14. De sancto Blasio.

In 1. Vesperis.

Super Psalmos.

A. O lucerna

sincerae fidei,

Cui sanctorum

congaudent cunei,
Tuo praesens

adsis solemnio
Et perenni

nos dita gaudio.

R. O virtutum luminare
praesigne miraculis,
Lumen Blasi singulare,

Salus in periculis,
Firmamentum salutare
Tuis esto servulis.
V. ''Bespice in servos tuos et
dirige opera eorum.''

Ad Magnificat.

Salve, martyr,

vera salvatio,
Blasi, nostra

spes et protectio,
Nos a mundi

salva naufragio
Et mundatos

ab omni vitio
Tuo dignos

redde consortio.

Ad Matutinum.
Invitatorium.

Ad regem vitae

digna cum laude venite,
Qui coelo Blasium

sustulit eximium.

In 1. Nocturno.
Antiphonae.

1. Urbe Sebastea

tua vernant, Christe, tro-
phea,
Pro gustu calicis

qui magna rependis amicis.

2. Dei praeceptum praedicans
Hic Blasius enituit,
Quem rex vere magnificans
In monte sancto statuit.

3. Mirificasti, Domine,

Sanctum tuum in saecula,
Quem pro gregis regimine
Pontificali infula
Induisti.

Respousoria.

1. Quam felici,

Christe, commercio
Tuos ditas

quantoque gaudio,
In insigni

declaras Blasio,
Qui praesentem
diem martyrio
Consecravit.
V. ''Gloria et honore coronasti
eum, Domine.''

2. Sanctitatis

praefulgons lumine,
Ut fulgeret

lux in caligine,
Praesulatus

vir sanctus culmine
Sublimatur.
V. ''Ut luceret omnibus in domo
Domini.''

3. Requisitus

sanctus a judice
Christi fidem

fatetur publice,
Multo ergo

caeditur verbere,
Sed verberi

non novit cedere
Mens immota.
V. ''In loco afflictionis suac con-
fitetur nomen Dei sui.''

In 2. Nocturno.
Antiphonae.

1. Monte martyr
Argei conditus,
Nil ferarum

concursu territus,
Harum morbos
ad tactum penitus
Emundabat.

2. In monte civitas
tegi non potuit,
Nam rumor praesidi
de sancto patuit,
Qui sibi protinus
adductum voluit
Praesentari.

3. Tribunali

jussus adsistere,
Christi servum

se prodit libere,
Caesus ergo
jubetur carcere
Conservari,

Responsoria.

1. Trina sancto visione
Per noctem apparuit,
Deque sua passione
Dominus innotuit,
Dum sub tali jussione
Carnis suae voluit
Holocaustum.
. ''Surge, Blasi, et offer mihi
hostias, ut soles.''

2. A squalore carceris
vir sanctus educitur
Rursumque conspectui
praesidis exponitur,
Sed nec diis immolat,
nec terrore flectitur
Tormentorum.
V. ''In Domino sperans non ti-
muit, quid faceret sibi homo.''

3. Ad jussum praesidis
missus in flumine,
Se munit Blasius

crucis munimine,
Mox unda primitus
fluens et liquida
Sub sancti gressibus
stetit in arida.
V. ''In mari viae ejus et semitae
ejus in aquis multis.''

In 3. Nocturno.
Antiphonae.

1. Incessanter insistebat
Saluti fidelium
Martyr atque retrahebat

Ab errore gentium,
Dum ad fidem convertebat,
Parvulos gentilium.
2. Signa verbo sociata
erunt in eo pariter,
Tabe mentis emundata
aegra caro similiter
Mundabatur.

3. Jam martyrum

consertus agmini,
Palma florens

in domo Domini
Tuos, Blasi,

fideles erige
Mores, actus

vitamque corrige.

RespoBsoria.
1. Sanctus mirabili
perfusus lumine
Sicco vestigio

exit de flumine,
Promisso coelitus

certus ex munere,
Gaudens et alacer
accedit propere
Ad coronam.
V. Cupiebat enim dissolvi et esse

'' cum Christo.
''2. Certanti sonuit

nuntius e caelis:
Amice Domini,

gaudeas, fidelis,
Veni et suscipe

bravium coronae,
Pro quo viriliter
sudans in agone
Decertasti,
V. ''Calicem salutaris accipiens
intra in gaudium Domini
tui.''

3. O coelestis

senator curiae,
Fons dulcoris,

Blasi, et veniae,
Ad devotae

vota familiae
Condescendens
consortem gloriae
Fac perennis.
V. ''Memor esto congregationis
tuae nec oolimscaris ejus in
finem.''

In Laudibus.
Antiphonae.

1. Mirabilis

in altis, Domine,
Qui decorem

cum fortitudine
Sancto tuo

dedisti Blasio,
Conregnanti

tecum in gaudio.

2. O fortis athleta

ad conspectum Christi,
Qui cum laetitia

victor introisti,
Nos ejus populum

et oves pascuae
In ejus atriis

tecum constitue.

3. Quam felix anima,

Quae Deum sitivit,
Ecce, nunc possidet,

quod dia cupivit ;
Translatam hodie

hanc super aethera
Dei magnifice

suscepit dextera.

4. O beati

justorum spiritus,
Quibus martyr
adjunctas inclitus,

Deum voce

collaudans sedula
Benedicit

ei in saecula.
5. In sanctorum

exsultans gloria,
Mira, Blasi,

gaudens laetitia,
Novum Deo

decantans canticum,
Laudes audi

tuorum supplicum.

Ad Benedictus.

A. O jubar aeternum,

Blasi, jubarque supernum,
Regis coelestis

o fortis et inclite testis,
Respice servorum,

clemens advocate, tuorum
Et prece nos solita

labenti dirige vita.

In 2. Vesperis.

R. Jam cursus felicis
expleto stadio
Athleta cervicem
supponit gladio,
Talentum cum lucro

reportans creditum,
Gaudentem in astris
intulit spiritum.
V. ''A Christo centuplum acci-
piens pro terrenis coelestia
comparavit.''

Ad Magnificat.

A. Magnificum salvatorem

Laudet omnis spiritus,
Ut Blasius det amorem

Sancti nobis spiritus,
Qui coelesti palatio

Fulgeat humanitus,
Illo nos ducat gaudio,

In quo regnat coelitus.

AdminBookmark

Admiranda virtus in Blasio,
Qua laetatur mater in filio,
Laetificans auspicis potio
Fuit causa.

AdminBookmark

Ad salutis fidum refugium
Concurrebat turba fidelium
Prece sanctus dolores omnium
Expellebat.

AdminBookmark

Deo placens atque gratissima
Tua, martyr, exstitit victima,
Dum post bella peracta plurima
Sacra coelos triumphans anima
Penetravit.
V. Vestimento gloriae induit te Dominus.

AdminBookmark