Acta Francisci Pp. 1205

eiusdem monasterii electa est Abbatissa. Ab anno MCMXXVII Serva Dei

translata est, ut in nova fundatione Fontis Salutis in nativo oppido eodem

fungeretur munere. Mense Iulio anno MCMXXXVI manipulus seditiosorum

religiosis iussit, ut monasterium desererent. Serva Dei cum fratribus suis

commorari abiit, sed die XVI insequentis mensis Octobris arrepta est et in

monasterium ducta, quod interdum in carcerem commutatum erat. Ilico

acerbis inquisitionibus cruciatibusque Serva Dei subiecta est ac demum

una cum sorore die IX mensis Novembris anno MCMXXXVI abducta est su-

per viam quae vicum vulgo Banifayó appetit ibique plumbis interfecta

est. Cum diluculo milites Servam Dei adhuc vivere animadvertissent, ca-

put eius proculcaverunt.

18. Maria a Nativitate Medes Ferrís. In oppido vulgo Algemesí die mensis

Decembris anno MDCCCLXXX nata, monasterium Gratiae Dei La Zaidía

prope Valentiam in Hispania ingressa est ibique vota religiosa sollemnia

professa est. Anno MCMXXVII una cum Serva Dei Maria Michaëla Baldoví

Trull in oppidum natale translata est, ut novo monasterio Fontis Salutis

fundando consuleret. Illinc ab armigeris seditiosis pulsa, apud domum

fratris sui confugit, qui alios duos sodales Carmelitas iam acceperat. Tri-

bus cum fratribus suis apprehensa est et in monasterium deducta. Multis

ibi subiecta est cruciatibus, donec demum una cum fratribus tracta est

et, manibus vinculis cohibitis, usque in viam inter vicos vulgo Alcudia et

Carlet nuncupatos, super quam plumbis transfossa est et, variis obtrita

vehiculis, capite pedibusque mutilata occubuit.

Super martyrium primorum XVI Servorum Dei apud Curiam Episco-

palem Santanderiensem et super martyrium duarum Servarum Dei apud

Curiam Archiepiscopalem Valentinam Inquisitiones dioecesanae celebratae

sunt. Decreto Congregationis de Causis Sanctorum associatis causis iuris-

que statutis servatis, Positione confecta, Congressus Peculiaris Consultorum

Theologorum prosperam sententiam quoad martyrium censuit et Patres Car-

dinales et Episcopi in Sessione Ordinaria die xx mensis Ianuarii anno mmxv

habita agnoverunt omnium Servorum Dei mortem verum fuisse martyrium.

Nosmet Ipsi die XXII eiusdem mensis concessimus, ut Congregatio de

Causis Sanctorum Decretum super martyrio promulgaret, atque statuimus

proinde, ut ritus Beatificationis die iii mensis Octobris eodem anno in urbe

Santanderiensi in Hispania perageretur.