Quinquagena II.

51. O diva essentia,

Summe singularis,
Quae omnipotentia

Iuste gloriaris,
Nobis ex clementia

Dona largiaris,
Pravorum malitia

Quae exacerbans.

52. Lux de luce prodiens

In aeternitate,
Creata circuiens

Tua claritate,
Esto me erudiens

Tua pietate,
Ne factus insipiens

Culpis cadam a te.

53. Nomen admirabile,

Nomen summi boni,
Quod nec est effabile

Nec potest exponi,
Attamen amabile

Meae rationi
Atque venerabile

Omni nationi.

54. Summa dominatio

Maiestatis trinae,
Quae semper initio

Cares atque fine,
Salva patrocinio

Caeli nos reginae
Ab aeterno crucio

Stygis officinae.

55. Vita nobilissima

Omnium vitarum
Manu potentissima

A te creatarum,
Me vel stilla minima

Pota gratiarum,
Quem crepido pessima

Deprimit culparum.

5G. Vita, cuius omnibus

Praesidet maiestas,
Vivere viventibus

Quae clementer praestas,
Tua diris hostibus

Resistat potestas,
Quibus nostris mentibus

Oritur tempestas.

57. Trinitas substantium

Substantificatrix,
Mentium debilium

Et refocillatrix,
Nostrorum et cordium

Sis illuminatrix,
Quae caecat per odium

Infernalis natrix.

58. Virtus virtutifica

Virtusque divina,
Qua caeli mirifica
Gaudet officina,

Precor, me fortifica
Servans a ruina,

Ne me premat bostica
Fraus vel Sataniua.

59. O magnificentia

Sanctae Trinitatis,
Creans exsistentia

Universitatis,
Corda paenitentia

Suis a peccatis
Consolare gratia

Tuae pietatis.

60. Rex regum et Dominus

Tu es dominorum,
Dictus nihilominus

Et Deus deorum,
Hymnum tibi promimus,

O sancte sanctorum,
Ut nos iungas coetibus

Per te beandorum.

61. O pater cunctipotens,

Omnium creator,
O tu Iesu oriens,

Hominum salvator,
Amor ab his prodiens,

Pie consolator,
Me tibi subiciens

Prosterno peccator.

62. O summa divinitas

In personis trina,
Sed tamen simplicitas

Permanet divina,
Sit amicabilitas

In me columbina,
Per te ne dolositas

Me fallat vulpina.

63. Vera pax, quam omnia

Appetunt creata
Simul habitantia

Sive disgregata,
Corda discordantia

Facito paccata
Et nobis contraria

Per te sint ablata.

64. O fontana claritas

Almae trinitatis,
A qua fluit bonitas

Universitatis,
Nos abunde repleas

Gratiarum aquis,
Quos indurat siccitas

Magnae pravitatis.

65. Ens desiderabile

A tibi devotis,
Sed inattingibile

A fide remotis,
Nobis venerabile

Nisibus ex totis
Atque praedicabile

Gentibus ignotis.

66. Luminis essentia,

Trinitas beata,
Qua lucent lucentia

Ex vi per te data,
A nobis nocentia

Aufer et peccata,
Uti conscientia

Fiat serenata.

67. O sancte paraclite,

Nam es consolator
Te quaerentis debite

Veluti peccator,
Mentis meae perditae

Esto restaurator,
Replens hanc charismate

Pius ut amator.

68. O indissolubilis
Amor deitatis
Et desiderabilis

Omnibus creatis,
Solve nos a vinculis
Mentis et peccatis
Dirigeque regulis
Tuae veritatis.

69. O beata Trinitas,

Vigor omnis esse,
Cuius gliscit pietas
Omnibus prodesse,

Nos trahit mortalitas
Ad mori necesse,

Tua tunc benignitas
Dignetur adesse.

70. Deus virtus, omnibus

Largiens virtutem,
Perdidi sceleribus

Meam iuventutem,
Per te festinantius

Vitia refutem,
Nam attingam citius

Tristem senectutem.

71. Deus potens artifex

Omnis monarchiae,
Qui laudaris velut rex

Cultu symphoniae,
Te precatur noster grex

Voto mentis piae,
Ne damnetur velut faex

In extremo die.

72. O communicabile

Bonum omnis rei,
Esse figurabile

Largiendo ei,
Antrum despicabile,

Quaeso, cordis mei
Tibi habitabile

Fac, o virtus Dei.

73. Amor divinissime,

Amor devotorum,
Te laudantum intime

Devotariorum,
Tu clementer supprime

Poenas defunctorum,
Et solutos imprime

Coetui sanctorum.

74. Iesu supersapiens

Patrisque sophia,
Quem flatu concipiens

Genuit Maria,
Te ipso reficiens

Esto me in via,
Qui sum iam deficiens

Mentis dyscrasia.

75. O primum principium

Temporis et aevi,
Quod per hoc servitium

Colere decrevi,
In quo per solacium

Mente requievi
Et hostis obsequium

Declinavi saevi.

76. Ens desiderabile

Cordi te quaerenti
Et superamabile

Amorosae menti,
Multum admirabile

Te inspicienti,
Superdelectabile

In te quiescenti.

77. Sacra ignorantia

Sempiterni Dei,
Vere es prasentia

Intellectus mei,
Quem non abundantia

Cuiuscunque rei
Satiat, sed gratia

Tuae faciei.

78. Deus, existentium

Omnium origo,
En, me multa scelerum

Inquinat uligo,
Unde paenitentium

More me adfligo
Tuumque vestigium

Fletu mentis rigo.

79. O Iesu, rex gloriae,

Domine virtutum,
Purgans mundum varie

Peccatis pollutum,
Dono me scientiae

Facito imbutum,
Uti mentis acie

Declinem versutum.

80. O Deum mirabilem,
Deum venerandum,
Dantem se esibilem
Sive manducandum,

Mentem meam fragilem
Flecto ad laudandum

Hunc, qui se tam facilem
Praestat ad amandum.

81. Virtus inflexibilis

Quaquam potestate
A te ingressibilis

Stans aeternitate,
Tamen attingibilis

Amabili fate,
Sed et legum regulis

Ac humilitate.

82. Bonum indicibile

Linguis et scribenti,
Tamen diligibile

Summe piae menti,
Mihi appetibile

Affectu ferventi
Semperque laudabile

Cura diligenti.

83. Maiestas plenaria

Summae bonitatis,
Electorum gloria

In praedestinatis,
Fantes laudatoria

In his praedicatis
Perducas ad gaudia

Caeli cum beatis.

84. Iesu, existentium

Causa tu formalis,
In obscuris stantium

Lux interminalis,
Quem fovebat gremium

Matris virginalis,
Cuius patrocinium

Solvat nos a malis.

85. O beata trinitas,

Veritas et vita,
Cuius amabilitas

Exstat infinita,
Mea animositas

Culpis irretita
Ducatur ad semitas

Lege bipartita.

86. O incommutabile

Rerum fundamentum,
His inviolabile

Praestans fundamentum,
Iustis immutabile

Legis testamentum
Et interminabile

Iniustis tormentum.

87. O vita, fecunditas

Omnium vitarum,
Qua et immortalitas

Fluit animarum,
Per te nobis puritas

Conscientiarum
Detur atque foeditas

Mundetur culparum.

88. Iesu, praeamabilis

Patris genitura
Eiusque mirabilis

Splendor et figura,
A tuis nunc famulis

Aufer nocitura,
Quae bostis damnabilis

Infert summa cura.

89. Iesu, splendor gloriae,

Splendor paternalis,
Quo mundantur scoriae

Noxae mundialis,
Cum solvar a scabie

Vinculi carnalis,
Tuta me a rabie

Hostis infernalis.

90. Nomen Tetragrammaton,

Nomen summi Dei,
Nec non bomousion,

Robur meae spei,
Tuere me de Sion

Dignum poenis rei
Et prece theotocon

Miserere mei.

91. O pulchrum mirificum
Omnium pulchrorum,
Decus dans vifificum
Naturae eorum,

Auferas horrificum
Ducem tartarorum

Impetumque hosticum
Servorum tuorum,

92. O virtus mirifica

Induta decorem,
Quam hac laude metrica

Laudo redemptorem,
In me recalifica

Exstinctum amorem
Et culpae mortifica

Penitus vigorem.

93. Fons intellegentias,

Bonitas divina,
Qua gaudent essentiae

Caeli officina,
Nostrae ignorantiae

Pellas asinina,
Culpam iniustitiae

Cum fraude vulpina.

94. Conditor omnipotens

Appellatione,
Cuncta fovens, nutriens

Gubernatione,
Tua me erudiens

Sis instructione,
Qui erro insipiens

Obcaecatione.

95. O superamabilis

Dei pulchritudo,
Quam inenarrabilis

Decet sanctitudo,
Tua nobis famulis

Praestet lenitudo,
Locari cum angelis

Caelico in sudo.

96. Summe diligibilis

Es, o summe Deus,
Quem insatiabilis

Cupit amor meus,
En, me culpae maculis

Vexat Iebusaeus,
Hinc me ut damnabilis

Prosterno et reus.

97. O summa paternitas

Cunctis praedicanda,
O prolis nativitas

Nobis adoranda,
O sancti proprietas

Spiritus amanda,
Aufer poenas debitas

Pro culpa nefanda.
98. Summa Dei bonitas,

A qua omne bonum,
Praebens tuis gratias

Consolationum,
Tuum mea pravitas

Flectit ante tbronum,
Uti a me abigas

Ensem ultionum.

99. O inenarrabilis

Institutor vitae,
A cunctis amabilis

Exstans infinite,
Nos tibi in singulis

Fac servire rite,
Ut finitis saeculis

Dicas: Mecum ite.
100. Misericordissime

Pater, Logos, Flamen,
Te per flagrans intime

Deprecor conamen,
Ut pellas mitissime

Praesens tribulamen,
Quo nos iniquissime

Hostes vexant. Amen.