Acta Apostolicae Sedis - Commentarium Officiale872

Admiratione nos afficit extraordinaria testimoniorum congruentia quae in

Processu Beatificationis prolata sunt: anni enim quos in Collegio transege-

runt iuvenes ob affectum sororis Alfonsae, ob harmoniam ambitus, ob neces-

situdines cum sociis, ob humanam spiritualemque formationem, erant maxi-

me sereni et maxime uberes in eorum vita. Eius caritas Instituti muros

excedebat; ex quo etiamsi numquam Serva Dei exibat, omnes cognoscebant

eam, praesertim egentes caritate, corde confusi: inveniebat semper aliquem

modum iuvandi omnes qui Instituti ostia pulsabant. Vercellis Serva Dei in

necessitudine cum Deo et cum aliis fastigium caritatis pervertit. Hic modus

se gerendi singulis diebus nutriebatur celebratione adorationeque eucharisti-

ca, etiam ad summam noctem et, ex more humi arte prostrata. Etiamsi

singulari instructione theologica careret circa celebrationem mysterii Pascha-

tis Christi, Serva Dei intellexit, iam a prima Communione eucharistica et

adoratione, argumentum salvificum Crucis, in Sacramento renovatum. Ma-

xime obsequens exstitit attractivae Dei virtuti, quae in quibusdam paginis

eius diarii revelatur: « Sanguis meus impressit in anima tua, in mente, in corde

atque in corpore, tutam vitam meam, ita mea pulchritudo totam te induit;

cotidie ambula post me, a Praesepio ad Crucem, ab Incarnatione videlicet ad

Montem Calvariae »: en perspicua invitatio ad participandam immolationem

Illius qui in mysterio eucharistico venire pergit cum aqua et Sanguine, ad

homines sanctificandos. Mane diei XIII mensis Ianuarii anno MCMXXX Serva

Dei visa est humi penitus provoluta prope suum lectulum. Sequenti die obiit,

post meridiem circa horam primam cum dimidia. Notitia statim per Vercellas

diffusa est, omnium moventem suscitans et certam fidei affirmationem:

«Ecce mulier sancta obiit! ». Sensus fidei populi Dei statim eam sanctam

consideravit atque crescens fama sanctitatis Archiepiscopum induxit Vercel-

lensem ut anno MCMLXVI Processum Informativum inciperet de fama sancti-

tatis et virtutibus in universum Servae Dei, qui validus recognitus est per

Decretum Congregationis de Causis Sanctorum die XVIII mensis Novembris

anno MCMLXXXVIII editum. Consultores Theologi in Congressu Peculiari die X

mensis Februarii anno MMIV primum, ac deinde Patres Cardinales et Episcopi

in Sessione Ordinaria die I mensis Iunii anno MMIV edixerunt Servam Dei

virtutes heroicum in modum exercuisse. Die XXII mensis Iunii anno MMIV

Decessor Noster rec. mem. Venerabilis Servus Dei Ioannes Paulus II Congre-

gationi de Causis Sanctorum facultatem fecit ut huiusmodi Decretum

promulgaret. Servatis omnibus iuris legibus, die XXVII mensis Novembris

anno MMVIII, Congressus Medicorum Congregationis de Causis Sanctorum