11a. De sancto Floriano.

In 1. Vesperis.
Super Psalmos.

A. Incliti militis tui,
Christe, nos Floriani
Precatibus a peccatis
Emunda

Et beata meritorum
Nos fruge pietatis
Tuae largo rore fecunda
Et tandem perduc ad atria
Caelorum iucunda.

Ad Magnificat.

A. O florem Eden purpureum,
Beatissimum Florianum,
Qui saeculi militiam
In vitae commutans innocentiam
Ad martyrii agonem
Per fidei properat confes-
sionem;

Pro Christo laetus occubuit
Regnumque supernum obtinuit,
Cuius meritis in caelis
Commendemur et in terris.

Ad Matutinum.
Invitatorium.

Florem, quo floret

Florianus, mundus adoret,
Ipsi laude pia

iubilando frequens Alleluia.

In 1. Nocturno.
Antiphona.

In Floriano latuit
Sub militari chlamyde
Christi tiro, qui patuit,
Dum pugnam petit avide.

Responsoria.

1. Cordis ac vocis organo
Pangamus laudes Floriano,
Qui te in suo sanguine
Glorificavit, Domine.

V. Ipsius meritis

nobis, Deus, annue mitis.

2. Cum tyranni deservirent
Et Christi servos punirent
Hic vir adivit inclitus
Urbem Lauriacum imperter-
ritus.

V. Nam praeses Aquilinus fidem
Veram fassos mactavit ibidem.

3. Sub ea tempestate,
Quae Diocletiani feritate
Navim ecclesiae exagitabat,
Beatus Florianus
In habitu militari Christianus
Exemplum se constantiae
Fidelibus praestabat,
Dum ad martyrii
Coronam festinabat.
Y. Inundatione facta
Illisum est flumen illi
Et non potuit eum movere.

In 2. Nocturno.
Antiphona.

Ingerebat ultroneus
Se pugnae vir idoneus
Nec hostem Christi tremuit,
Qui Lauriaci fremuit.

Responsoria.

1. Martyr venerandus
Dum se commilitonibus
Christi fatetur supplicem
Mox ducitur ad (saevum)
iudicem,

V. Sed nec blandimentis
Separari a recta fide
Quivit neque tormentis.

2. Tortores sanctum verberant
Eis flagro crudeli

Et scapulas lacerant
Ungulis ferreis fideli,
Y. Constans suppliciis vir Dei
Obposuit clipeos fidei.

3. Ad pontem igitur

Anesi fluminis
Iussu perducitur

Aquilini praesidis,
Unde facta oratione

praecipitatur,
Sed ab unda super

lapidem reclinatur,
Ubi ab aquila corpus eius

expansis alis servatur.
V. ''Cum ceciderit iustus, non
collidetur, quia Dominus sub-
ponet manum suam.''

In 3. Nocturno.
Antiphona.

Studiis dum crudelibus
Caeditur a tortoribus,
Gaudet sicut ad epulas
Ferro frangente scapulas.

Responsoria.

1. Vere fecundum palmitem,
Qui per Christum, veram vitem,
Se tulisse fructum multum
Revelavit, dum sepultum
Iumentum vectans lassatur
Et novo fonte potatur.

V. In Domino hoc facium claret.
Dum ad haec tempora
Manans nunquam aret.

2. Se quia Valeriae

monstrarat martyr human-
dum,
Conditur, hunc diem

virtutes dant venerandum,
V. Infirmi siquidem

varii curantur ibidem.
3. Beate martyr Floriane,

Dominum pro nobis deprecare,

Ut relaxet mala,

quae commisimus,
Ac donet bona,

quae speramus,
Sola pietate paterna,
Qua mortalibus

largitur aeterna.
V. Quid enim oremus,

sicut oportet, nescimus,
Sed ipse spiritus

postulet pro nobis.

In Laudibus.

Antiphonae.

1. Sanctus in flumen dum iacta-
tur,
Praecipitator excaecatur,
Artus in petra ponunt nobiles
Elationes fluctus mirabiles.

2. Iubilemus dulcisone
Tibi, Christe Iesu,

redemptor bone,
Cuius portas in confessione
Intravit martyr

cum exsultatione.

3. Alarum in velamento
Multo fatigata tormento,
Exsultans caro requiescit
Nec poenas ultro pavescit.

4. Benedicit Deo vivo

Terra, dum novi fontis rivo
Fovet animalia
Sanctum ducentia.

5. Exsultemus in rege,
Qui pietatis lege
Optatam dat

salutem populo
Adpropinquanti

martyris sui tumulo.

Ad Benedictus.

A. Dum aeternae diei
aurora illuxerit,

Dum tuba

novissima sonuerit,
Praeclare martyr Floriane,
Nos digneris adiuvare,
Ut gratia

solis iustitiae
Sanctorum perfruamur

splendore.

Per Horas.

Ad Primam.

A Sanctus Florianus,

Egregius martyr Christi,
Data super se

sententia mortis
Gaudens et exsultans

ibat ad mortem,
Quia ad vitam credidit

pervenire aeternam.

Ad Tertiam.

A. Sanctus vir Florianus,
Martyr Domini,
Qui pro amore Christi
Sanguinem suum fudit,
Beatus miles Christi
Gaudet in caelestibus.

Ad Sextam.

A. Aquila venit

iussu divino,
Quae protexit corpus

sancti Floriani,
Non venit ad devorandum,
Sed venit ad conservandum.

Ad Nonam.

A. Floriane, Dei miles,

Mundi vincens aciem,

Pelle machinas hostiles,
Culpae solve glaciem

Et per actus nos heriles
Duc ad Cbristi faciem

In 2. Vesp eris.

Ad Magnificat.

A. Ad vesperam vitae mortalis,
Quae lucescit

in requiem sanctis
Ad finem cursus

stadii praesentis,

Dum bravium accipit

Dei miserentis,
Beatus Florianus

nobis tarde currentibus
Tamen fide,

spe tendentibus,
Ad regnum perveniamus

sempiternum,
Succurrat nunc et in aeternum.