Acta Benedicti Pp. XVI 871

Modiciae anno MDCCCLXXV a Matre Maria Mathilde Bucchi, Fundatrice Soro-

rum a Pretiosissimo Sanguine. Illis in annis educationis et cogitationis, sub

moderamine patris Caesaris Maggioni, ex Congregatione Missionariorum

Oblatorum de Rho, Alfonsa suam percepit vocationem atque petivit ut in

novam posset ingredi Congregationem. Accepto Diplomate gradus superioris,

ut iuvamen daret suae frequenti familiae, quattuor per annos in Schola

Municipii Lainate docuit, praestituto tamen die ingrediendi in Novitiatum,

nempe XV mensis Augusti anno MDCCCLXXXIII. Perpetuis nuncupatis votis,

concreditum est ei munus docendi et, postea, moderandi Collegium Modiciae,

a multis frequentatum puellis et satis in urbe aestimatum. In Capitulo anno

MCMIII consiliaria electa, Venerabilis Serva Dei missionem maximi momenti

implevit ut consororibus animum adderet et abrogationem vel scissionem

iuvenis Congregationis, ob gravem oeconomicam condicionem, vitaret.

Consilium sibi accipiens transeundi ad infantes auribus captos vel infirmos

sequendos, fortiter ac sapienter Congregationis charisma defendit, educatio-

nem videlicet iuvenum in Schola. Difficultates Congregationis induxerunt

eam ut venum daret scholam quandam nuper constructam, et novum Col-

legium venit in possessionem Municipii ob exiguam taxationem, ita ut sorores

secedere debuerint in vetus aedificium vulgo La Pallazzola appellatum. Hic

magno abnegationis spiritu opus exercuerunt in perficiendis vestimentis die

ac nocte et, paucos per annos, debita solverunt, diligentius oraverunt et

sperare coeperunt, animum accipientes a lectione fidei quam soror Alfonsa

ex eo eventu reppererat. Voluntas Dei per inopinatam patuit viam: Archie-

piscopus Vercellensis, Theodorus Valfré de Bonzo, Sorores a Pretiosissimo

Sanguine arcessivit ad Institutum «Providentia », anno MDCCCLX a canonico

Salvatore Montagnini conditum ad educationem curandam filiarum Modicia-

narum aliarumque indigentium. Soror Alfonsa ibi cum duabus consororibus

die XX mensis Novembris anno MCMXI illuc pervenit. Agebatur omnino de alio

operis gradu: de transitu videlicet ab Instituto pro formandis puellis classis

mediae et altae ad Institutum pro educatione technica (opera feminina) pro

puellis pauperibus, septuaginta inter VI ad XX aetatis annos. Optime est

ingressa ibique quasi XX mansit annos, cum materna agens sollicitudine,

nullam rem quaerens et omnia accipiens, optimam nempe alumnarum edu-

cationem, unitatem mentis cum veteribus adstantibus cumque Consilio ad-

ministrationis, concordiam cum Archiepiscopo et sacerdotibus educatoribus.

Fons huius harmoniae non tantum ex eius praeparatione paedagogica, verum

etiam ex eius constanti oritur attentione ut ponat ante omnia caritatem.