditus.

5. Gallia plaudat canticis,

Rex coeli mittit Gallicis

Signum honoris tropicum,

Hoc delectatur climate,

Qui suo diademate

Regnum coronat Gallicum.

Ad Magnificat.

A. O meriti clari

regio, quae visa fuisti

Digna coronari

sacro diademate Christi,

Redde redemptori

grates meritisque perora,

Ut tanto decori

Deus augeat huic potiora.

Ad Matutinum.

Invitatorium.

Jubilemus hodie

Christo, regi gloriae,

Qui post coronam spineam

Coronam confert auream.

In 1. Nocturno.

Antiphonae.

1. Spineos aculeos

Suffert vir beatus,

Impio judicio

Morte condemnatus.

2. Reges Intelligite,

Reges erudimini,

Novum carmen agite

De corona Domini.

3. Ecce benedictio

Dei super populum,

Cui dat pro solatio

Suae palmae titulum.

Rcsponsoria.

1. Occidentem Illustrat oriens,

Verum solem nobis adjiciens,

Spem vincendi coronam largiens.

V. Visitat rex omnium

Nostram regionem

Et se nobis exhibet

Verum Salomonem.

2. De torrente bibit miseriae,

Exaltavit caput rex gloriae,

Coronatum spinis angustiae.

V. Regnaturos decet angustia,

Ut coronae monet materia.

3. Felix spina, per cujus stimulum

Sanguis exit, qui salvat popu-

lum,

Recolamus agnum anniculum.

V. Hoc rex coeli spinetum hodie

Apud regem deponit Franciae.

In 2. Nocturno.

Antiphonae.

1. Lumen vultus Domini

Super nos signatum

Sertum auget homini,

Nobis commendatum.

2. Confregisti terminos

Nostrae pravitatis,

Scuto coronasti nos

Bonae voluntatis.

3. Hodie laetaberis,

Militans ecclesia,

Pacis coronaberis

Et honoris gloria.

Eesponsoria.

1. De coronis Exodi

Mystice canamus,

Viam nostri commodi

Tropice pangamus,

Quorum fit memoria

Pro coronae gloria.

V. Nova lex praejudicat,

Transierunt vetera,

Spiritus vivificat,

Sed occidit litera.

2. Ut coronam spineam

Caput summi regis,

Mystice sic auream

Habet arca legis;

Arca mens est, azima

Vel fidelis anima;

V. Arca est ecclesia.

Fides est corona,

Cujus aurum gratia

Vel voluntas bona.

3. Ista corona fidei

Decet Christi militem,

Haec fidelis arca Dei

Mentem facit divitem

Divinitus

Auro sancti spiritus.

V. Sit cor tunm arca Dei,

Ut thesaurum tantae rei

Thesaurizes coelitus.

In 3. Nocturno.

Antiphouae.

1. Vir, quem sine macula

Fides coronabit,

Tua tabernacula,

Deus, habitabit.

2. Qui spinarum cuspide

prius cruentatur,

Pretioso lapide

Christus coronatur.

3. Anni suae clementiae

Coronae rex benedicit,

Qui coronis ecclesiae

Suam coronam adjicit.

Responsoria.

1. Altare thymiamatis

Non eget diadematis,

Quod dicitur aureola;

Hoc est sanctorum praemium

Hoc est amoris cremium,

Aromatis areola.

V. Homo sacrificium

Fructuum duplicium

Super Illud Immola.

2. Mensa sacra pagina

De corona gemina

Pulchre coronatur,

Per bas designatur

Firma spes et charitas,

Et super auram claritas

Vere figuratur.

V. Post virtutes habitas

Decet, ut jucunditas

Plena subsequatur.

3. Si virtutum gradus Isti

Te sustollunt, miles Christi,

Te prudenter provehis;

Rex Francorum, gaudeas

Et praemissis studeas

Coronari laureis.

V. Arcam, mensam et altare

Debes In te deportare

Cum coronis aureis.

In Laudibus.

Antiplionae.

1. Sertum, quod Bizantium

Miserat Venetiae,

Post argenti pretium

Recipit rex Franciae.

2. Spina, quae pupugerat

Patientem Dominum,

Poenitentes liberat

A punctura criminum.

3. Regis patientiam

Miles Imitetur,

Et per poenitentiam

Spinis coronetur.

4. Sacerdotes sacerdoti

Summo benedicite,

Et coronae sacrae doli

Nos haeredes subdite.

5. Te laudamus, Jesu bone,

Qui certantes In agone

Confortas ex munere,

Dum livorem das coronae,

Fac ex tua passione

Nos adversa vincere.

Ad Benedictus.

A. Tu Christe, nostrum gaudium,

Adesto nostris precibus,

Qui cum sanctorum millibus

Veniens ad judicium

Apparebis In nubibus,

Da coronae cultoribus

Coronatorum praemium.

In 2. Vesperis.

Ad Magnificat.

A. O rex clementiae,

Salvator omnium,

Sola spes veniae

Post lapsus criminum,

Precamur hodie

Te sanctum Dominum,

Da genti Franciae

Palmam certaminum,

Coronam gloriae

Post vitae terminum.