Capitulus L

Laudamus.

Quod laudamus uirtutem propter opera et actus; et fortem et cursorem. I X a.

Quod si laudantur dii relati ad nos, erit derisio.

Ibidem, b.

Laus.

Quod laus non est optimorum quorum est felicitas, set maius aliquid et melius.

I X c.

Quod laus est uirtutis et de operibus uirtutis.

Ibidem, e.

Quod laus maior est in dando quam in accipiendo.

IV I d.

Laudabiles.

Quod laudabiles uirtutes dicimus.

I XI g.

Laudabile.

Quod laudabile in quale quid est et in ad aliquid.

I X a.

Lex.

Quod legis latores puniunt operantes male, bona autem operantes honorant.

III IX c.

Quod legis latoris est determinare de uoluntario et inuoluntario. III I a.

Quod leges de omnibus coniectant quantum ad id quod confert omnibus uel optimis.

V II c.

Quod leges non difficile intelligere est.

V XII e.

Quod lex precipit opera omnium, ut opera fortis non derelinquere aciem, et non mechari neque conuiciari. Ibidem, d.

Quod lex precipit uiuere secundum unamquamque uirtutum, et unamquamque maliciam prohibet. V III g.

Quod omnis lex proponit uniuersaliter, set in quibusdam operibus non est possibile aliquid rectum dicere uniuersaliter.

V XIII c.

Quod lex accipit illud quod ut in plus et frequencius recte fit et statuit illud uniuersaliter, tamen non ignorat legis lator quod ex lege sua peccatum accidit si in omnibus uniformiter teneatur; nichilominus lex est recta, quia attendit illud quod in pluribus accidit.

V, ibidem.

Quod secundum legem non sunt omnia facienda, quia de quibusdam non potest poni uniformis lex; et ideo indiget sentencia discernente, in quibus scilicet sit seruanda lex, sicut exemplificat de regula lesbie edificacionis.

Ibidem, e.

Quod quecumque lex non iubet, illa prohibet; puta non iubet lex se ipsum interficere.

V XIV a.

Quod leges ubique fiunt quod de uoluntariis conuencionibus non fiat uindicta ut unus plus cogatur soluere quam promisit.

IX I f.

Quod leges existimant iustius esse quod ille mensuret recompensacionem cui concessum est quam concedens. Ibidem, g.

Lex.

Quod legibus nos indigemus per totam uitam, quia multi necessitati obediunt magis sermoni.

X XIV f.

Quod legis latores uel positores dicunt quidam opportere (prouocare) ad uirtutem quosdam boni gracia per premia que impendunt illis qui obedientes effecti per bonas consuetudines precedentes, et inobedientibus penas dare, (et) insanabiles totaliter exterminare.

Ibidem.

Quod oportet uiuere secundum legem habentem coactiuam uirtutem, ne aliquis agat praua uoluntarie uel inuoluntarie. X XV a.

Quod lex sermo ens a prudencia aliqua et intelligencia coactiuam habet uirtutem.

Ibidem, b.

Quod lex non est onerosa precipiens epyeikes.

Ibidem.

Quod legis latores in sola Lacedemoniorum ciuitate cum paucis curam uidetur fecisse de nutricione puerorum et quibus adinuencionibus uiuat; in aliis autem ciuitatibus neglectum est et uiuit unusquisque ut uult.

Ibidem, c.

Quod sicut leges se habent in ciuitatibus, sic paterni sermones in domibus.

Ibidem, d.

Quod ex quo per leges aliquis bonus fit, si uult aliquos uel multos uel paucos meliores facere, debet fieri legis positiuus; quia non cuiuslibet est disponere bene, set alicuius scientis secundum aliquam disciplinam, sicut cognoscere medicinalia non est nisi medici. Ibidem, g.

Queritur unde et qualiter possit fieri legis positiuus quis. X XVI a.

Quod leges assimulantur politicis operibus.

Ibidem, e.

Quod per legum cognicionem et congregacionem fiunt homines intelligibiliores ad ciuilia et preparaciores quam alii. Ibidem, f.

Legalia.

Quod omnia legalia sunt aliqualiter iusta.

V II c.

Quod legalia sunt que determinata sunt a lege, et unumquodque horum est iustum.

Ibidem.

Quod legalia sunt factiua et conseruatiua felicitatis et particularum ipsius politica communicacione.

Ibidem, d.

Quod legalia sunt quecumque lege ponuntur ab habentibus auctoritatem in singularibus, sicut sacrificare braside. V IX b.

Liberalitas.

Quod liberalitas est circa pecunias medietas.

IV I a.

Quod liberalitas magis est in dando quam in accipiendo. Ibidem, c.

Liberalis.

Quod liberalis laudatur circa dacionem pecuniarum et sumpcionem et magis circa dacionem, et non in bellicis neque in delectabilibus neque in iudiciis. IV I a.

Quod liberalis est qui optime utitur diuiciis circa quas liberalitas existit. Ibidem, c.

Quod liberales dicuntur qui dant magis quam accipiunt. IV I d.

Quod non laudantur multum qui non accipiunt.

Ibidem.

Quod liberales maxime amantur; utiles enim in dacione. Ibidem.

Quod liberales ad pecuniarum emissionem audacter se habent et in periculis bellicis sunt timidi; et ideo circa huiusmodi non est fortitudo.

III XI c.

Quod non est liberalis qui dat quibus non oportet uel non boni gracia, set propter aliam (causam); set habet aliud nomen.

IV I d.

Quod nullus liberalis tristatur de eo quod dat, et quod oportet. Ibidem.

Quod liberalis non accipit unde non oportet, quia omnis talis acceptor honorat pecunias quasi per se expetendas. Ibidem.

Quod liberalis non est petitiuus; non enim est benefacientis beneficiari ab aliis.

Ibidem.

Quod liberalis accipit a propriis possessionibus non ut bonum set ut necessarium, ut habeat dare.

Ibidem.

Quod liberalis procurat bona ut semper possit sufficere ad dandum. Ibidem.

Quod liberalis non dat omnibus, ut habeat dare quibus oportet et quando et ubi bonum.

Ibidem.

Quod liberalis est superhabundanter dare, ita ut relinquat sibi minora, quia eius non est respicere ad se ipsum set ad alios. Ibidem.

Quod liberaliores sunt ad dandum non qui acquisierunt, set qui susceperunt substanciam, quia inexperti indigencie. Ibidem, e.

Quod liberalis non facile ditatur neque acceptiuus neque custoditiuus pecunie, set emissiuus et datiuus, qui non amat pecunias nisi gracia dacionis.

Ibidem.

Quod liberalis non quibus non oportet, neque quod non oportet, neque quecumque alia talia, quia hoc non esset liberalitatis.

Ibidem.

Quod liberalis est qui secundum substanciam expendit et in que oportet (que oportet) et in hoc differt a prodigo qui superhabundat.

Ibidem, f.

Quod liberalis delectabiliter dabit et expendet in que oportet indifferenter in magnis et paruis; et accipit unde oportet et que oportet.

Ibidem, g.

Quod liberalis si expendit aliquid preter optimum tristatur, set moderate. Ibidem.

Quod liberalis est bene communicatiuus in pecuniis et potest bene pati (iniusta) et magis grauatur si non dat quod dandum est quam si dat quod dandum non est. Ibidem.

Quod liberalitas non est mensuranda secundum quantitatem datorum, set secundum substanciam et habitum dantis. IV I d.

Lacones.

Quod lacones non recitabant seruicia que prestiterant Atheniensibus, quia non libenter audissent. IV VI b.

Qui lapidem.

Quod qui lapidem emittit uoluntarie quidem, set non est in uoluntate eius ut resumat; sic est de iusto. III IX g.

Leo.

Quod leo non gaudet uoce bouis, set comestione, quando per uocem sensit quod prope est.

III XIV f.

Lectus.

Quod omnes appetunt lectum, dicit Homerus, iuuenis et crescens. III XV c.

Ligna.

Quod ligna tortuosa dirigentes.

II VII f. (luxuriari)p quod si aliquis luxuriatur causa lucri, non est luxuriosus, set auarus; qui uero multa cum luxuria consumit magis est luxuriosus quam auarus. V III b.

Ludus.

Quod ludus est quedam requies in uita.

IV XI a.

Quod in ludo habundans aliquis uolens omnino risum facere magis quam pulcra et honesta dicere, bomolochus dicitur; set qui nec uult aliquod ludicrum dicere nec delectabiliter audit, agrici et duri dicuntur; qui uero moderate utuntur ludo eutrapeli appellantur.

Ibidem, b.

Quod ludus liberalis differt ab eo qui seruilis et disciplinati et indisciplinati.

Ibidem, c.

Quod ludus et requies necessaria sunt in uita.

Ibidem, g.

Quod ludorum quidam sunt delectabiles qui propter se ipsos queruntur. X IX c.

Quod inconueniens est ponere ludum finem humane uite. Ibidem, e.

Quod gracia ludi studere et laborare insipiens uidetur et ualde puerile. Ibidem.

Quod ludus ordinetur ad studium secundum Anatharsem recte habere uidetur; requiei enim assimulatur ludus. X IX e.