Acta Benedicti Pp. XVI 869

restituit, in perfecta similitudine dono Gratiae necnon Spiritus Sancti

habitatione in nobis concessa. Biblicam sententiam «Deus me vult » recolens,

die ac nocte coram Ipso adstabat, in communione cum Creatore totaque

creatione, exemplum illustrium monachorum orientalium sequens, altissi-

mum monachi Maronitae desiderium adimplens: nempe in continua oratione

absconditam vitam cum Christo Iesu gerendi.

Sanctitatis signorumque fama Episcopum Botryensem Maronitarum

induxit ut Causam instrueret Beatificationis. Tristes eventus bellici, tum

alterius belli mundialis tum belli civilis in Libano, felicem Causae exitum

protraxerunt. Apparata denique Positione, Congressus Peculiaris Consulto-

rum Theologorum, die II mensis Martii anno MMVII actus, agnovit Servum

Dei virtutes theologales, cardinales iisque adnexas heroicum in modum

exercuisse. Eandem sententiam Patres Cardinales et Episcopi edixerunt in

Sessione Ordinaria die XVI mensis Octobris anno MMVII congregati. Ideo

Nosmet Ipsi Congregationi de Causis Sanctorum facultatem fecimus ut De-

cretum super virtutibus die XVII mensis Decembris anno MMVII promulgaret.

Servatis omnibus iuris legibus, examini subiecta est Congregationis de

Causis Sanctorum Inquisitio dioecesana de mira quadam coniecta sanatione.

Congressus Medicorum die XIV mensis Februarii anno MMVIII iudicavit eam

sub luce scientiae medicae inexplicabilem fuisse. Consultores Theologi, in

Congressu Peculiari die XIV mensis Decembris anno MMIX, sanationem

intercessioni Venerabilis Servi Dei adscripserunt. Patres Cardinales et

Episcopi, in Sessione Ordinaria die XVI mensis Martii anno MMX congregati,

eam verum miraculum iudicaverunt. Nosmet Ipsi denique Congregationi de

Causis Sanctorum facultatem concessimus ut die XXVII mensis Martii anno

MMX Decretum super miro promulgaret. Decrevimus deinde ut Beatificationis

ritus die XXVII mensis Iunii anno MMX in Kfifan (in Libano) perageretur.

Hodie igitur in Kfifan de mandato Nostro Venerabilis Frater Angelus

Amato S.D.B., Archiepiscopus titulo Silensis atque Congregationis de Causis

Sanctorum Praefectus, textum Litterarum Apostolicarum legit, quibus Nos

in Beatorum numerum adscribimus Venerabilem Servum Dei Stephanum

Nehmé: «Nos, vota Suae Beatitudinis Nasrallah Petri S.R.E. Cardinalis Sfeir,

Patriarchae Antiocheni Maronitarum, ac Synodi Maronitae multorumque

christifı̀delium explentes, de Congregationis de Causis Sanctorum consulto,

auctoritate Nostra Apostolica facultatem facimus ut Venerabilis Servus Dei

Stephanus Nehmé, religiosus professus Ordinis Libanensis Maronitarum,

qui vitam monasticam egit in oratione contemplativa opereque manuali