11 b. De sancto floriano.

In 1. Vesperis.
Ad Magnificat.

A. Palma digne triumphali,
Veni, martyr, lauream
Flore rosa saginatam
Et candore dealbatam
Primam stolam accipe,
Advocatum te caelorum
Incessanter angelorum
Concentus magnificat.

Ad Matutinum.
Invitatorium.

Regi regum iucundemur,
Floriano gratulemur;
Te beatum dicimus,
Tibi laeti canimus.

In 1. Nocturno.
Antiphona.

Hic vana terrae gaudia
Et luculenta praedia,
Patrem linquens cum patria
Norica petit limina.

Responsoria.

1. Funditur insontium
Sanguis a profanis,
Aquilini rabie,

Praesidis immanis,
Caedes et exitium
Instat Christianis.
V. Saevit ripensis Norica,
Enses intentat, vincula
Vera fide sanis.

2. Optans fore socius

Gloria victorum,

Se iungit intrepide

Turbae impiorum:
Vestro me adducite
Regi iniquorum.
V. Deo meo servio,
Nulla miles timeo
Flagra tormentorum.

3. Mox ut vinctum tradidit
Miles Aquilino:
Praeses, inquit animo
Plus quam heroino,
Scito, palam numini
Servio divino;
V. Iovem tuum abnego,
Tura diis respuo,
Deo vivo trino.

In 2. Nocturno.

Antiphona.

Ubi sensit Florianum
Obfirmari Christianum,

Sprevit plenus furia,
Mandat flagris cruciari
Dire carnem lacerari

Crudeli sententia.

Responsoria.

1. Cum staret immobilis
tentus blandimentis,
Castigantur verbere
artus innocentis,
Repetitis scapula

languent in tormentis;
V. Sed incassum omnia,
Nec vicere verbera
Fidem confitentis.

2. Dira tandem sententia
praeses imperavit
Imo mergi flumine,

non tamen expavit,
Velut ad tripudium
gaudens properavit;
V. Sed ira Dei propere
Capto tortorum lumine
Ex alto vindicavit.
3. Tam sacra membra tangere
illisum tumet flumen
Et prominentis petrae

mox tollit in cacumen,
Qua tutelari aquila
caeleste servat numen;
V. In somnis mira monita,
Ut tollat haec, Valeria
Divinum ante lumen.

In 3. Nocturno.
Antiphona.

Dum ad locum passionis
Ducit eum dux agonis,
Florem suae iuventutis
parvipendet spe salutis.

Responsoria.

1. Quadriga corpus celeri
vectatur ad humandum,
Anhelo vivus pecori

fons scatet ad potandum,
Fons multiformis gratiae,
subsidium mirandum,
V. Unde signorum claritas
Gentes traxit barbaras
Ad undam venerandum.

2. Si quaeris miracula,
fideles et profani
Petunt et accipiunt
et spe non inani,
Omnes una pariter
ope fiunt sani;
V. Tabes, lepra fugiunt,
Narrent hi, qui sentiunt,
Dicant oppidani.

In Laudibus.

Antiphonae.

1. Sanctus per martyrium
Supra petram Domini

Positus perstabit,
Quem maris elatio,
Fluctus seu vox fluminum

Ultra non turbabit.

2. Laetus tuo iubilat
In conspectu, Domine,
Quod iam introivit
Portas tuas et atria,
Vectes cum laetitia
Ferreos contrivit.

3. Totus in te sitiens,
In tormentis gestiens

Ad te vigilavi,
Inter os loquentium
Iniqua et negantium

Deum te laudavi.

4. Caeli, terrae, fluminum
Benedicant Dominum
Cunctae creaturae,

Qui tot signis martyrum
Fidem auget hominum
Salutis profuturae.
5. Cantate novum canticum,
Exsurge, tuba et organum,

Magnifica virtutem,
Quam sancti sui tumulo
Adpropinquanti populo
Dat Deus in salutem.
Ad Benedictus.
A. Gaude, ripensis Norica,
In te visitavit

Plebem suam Dominus,
Te prae multis finibus

Fecundam ornavit,
Signis tot irriguam

Terram adaquavit;
Et tu, magne martyr Dei,
Tota salus nostrae spei,

Te vocantes aspice,
Tuo precum interventu
Angelorum nos concentu

Congaudere effice.