Quinquagena I.

1. O primum principium

Omnium et causa,
Da felix initium

Aperique clausa,
Nostrumque servitium

Per te ipsum causa
Et per beneficium

Semper in nos pausa.

2. O sapientifica

Patris tu sophia,
Quam omnis angelica

Laudat hierarchia,
Te nobis theotoca

Genuit Maria,
Ducas nos ad caelica

Hac finita via.

3. O intellegibile

Lumen trinitatis,
Praestans te amabile

Igne caritatis,
Sis inexpugnabile

Scutum trinitatis
A malignis frivole

Nimisque gravatis.

4. O magnificentia

Sanctae trinitatis,
Tuis beneficia

Multa praestans gratis.
Audiat benignitas

Tuae pietatis
Conscripta sequentia

Stilo veritatis.

5. Verbum non dicibile

Ni patri aeterno,
At intellegibile

Oculo interno,
O lumen amabile,

Tibi me substerno
Et omne culpabile

Propter te nunc sperno.

6. Lux, cuius essentia

Splendet ab aeterno,
Fidei quam gratia

A remotis cerno,
Te pro indulgentia

Petens me prosterno,
Ne pro pertinacia

Tradas me inferno.

7. Amans et amabilis

Nexus utriusque,
Es superlaudabilis

Nobis utrobique,
Satan nos cum aemulis

Molestat inique,
Tuis adminiculis

Succurras ubique.

8. Bonitas thearchica,

Simplex in natura,
Quam laudat theotoca,

Virgo semper pura,
Ita et angelica

Felix creatura,
Plebs ecclesiastica

Sit in tua cura.

9. O desiderabilis

Cunctis summe Deus,
Quem insatiabilis

Cupit amor meus,
En, me exsecrabilis

Angit Iebusaeus
Nec non invisibilis

Stygis Philistaeus.

10. O summa munditia

Sanctae trinitatis,
Glorians potentia

Tuae maiestatis,
Emunda flagitia

Meae foeditatis,
Per quam ab infantia

Sordeo peccatis.

11. O intransmutabilis

Divina natura,
Quae es informabilis

Simplici figura,
Sed semper amabilis

Ab omni factura,
Sit de nobis famulis

Tuis tibi cura.

12. Lux, cuius micamine

Cetera videntur,
Ut de tuo lumine

Post illuminentur,
Daemones cum agmine

Suo effugentur,
Iusti consolamine

Tuo consolentur.

13. O intellegibile

Lumen trinitatis,
Vere venerabilis

Illis praedicatis,
Cor meum flexibile

Tuis fac mandatis,
Nunc abominabile

Multis pro peccatis.

14. O inaugmentabilis

Deus sed perfecte,
Neque minorabilis
Unquam circumspecte,

Munda me a maculis
Omnibus, dilecte,

Caeli tabernaculis
Invehas ut recte.

15. Virtus, quam angelica

Collaudat caterva,
Sed a te satanica

Gens fugit proterva,
Nos a vi phantastica

Ipsius conserva
Et in domo caelica

Tibi coacerva.

16. O supermirabilis

Bonitas divina
Et intellegibilis

Mente columbina,
Serves a periculis

Mentisque ruina
Et finitis saeculis

Tibi nos combina.

17. Causa summa omnium,

Causa singularis,
Qui creator entium

Iuste praedicaris,
Tui desiderium

Nobis largiaris,
A quibus per canticum

Illud collaudans.

18. Summa sapientia

Miros dans fulgores,
Replentes scientia

Tuos laudatores,
Pura conscientia

Fac nos amatores
Tuos in iustitia

Et imitatores.

19. O summa dilectio

Nostri salutaris,
Tuorum refectio

Vere singularis,
Me cum contubernio

Meo tuearis
A malo consortio

Et canibus amaris.

20. Occulta divinitas

Nostrae rationi,
Quamvis te aperias

Contemplationi,
Quaeso, me subicias

Tuae ditioni,
Ad poenas tartareas

Ne cogar exponi.

21. O mira clementia
Nostri salvatoris,
Excolenda latria

. Nobis cunctis horis,
Qui crucis supplicia

Affectu amoris
Tulit propter vitia
Vilis peccatoris.

22. O inenarrabilis

Fons deliciarum,
Praestans tuis famulis

Dona gratiarum,
Meae mentis oculis

Iustilla vel parum,
Ut possim a vinculis

Absolvi culparum.

23. Fundator mirificae

Universitatis,
Quam ornas mirifice

Natura ac datis,
Qua praestat angelicae

Virtus claritatis,
Te laudans magnifice

Fontem bonitatis.

24. O summa suavitas

Dulcia irrorans,
Quae infert adversitas,

Devotis dulcorans
Auferas versutias

Hostis, rogo plorans,
Culpasque praeteritas,

Feci quas ignorans.

25. Virtus ineffabilis,
Omnibus ignota,
Tamen contemplabilis
Anima devota,

Mea sit a maculis
Culpae per te lota

Et a cunctis scandalis
Penitus remota.

26. Lumen invisibile

Visu corporali,
Tamen attingibile

Intellectuali,
Cor abominabile

Meum prae mortali
Culpa fac aptabile

Pro vita legali.

27. Deus impalpabilis

Tactu manuali
Neque figurabilis

Conceptu mentali,
Oculo visibilis

Intellectuali,
Coniunge nos angelis

In die finali.

28. Trinitas, principiam

Omnis hierarchiae
Supernorum civium

Nec non huius viae,
Duc nos per suffragium

Beatae Mariae
Tuum ad consortium

In extremo die.

29. Virtus potentifica

Summi creatoris,
Quam collaudant cantica

In caelorum foris,
Hymnos hos ratifica

Tui laudatoris
Ipsumque salvifica

In extremis horis.

30. O miram dulcedinem

Summae bonitatis,
Suam ad imaginem

Nos formantis gratis,
Duc nos ad indaginem

Tuae veritatis,
Ad videndum faciem

Tuae maiestatis.

81. Iesu sapientia

Patris ab aeterno,
Quem intelligentia

Animae nunc cerno,
Te pro indulgentia

Petens me prosterno,
Ideo praesentia

Propter te nunc sperno.

32. Opifex deifice

Omnis existentis
Per verbum mirifice

A te procedentis,
Exaudi mirifice

Preces te petentis
Et in se iuridice

Culpas punientis.

33. Bonitas thearchica

Omnis bonitatis,
Causa, quam hierarchica

Laudant praedicatis,
Fonte nos imbrifica

Tuae caritatis,
Auferens phantastica

Cuncta cum peccatis.

34. O causa efficiens

Omnis creaturae,
Ut fert auctor sapiens

Veteris scripturae,
En, me leo rugiens,

Ovem tuae curae,
Molestat percutiens,

Adesto mature.

35. O lumen deificum,

Lumen singulare,
Potens et angelicum

Coetum illustrare,
Digneris et lubricum

Me illuminare,
Impetum ut hosticum

Queam declinare.

36. O conectens unitas
Universitatem,
Stringens singularitas
Multiplicitatem,

Tua pellat bonitas
Meam pravitatem

Ac me plene instruas
Morum honestatem.

37. O bonum mirabile,

A quo cuncta bona,
Et communicabile

Es per tua dona,
Onus detestabile,

Precor, in me sana
Onusque portabile

Tuum mihi dona.

38. Trinitas, quae omnium

Rerum es creatrix
Et ita substantium

Substantificatrix,
Tuorum fidelium

Culpae sis purgatrix,
Ad aeternum gaudium

Tandem sublevatrix.

39. O Dei dignatio,

Quis digne mirari
Potest, quod plasmatio

Tua in altari
Te sacrat, cibatio

Modo salutari
Fias ex indicio

Tractus singulari.

40. Causa substantifica

Rerum creatarum,
Olim potentifica

Vi a te factarum,
Absolve angelica

Manu animarum,
Luctum purgatoria

Poena detentarum.

41. Fons o sapientiae,

Pater summe Deus,
Concupiscit anxie

Quem nunc amor meus,
En, me turbat varie

Stygis Philistaeus
Carnisque lasciviae

Sive Iebusaeus.

42. Lumen invisibile,

Ab aeterno lucens,
Te participabile

Omni rei praebens,
Cor abominabile

Meum culpis foetens
Fac tui capabile

Et amore fervens.
43. Deus aeternaliter

Magnus, pulcher, fortis,
Redolens suaviter

Mentium in hortis,
Consolare dulciter

Nos in hora mortis,
Faciens feliciter

Fore tuae sortis,

44. O pulchrum pulchrificans

Formas specierum
Illasque specificans

Mora sex dierum,
Esto me rectificans

Per amorem verum,
Ne per actum cespitans

Errem insincerum.
45. O virtus mirabilis,

Virtus infinita,
Nobis invisibilis

Exstans in hac vita,
Laudantes te titulis

Mente expedita
In fine cum angelis

Ad caelos invita.

46. Iesu admirabilis
Unipersonatus,
Sed duobus vinculis
Es binaturatus,

Nec multiplicabilis,

Trisubstantiatus,
Te laudat cum angelis

Mundi principatus.
47. Praeclara divinitas,

Cunctis praedicanda
Ac per laudes debitas

Semper veneranda,
Sed tua infinitas

Nobis admiranda
Non per artes aliquas

Est investiganda.

48. Gloriosa trinitas,

Regnans ab aeterno,
Tibi agens gratias

Mente me prosterno,
Propter te delicias

Huius mundi sperno
Et tu me custodias

Semper ab inferno.

49. O deificatio

Deificatorum,
O summa simplicitas

Simplificatorum,
Tu vera unitio

Tibi unitorum,
Certa revelatio

Tu es occultorum.

50. Finis et principium

Deus omnis rei,
Eius seminarium

Dans effigiei
Te per patrocinium

Rogo matris Dei,
Plangens scelus varium:

Miserere mei.