1206 Acta Apostolicae Sedis - Commentarium Officiale

Hodie igitur hac in urbe de mandato Nostro Venerabilis Frater Noster

Angelus S.R.E. Cardinalis Amato, S.D.B., Praefectus Congregationis de Causis

Sanctorum, textum Litterarum Apostolicarum legit, quibus Nos Venerabiles

Servos Dei Pium Heredia et XVII Socios in Beatorum numerum adscribimus:

Nos, vota Fratris Nostri Emmanuelis Sánchez Monge, Episcopi Santan-

deriensis, necnon plurimorum aliorum Fratrum in Episcopatu multorumque

christifìdelium explentes, de Congregationis de Causis Sanctorum consulto,

auctoritate Nostra Apostolica facultatem facimus, ut Venerabiles Servi Dei

Pius Heredia (in saeculo: Iulianus Heredia Zubía) et XVII socii sociaeque,

martyres, ex Ordine Cisterciensium Strictioris Observantiae et e Congregatione

Cisterciensi Sancti Bernardi, qui fìdeles suae vocationi monasticae non timue-

runt terrestrem amittere vitam, ut ad vitam aeternam cum Christo resuscitato

renascerent, Beatorum nomine in posterum appellentur eorumque festum die

quarta mensis Decembris in locis et modis iure statutis quotannis celebrari

possit. In nomine Patris et Filii et Spiritus Sancti.

Quae autem his Litteris decrevimus, nunc et in posterum rata et firma

esse volumus, contrariis quibuslibet rebus minime obstantibus.

Datum Romae, apud Sanctum Petrum, sub anulo Piscatoris, die III mensis

Octobris anno Domini bismillesimo decimo quinto, Pontificatus Nostri tertio.

De mandato Summi Pontificis

Petrus Card. Parolin Secretarius Status

Loco G Plumbi

In Secret. Status tab., n. 66.872