10. De sancto Florentio.

In 1. Vesperis.
Antiphonae.

1. Inclitus est praesul

omni venerandus in aevo,
Cuius vita fuit

sine turpi florida naevo,
Quem Cbristus summo

caeli veneratur honore,
Hunc nos in terris

vero veneremur amore
2. In patris exsultet

festis Alsatia tota,
Pro cuius meritis

rutilant miracula nota.
3. Vir, flos Scotorum,

Florentius Hasela venit,
Devotae gentis

ubi mentes dogmate lenit.
4. Mansio siderea

datur his et glorificantur,
Rore sui verbi

sacri quicunque rigantur.
5. Tempore quo validus

Dagobertus regna regebat,
Inter silvestres

vepres eremita manebat,
Hic interdicto

pecudes arcebat agello
Quattuor adfixis

virgis in rure novello.

R. Exigui ruris

varia-dum parte stetere
Bis binae virgae,

non culta ferae tetigere,
Ieiunae fuerant

longaque fame gemuere,
V. Iussis parebant

sanctique metas tenebant.

Ad Magnificat.

A. Venantur famuli

regis per devia lustra,
Quaerentes praedam
sibi per loca plurima frustra,

Agmina non pereunt

canibus condensa ferarum,
Non arcu tingit

tellurem sanguis eurum.

Ad Matutinum.
Invitatorium.

In quo praelustris
confessor floruit iste,

Suppliciter petimus

da nobis gaudia, Christe,

In 1. Nocturno.
Antiphonae.

1. Obiciunt famulo

Christi famuli Dagoberti
Artis opus magicae,

de facto non bene certi.

2. Dum venatores

Christi laesere clientem,
Non sensere Deum

pro sancto mira gerentem.

3. Terra paludosa

caelesti vi spatiosa
Servos vexavit,

facinus vindicta piavit.

Responsoria.

1. Turba fatigata

veniae sibi dona reposcit,
A Christi servo,

sceleris dum devia noscit,
V. Exaudit flentes

clemens peccata fatentes.

2. Ad regem versi

narrant inventi stupentem,
Et quod de sancto

pandunt, audire volentem,
V. Devotum semper,

sanctos et iura colentem.

3. Pro Christi servo

rex mittit equum phaleratum,

Vir sanctus venit
regis linquens equitatum,
V. Assumens asinum

vulgari modo paratum.

In 2. Nocturno.
Antiphonae.

1. Nondum sanctus homo
regalia tecta tenebat,
Regia nata viri

meritis iam sana vigebat.
2. Virgo fuit caeca,

fuit haec ab origine muta.
Vadit inoffensa,

quo gliscit, corpore tuta.
3. Praedicat adventum

sancti sua lingua soluta.
Ore prophetali
praesagia vera locuta.

Responsoria.

1. Hospitis adventum
veneratur curia tota,
Virgo Deum laudat
oculorum nube remota,
V. Magnificant Christi

famulum regalia vota.
2. A radio solis

chlamys, o res mira, pependit,
Palmas, ut chlamydem
caperet, dum nemo tetendit,
V. De sancto testis

fuit aere pendula vestis.
3. Intrans per rimam

fit pertica lux radiosa,
Qua sustentatur
vestis quamvis onerosa,
V. Curia miratur,

dum res tam mira patratur.

In 3. Nocturno.
Antiphonae.

1. Defectum servi

subplevit gratia solis,

Non vicit tenues

atomos oppressio molis.
2. Rerum natura

stupet ob caelestia iura,
Quae fert iustitiae

sol, proles clara Mariae.
3. Vir salvatoris

matri praebebat honoris,
Quidquid oportebat,

qui sacrum pneuma gereba

Responsoria.

1. Cartae perpetuae

sub confirmante libello
Rex concessit ei,

quantum transiret asello,
V. Balnea dum sumeret

et ab his vestitus abiret.
2. Tempore duplato

non iret equus stimulatus,
Quantum transivit
brunelli pes agitatus,
V. Donec rex sumpsit

chirothecas amne rigatas.
3. Argentinensis

praesul Florentius actus
Floruit et dictis

et factis, quem stupefactus
Clerus dilexit

et plebs miracula cernens,
V. Grex pastoris iter

servavit devia spernens.

In Laudibus.
Antiphonae.
1. Patris post obitum

fiunt miracula multa,
Sunt translata Dei

nutu sua membra sepulta.
2. In capsa praesul

iacet hic, ubi manserat ante,
Patris praesentis

suffragia plebe probante.
3. Huc puer adlatus

quasi mortuus est revocatus

In vitam validus

et pastor magnificatus.

4. Sancti reliquiis

prolatis messe adulta
Surgit et imbre dato
redit anni copia multa.

5. Prostravit segetes

autumni vis pluvialis,
Terruit agricolas

maestos violentia talis,
Sancti reliquiis

productis aura serena
Redditur, et votis

respondent horrea plena.

Ad Benedictas.

A. Theca ferebatur,

hostilis pugna quievit,

Quam patris meritis

data caelo pax abolevit;

Ecclesiam theca

prolata tuetur ab igne,

Protegit et thecam
caelestis gratia digne.

In 2. Vesperis.
Ad Magnificat.

A. Ad pacem stabilem

castigas militis acris
Grassantes famulos

meritis, pater inclite, sa-
cris;
Convaluit supplex

herus, periere clientes,
Poena docet regi

regum parere potentes.