12. De sancto Beato.

In 1. Vesperis.

Ad Magnificat.

A. Funde preces, o Beate,
meritis et nomine,
Pro nobis, natale tuum
qui paramus colere.

Ad Matutinum.
Invitatorium.

Regi sanctorum

referamus munera laudum,
Qui sublimavit

sanctum super astra Beatum.

In 1. Nocturno.

Antiphonae.

1. Principis apostolorum
doctorisque gentium
Praedicatione Roma
credidit in Dominum.

2. Tunc direxit sanctus Petrus
quosdam ex nobilibus
Huc illucque verbum vitae
praedicare gentibus.

3. Ex illis unus Beatus
nuncupatus exstitit,
Dignitate morum pollens
atque sacerdotii.

4. Servos, quos secum habebat,
libertati tradidit
Praeter unam, quem viarum
comitem retinuit.

5. Huic saepe versa vice
serviebat adeo,
Ut detraheret ab ejus
pedibus calceolos.

6. Hinc non uno stare loco
patiens diutius
Ad Nanneticani pervenit
urbem expeditius.

Responsoria.

1. Hic pro Deo distributa

facultate propria
Velut pauper et mendicus

adiit Aquitaniam,
V. Ut nobilitatis suae

declinaret gloriam.

2. In eundo verbis pluens,
corruscans miraculis
Per fidem multos gentiles
jungebat Christicolis,

V. Peregrinus namque mundi,
spiritu peragilis.

3. Cumque plurimis doctrinae
ministraret semina,
Non ab illis capiebat
corporis solatia,
V. Manuum labore vivens
lege eremitica.

In 2. Nocturno.

Antiphonae.

1. Et cum quaereret secreti
locum habitaculi,
In Vindocinensi pago
aptum esse didicit.

2. Illuc partim navigando,
partim pede properans
Homo Dei tandem venit
cum magna laetitia.

3. Illum locum habitabat

serpens multum pestifer,
Armis precum servus Christi
quem fugavit gnaviter.

Respousoria.

1. In Nannetis civitate

quam paucos fidelium
Invenit sanctus Beatus,

plurimos gentilium,
V. Ovibus Christi diversis

modis adversantium.
2. Affluente tunc doctrina

satians Christicolas
Imbuebat vera fide

paganorum animas,
V. Praedicationem suam

firmans per miracula.
3. Tunc coepit desiderare

vitam solitariam,
Ut soli Deo vacaret

mente devotissima,
V. Nam humana cupiebat

vitare consortia.

In 3, Nocturno.

Responsoria.

1. Post munitus signo crucis,
constans et intrepidus,
Antrum cryptae nemorosae
desuper ingreditur,
V. Prope Ledum flumen situm,

rotundum interius.
2. Hoc in antro vitam egit
extunc solitariam,
Quam sollicitus per multum
temporis optaverat,
V. Evitata populari

gaudens illam inchoat.

3. Deinceps non evoluto

diuturno tempore
Circum circa coepit ejus

dextra fama crescere,
V. Cujus meritis serpente

se protectos credere.

In Laudibus.

Antiphonae.

1. Postquam est ingressus cryp-
tam
venerandus presbyter,
Corpus proprium tractare
coepit satis duriter.
2. Victus ejus herbae, radix
et aqua, post triduum
Raro panis sumebatur
ob solemne gaudium.
3. Urebatur sancta caro
aspero cilicio,
Acsi multa punienda
perpetrasset sedulo.
4. Totam fere noctem orans
ducebat pervigilem
Vixque modicam soporis
admittebat requiem.

5. Ad decrepitam aetatem
usque vixit taliter,
In qua vitam commutavit
Febre tactus leviter.

Ad Benedictus.

A. Huic sancto morienti
agmen coeli adfuit
Animamque duxit ejus
cum hymnis et canticis.

In 2. Vesperis.

Ad Magnificat.

A. Cumque corpus ejus esset
sepulturae traditum,
Receperunt illic multi
sanitatem corporum.