11. De sancta Barbara.

In 1. Vesperis.

Antiphonae.

1. Barbara, virgo Dei,

virtute probata trophaei,
Igne flagrans fidei

sacrat hujus festa diei.

2. Virgo fide sana,

de stirpe creata profana,
Gaudia mundana

postponit et idola vana.

3. Carceris horrore

Roseo perfusa cruore,
Lampadis ardore
Patitur cruciata dolore.

4. Ubere truncata,

vestimentis spoliata,
Haec deollata

transcendit regna beata.

5. Barbara morte bona

Vitae redimita corona,
Coelica dans dona,
Nos salves, sancta patrona.

R. Tibi, trinitas beata,

Sit laus omni tempore,
Per quam tria sunt collata

Dona piae Barbarae:
Amor, spes et fides rata,

Quibus pollens prospere
Trinitatem est testata

Ore, corde, opere.
V. Tres hostes tria proelia:
Mundum, carnem, daemonia
Triumphat trina filia.

Ad Magnificat.

A. Ave roris nubecula
Elevata per saecula,

Super nos tu rora,
Sponsi dum capis oscula
In sempiterna saecula,

Pro nobis exora.

Ad Matutinum.

Invitatorium.

Jesum, sponsum Barbarae,
In coelesti jubare
Venite adoremus.

In 1. Nocturno.

Antiphonae.

1. Mirae prolem indolis
Dioscoro natura
Providet, sed idolis
Profanis offert thura.

2. Impensis ac praesidiis

Paternis turris conditur,
Ubi proles insidiis
Virilibus absconditur.

3. Cum fdiae nobilium
Amores pater innuit,
Mox provida conjugium
Se Christo vovens renuit.

Responsoria.

1. Hinc profectus ad extera
Pater turris opera

Mandat architectis,
Virgo descendit Barbara,
Complens et ornans opera

Rebus nondum perfectis ;
V. Ad honorem trinitatis

Jubet Dei nuntia,
Ut fenestris jam paratis

Binis adsit tertia.

2. Ecce, factum laude dignum,
Indelendum crucis signum

Marmoreo in silice
Sponsa Christi benedicta,
Omni morum luce picta,

Sacrato sculpsit pollice ;

V. Laudantes miraculum

Corde sunt compuncti,
Hoc crucis signaculum
Intuentes cuncti.
3. In Barbara spes solida

Sit, si quem dolor ingruit,
Nam salvatori placita

Pede figuram imprimit
In domus suae absida,

Quaemorbos graves reprimit ;
V. Sic probatica piscina
Siloe natatoria
Languidis est medicina
Et pestis purgatoria.

In 2. Nocturno.

Antiphonae.

1. Ubi virgo baptizata

Per spiritum renascitur,
Et baptistam imitata
Melle silvestri pascitur.
2. Alma Dominum induta

Facta fervens Christicola,
Turrim arcis scandit tuta
Patris spuens idola.
3. Lente redit et proponit
De fenestris quaestionem
Pater, quam doctrix exponit
Fidei dans rationem.

Responsoria.

1. Exlex paratus sceleri

Natam tentat occidere,
Incessu virgo celeri

Mox evolat cum marmore,
Sed hanc gregis lanigeri

Pastor non timet prodere ;
V. Vindicat hoc conditor

Puniendo juste,
Nam marmor fit proditor

Ovesque locustae.

2. Patris in prolem flagella
Saeviunt asperrima,
Flagellatam stricta cella
Claudit et asperrima,

Ad judicium vocatur,
Deum verum protestatur,
V. Toto mentis impetu.
Deos detestatur,

Uti gressu spiritus
Quibus denegatur.

3. Caesa diro verbere

Effuso madet sanguine,

Clausa taetro carcere
Resperso gaudet lumine,

Praesentis in examine

Christi praestans solamine;
V. In Christum confidit

Erigens fiduciam,
Taliter elidit

Hostilem versutiam.

In 3. Nocturno.

Antiphonae.

1. Christus fomes pietatis,
Coeli scandit palatia,
Sponsam fovent deitatis
Degustata solatia.

2. De obscuro prodit clara.
Jussu tyranni Barbara
Praeses ait: Diis es cara,
Qui tua sanant vulnera.

3. Fortis respondit femina:
Dii gentium daemonia,
Nulla dant medicamina,
Sed Deus creans omnia.

Responsoria.

1. Praeses, quem furor indurat,
Jubet, ut ardens exurat

Lampas sponsae latera,
Martellis dehinc feritur
Caput et sic experitur
Ardores et verbera,
V. Regem invocans invictum
Flammas sustinet et ictum.

2. Caedis spirans et minarum
Adhuc praeses, vas irarum,
Accensus ad scelera,

In decore puellari
Ferus jubet amputari
Per tortores ubera,
Sed virgo devota
Fide stat immota ;
V. Christus in mente virginis
Est turris fortitudinis.

3. Jussu virgo praesidis

Veste spoliata,
Flagellis a perfidis

Viris agitata,
Christum patrem luminis

Pie deprecata,
Candidi velaminis

Stola est velata ;
V. Victima coelestis

manibus mactata scelestis,
Servet in bis festis

laetos a turbine pestis.

In Laudibus.

Antiphonae.

1. Praeses poenis, fraudibus
Barbaram impugnat,
Virgo fide laudibus
Potenter expugnat.

2. Pater furens perfide
Natam venerandam
Recipit a praeside
De se iugulandam.

3. Ad salutem gentium
Orat virgo Deum,
Pie recolendum

Martyris tropbaeum.

4. Virginis oratio

Christo confirmatur
Et ejus suffragio
Mundo salus datur.

5. A patre occiditar
Filia crudeli,
Et pater consumitur
Totus igne caeli.

Ad Benedictus.

A. Benedictus bellatorum
Dux ab ore viatorum,

A quo manat victoria,
Per quem Barbara suorum
Capit bravium bellorum
Tripudians in gloria.

In 2. Vesperis.
Prosa.

Virgo virens fide fida
Barbara connituit,

El colendum ista solum
Profatur, quo micuit.

Cui fidem spopondisti
Secum ad palatia

Vexit, pro quis sitiisti
Per longaeva spatia.

Te colentes hic in valle
Desperatos ne sine,

Sed hos vecta, ubi caeli
Canunt melos carmine.

Ad Benedictus.

A. Magnificet Dominum
Plebs fidelis hominum

Barbarae pro festis,
Per quam pater luminum
Nos mundos a criminum

Factis inhonestis
Post hunc ducat terminum
Ad gloriam agminum

Patriae coelestis.